Ұлттық Банктің Төрағасы Е. Досаевтың және ұлттық экономика министрі Р. Дәленовтың баяндамаларын тыңдаған соң, Премьер-Министр А. Мамин алғаш рет Үкімет пен Ұлттық Банк арасындағы өзара іс-қимыл келісім түрінде рәсімделгенін атап өтті. Бұл бірлескен жаңа жұмыс форматы.
Біріншіден, экономикалық өсімді қолдау бойынша өзара іс-қимыл айқындалады.
Екіншіден, 10 нақты міндет айқындалды.
Үшіншіден, жалпы фискалдық, валюталық, ақша-кредит және макроэкономикалық саясаттың болжамды болуы жағынан нарыққа нақты белгі беріледі.
«Келісімнің іске асуының арқасында экономиканың сапалы өсуі және халықтың тұрмыс сапасының артуы қамтамасыз етіледі», — деп атап өтті Премьер-Министр.
