Аймақтар • 11 Ақпан, 2019

БҚО-да жас жұбайлар көпбалалы отбасыға көмектесті

78 реткөрсетілді

Батыс Қазақстан облысында жас жұбайлар көпбалалы отбасыға азық-түлік жеткізіп берді деп хабарлайды ҚазАқпарат тілшісі.

Ақжайық ауданында жаңадан шаңырақ құрған Тынымгерей мен Мәлика Амангелдиевтер үйлену тойы кезінде қымбат кортеждер жалдап, көңіл-көтерудің орнына қайырымдылық жасаған.  

Өңірде басталған «Жақсылық жаса» жастар марафонын қолдаған жас жұбайлар аудан орталығы Чапаев ауылында тұратын көпбалалы отбасыға азық-түлікпен бірге қаржылай қолдау көрсетті. Отбасылық өмірін осылайша шарапатты іспен бастаған жастар 9 баланы өмірге әкеліп, өсіріп отырған отағасы мен отанасының алғысына бөленді.

«Үйлену тойы - өміріміздегі ең үлкен қуаныш. Біз отбасылық өміріміздің алғашқы ақ парағын қайырымдылықпен бастағымыз келді. Біздің ниетімізді ата-анамыз қуана қолдады. Біз мұны атымызды шығару немесе мақтан үшін емес, жүрек қалауымызбен жасадық. Біз осы қадамымыз арқылы басқа да жас жұбайларды ойландырғымыз келді», - деді Тынымгерей Амангелдиев.

Баннер
Соңғы жаңалықтар

Петропавлда екі зауыт салынады

Аймақтар • Бүгін, 10:03

Ұқсас жаңалықтар