Үлкен кісілерді, балалар үйі тәрбиеленушілері мен арнаулы ауруханалардағы науқастарды қажетті заттармен үзбей қамтамасыз етуге баса көңіл бөлген жөн деді Елбасы.
«Еліміздің көмекке мұқтаж әрбір азаматына қамқорлық көрсетілуге тиіс. Қазақстандықтар қиын кезеңдерде әрдайым бір-біріне жәрдемдескен. Бұл іске еріктілер қозғалысының өкілдері де атсалысады деп сенемін» деді Н.Назарбаев.
Сондай-ақ Елбасы біз пандемиямен күрестің алдыңғы шебінде жүрген дәрігерлер мен медбикелерді, құқық қорғау органдары мен әскери қызметкерлерді қолдауымыз керек екенін еске салды.
«Олардың иығына ауыр жүк түсіп, зор жауапкершілік артылып отыр. Жұртшылықтың оларға көмектесіп, түсіністік танытуға және барлық нұсқауын жауапкершілікпен орындауға тырысқаны жөн» деді Тұңғыш Президент.
