Аймақтар • 14 Ақпан, 2019

Ас әзірлеудің де өз «айласы» бар

121 реткөрсетілді

Не пісірсе де тамағы тіл үйіретін қыз-келіншектер бар. Қазір ғаламтордан қазан-ошақтың қыр-сырын қалай меңгеремін десең де мың мүмкіндік бар. Ал әйелдік сұңғылалыққа ас үйдің сырын қосып, оны тамаша көңіл күймен көмкеріп ұсынатын болсаңыз, бұл да отбасының бақыты. Ендеше, әркім білуге тиісті ас үйдің алғашқы 7 құпиясымен таныс болыңыздар.

Кофе қайнатып жатқанда оған бір шымшым тұз бен даршын (корица) қосса, жұпар иісі аңқи түседі. Ал кофені туркада қайнатқан кезде кептірілген лимон немесе апельсин қабығын қосып жіберуге болады.  

Пышақты жуғаннан кейін бірден құрғатып сүртіп қойса, жүзі көпке дейін мұқалмай тұрады.

Сорпаның түсі мөлдір болу үшін оған бір түйір мұз салып, қайнатып жіберсе дұрыс болады.

Салатқа қосатын пиязды алдын ала 10-15 минут суық суға салып қойса, ащылығы мен иісі азаяды. 

Егер бәліштің асты піспей жатып, беті күйіп бара жатса, бетіне дымқыл қағаз сүлгі жауып қоюға болады. 

Гарнир ретінде дайындалатын күріш аппақ болу үшін оған қайнап жатқан кезде бірнеше тамшы сірке суын қосып жіберу қажет. 

Барлық салатты дастарқанға қоятын кезде ғана тұздаған жөн. Сол кезде көкөністер балғындығы мен суын жоғалтпайды. 

Айнаш ЕСАЛИ, 

«Egemen Qazaqstan»

Баннер
Соңғы жаңалықтар

Біз - «BIRGE»!

Сайлау • Кеше

Сауаптан құр қалмаңыз

Руханият • Кеше

Игі істердің ұйытқысы

Руханият • Кеше

Ұқсас жаңалықтар