– Полиция қызметкерлері түс кезінде Атырау қаласындағы Каспий ықшам ауданы мен Тұрғындар қалашығы-Авангард шағынаудандары арасында салынған жаяу көпірдің тұсында серуендеп, Жайық өзеніне суға шомылып жүрген онға жуық жасөспірімді анықтады. Балаларының өзен жағалап, қауіпті жайтты ескерместен, суға түсіп жүргенінен бейхабар ата-аналар қалалық полиция басқармасына шақыртылды. Оларға қатысты ҚР Әкімшілік құқық бұзушылық туралы Кодексінің 364-бабымен (Ортақ су пайдалану қағидаларын бұзу) хаттамалар толтырылды,- деп хабарлады облыстық полиция департаментінің баспасөз қызметі.
