60 келіде турнирдің күміс жүлдегері атанған Елдос Сметов 5-ші орыннан 4-ші сатыға көтерілді. Елдостың еншісінде 1460 ұпай бар. Бұл салмақта ресейлік Роберт Мшидобадзе көш бастап тұр. Екінші орында жапониялық Наохиса Такато, үшінші орында грузиялық Амиран Папинашвили.
66 келідегі Ерлан Серікжанов 5-ші орында келеді. 2018 жылғы әлем чемпионатының күміс жүлдегері Париж татамиінде алысқа барған жоқ. Десе де, үздік бестік қатарында. Осы салмақтағы тағы бір спортшымыз Елдос Жұмақанов 17-ші орында.
73 келідегі Жансай Смағұлов 12-ші, 81 келідегі Дидар Хамза 9-шы орында. Осы салмақтағы жаңа есімдердің бірі саналға Руслан Мұсаев 82-ден 48-ші сатыға көтерілді.
90 келіде Grand Slam турнирінің күмісін иеленген Ислам Бозбаев алғашқы алтылыққа кірді. Бүгінге дейін 11-ші орында тұрған балуанға Париждегі жетістігінің үлкен көмек болғаны сөзсіз. Бұл салмақта испаниялық Николос Шеразадишвили рейтингтің ең жоғарғы сатысында тұр.
100 келіге дейінгі салмақта Әділхан Қозыбаев 46-шы, аса ауыр салмақтағы Ерасыл Қажыбаев 26-шы орында.
