Кезекте тұрған әлеуметтік осал топтарға және көпбалалы отбасыларға 450 пәтер, мемлекеттік қызметкерлерге 1000-нан астам несиелік пәтер табыс етілмек.
Облыс әкімі Өмірзақ Шөкеев салынып жатқан үйлерді аралап, құрылысшылармен кездесті. Өңір басшысының тапсырмасына сәйкес, тұрғын үйлердің қасбеті тұтастай ашық түсті травертин мен ақ мәрмәр таспен қапталуда. Олардың сапасын тексеріп шыққан облыс әкімі мердігер компания жауаптыларына жұмыс қарқынын жылдамдатуды жүктеді. «Жұмыс көлемі өте ауқымды, оны жақсы түсінемін. Бірақ қазір кідіретін кез емес. Терең жауапкершілікті сезіне білу маңызды. Біздің тарапымыздан қандай да бір көмек керек болса, тікелей айтыңыздар», - деді Өмірзақ Естайұлы. Сондай-ақ құрылыс басында сақтық шараларын күшейте отырып, тәулік бойғы жұмыс кестесіне көшуді тапсырды.
Түркістан облысы
