Қазақстан • 24 Қыркүйек, 2019

Халықаралық ұйымдасқан қылмыстық топтардың бірыңғай тізімін жасау керек – Елбасы

168 рет
көрсетілді
1 мин
оқу үшін

Бұл туралы Тұңғыш Президент-Елбасы Еуразия елдерінің парламенттері спикерлерінің IV кеңесінде айтты.

Халықаралық ұйымдасқан қылмыстық топтардың бірыңғай тізімін жасау керек – Елбасы

«Парламентаралық қоғамдастық ішіндегі қатарды жұмылдырып, заңнамалық трендтердегі бірлескен жұмыстың тиімділігін арттыру қажет. Терроризмнің жалпы анықтамасын әзірлеу, террористік, экстремистік ұйымдардың, халықаралық ұйымдасқан қылмыстық топтардың бірыңғай тізімін жасау маңызды. Сондай-ақ әлемдік экономиканы жаңа цифрлық дәуірге, жасанды интеллект дәуіріне көшіру барысындағы құқықтық базаны әзірлеу жұмыстары да өзекті болып отыр»,  деді Елбасы Н.Назарбаев.

Айта кетейік, Еуразиялық мемлекеттердің заңнамалық органдары басшыларымен жан-жақты диалог орнату мақсатында ұйымдастырылып жатқан форум биыл Қазақстанда бірінші рет өтіп жатыр. Бұған дейін Еуразия елдері парламенттері төрағаларының кеңесі Ресейде, Оңтүстік Кореяда және Түркия Республикасында өткен еді.

Форумға қатысушылар қатарында ЕҚЫҰ мен ҰҚШҰ парламенттік ассамблеялары, Парламентаралық одақ, Азия парламенттік ассамблеясы, Халықтың қоныстануы және дамуы жөніндегі парламентарийлердің Азиялық форумы, Еуропалық парламент, Азиядағы өзара іс-қимыл және сенім шаралары кеңесі, Ислам ынтымақтастық ұйымы парламенттік одағы, ТМД ПАА, ШЫҰ сынды ұйымдар бар.