Биыл әлеуметтік-мәдени саланы, тұрғын үй-коммуналдық шаруашылық, инженерлік-көліктің инфрақұрылым нысандарын жөндеу, қалпына келтіру, елді мекендерді абаттандыру бағытындағы жобаларды жүзеге асыру көзделіп отыр, - деді Г.Әбенова.
Бұл мақсатқа 53,7 млрд теңге қарастырылған. Басқарма басшысының айтуынша, биыл жұмыспен қамту орталықтары арқылы инфрақұрылымдық жобаларды іске асыруға тартылған тұрғындардың орташа жалақысы кемінде 2 ең төменгі жалақы мөлшерінде немесе 85 000 теңгенің шамасында болады. Бүгінде облыста 275 инфрақұрылымдық жоба бар. Оларды іріктеу барысында қосымша жұмыс күшін қажет ететін ірі кәсіпорындары бар шағын қалалар мен облыс орталығына басымдық берілген. Бұл жобалар 13 435 жаңа жұмыс орнының ашылуына мұрындық болмақ. Осылайша Жұмыспен қамту орталықтары арқылы 6718 жұмыссызды еңбекпен қамту көзделіп отыр.
Қостанай облысы
