Спорт • 11 Ақпан, 2019

Александр Бублик бас жүлде алды

68 реткөрсетілді

Венгрияның астанасы ­– Будапеште өткен халықаралық турнирде қазақстандық теннисші Александр Бублик барлық қарсыласын қапы қалдырып, бас жүлдені олжалады.

Жүлде қоры 64 000 евроны құраған жарыстың бастапқы бәсекелерінде канадалық Стивен Диас пен ресейлік Павел Котовты қапы қалдырған жерлесіміз ширек финалда хорватиялық Виктор Галовичтен айласын асырды. Жартылай финалда ол словакиялық Филип Хоранскиге сан соқтырса, ақтық сында италиялық Роберто Маркордан мерейі үстем болды. Бұл кездесуде 6:0, 6:3 есебі тіркелді.

Бұл – Бубликтің карьерасындағы ITF және «Челленджер» санатындағы турнирлердегі сегізінші жеңісі. Жуырда ғана Дэвис кубогы жолындағы жарыста Қазақстан құрамасының Португалияны ұтуына сүбелі үлес қосқан отандасымыз Будапеште де елеулі табысқа қол жеткізді. Ал 2016 жылдан бері ұйымдастырылып келе жатқан айтулы турнирде Александр Бубликке дейін канадалық Вашек Поспишил, австриялық Юрген Мельцер және  румыниялық Мариус Копил топ жарған болатын.

Сонымен қатар бүгін Голландияның Роттердам қаласында АТР санатындағы турнирдің жалауы желбірейді. Жүлде қоры 2 098 480 евроны құраған турнирдің алғашқы айналымда отандасымыз жергілікті теннисші Робен Хасемен шеберлік байқасады.   

Ғалым СҮЛЕЙМЕН,

«Егемен Қазақстан»

Баннер
Соңғы жаңалықтар

Елбасы шешімін жоғары бағалады

Президент • Бүгін, 09:45

Несие пайызы төмендеуі мүмкін бе?

Экономика • Бүгін, 09:19

Ұқсас жаңалықтар