Аймақтар • 08 Ақпан, 2019

Оралда электронды қызмет көрсетеді

438 рет
көрсетілді
2 мин
оқу үшін

Орал қаласында операторлардың қ­а­ты­­суынсыз, элек­тронд­ы кілт арқы­лы­ өзіне қажетті кез кел­ген құжатты рәсімдеп алуға мүмкіндік беретін халыққа қызмет көрсету орталығы ашылды. Заманауи үлгідегі цифр­лы технологиялармен жабдықталған «Азаматтарға арналған үкімет» мемлекеттік корпорациясының фронт-офисінде 454 қызметті электронды түрде алуға болады.

Оралда электронды қызмет көрсетеді

– Бұған дейін мұндай орта­лықтардың қызметі рес­публикалық маңызы бар қала­ларда ғана қолжетімді болатын. Мемлекеттік қызмет көрсету реестрі бойынша қазіргі таңда 741 мемлекеттік қызмет түрі бар, соның 454 мемлекеттік қыз­мет түрі осы жерде электронды түрде көрсетіледі, – дейді «Аза­маттарға арналған үкімет» облыстық филиалының PR-менеджері Жәдігер Дәрменов.

Орталықтың ашылуына Мемлекеттік қызмет істері және сыбайлас жемқорлыққа қар­­сы іс-қимыл агенттігінің Батыс Қазақстан облысы бо­йынша департаментінің бас­­шысы, Әдеп жөніндегі ке­ңес төрағасы Болат Исақов, об­лыстық ақ­­параттандыру, мем­­лекеттік көр­сетілетін қыз­мет­тер және архивтер бас­қар­масының басшысы Сәкен Нұртазаев, «Азаматтарға ар­­нал­ған үкімет» мемлекеттік кор­­порациясының облыстық фи­лиалының директоры Марат Бас­саров қатысты.

– Орталықта аптасына ал­т­ы күн бойы халықтың циф­р­лы сауаттылығын арттыру мақ­са­тында оқыту сыныптары жұ­мыс істейтін болады. Ол жерде кез келген адам өз білімін шың­дауға мүмкіндігі бар», дейді «Аза­маттарға ар­нал­ған үкімет» мемлекеттік кор­порациясының облыстық фи­лиа­лының директоры Марат Бассаров.

«Азаматтарға арналған үкі­­мет» мемлекеттік корпорация­сының фронт-офисінде азаматтар арнайы стенд-павильон­дарда орналасқан қоғамдық қол жет­кі­зу пункттерінің, «Con­nection­­Point»­ өз-өзіне қыз­­мет көр­се­ту секторының және план­шет­тердің көмегімен элек­трон­дық өтінімдерді өз­ бетін­ше тап­сыра алады. Сондай-ақ опе­­ра­тордың көмегінсіз өзде­ріне қажет кез келген құжатты ре­сімдеп, цифр­­лы сауаттылық дағдыла­рын шыңдай алады.

2018 жылы Батыс Қазақстан облысында мемлекеттік қыз­метті электронды үкімет пор­­талы арқылы алушылар қа­та­ры көбейген. Сала мамандары Мо­­биль­ді азаматтар ба­засы­на тіркеліп, «Connection point» секторында өздігінен қызмет алушылардың саны да өткен жылмен салыстырғанда анағұрлым жоғары екенін айтады. Мысалы, 2018 жылы фи­лиалда 200 мыңнан аса ба­тысқазақстандық электронды цифр­лы қолтаңба алып, өз өзіне қызмет көрсету алаңында 450 мың­нан аса мемлекеттік қызмет алыпты.

Қазбек ҚҰТТЫМҰРАТҰЛЫ,

«Egemen Qazaqstan»

Батыс Қазақстан облысы