Тек елдің батысы мен шығысында найзағай ойнап, жаңбыр күтіледі. Кей өңірде екпінді жел соғады. Оңтүстікте және батыста шаңды дауыл тұрады.
"Қазгидромет" РМК мәліметінше, Жамбыл, Түркістан, Қызылорда, Маңғыстау облысының кей жерінде шаңды дауыл күтіледі, жел 15-20 м/с күшейеді.
Атырау, Батыс Қазақстан облысында желдің күші 15-20 м/с артады. Атырау облысында шаңды дауыл тұрады.
Қарағанды, Шығыс Қазақстан облысында, күндіз Ақмола, Павлодар, Алматы, Ақтөбе, Қостанай облысының кей жерінде жел 15-20 м/с күшейеді.
Күндіз Қызылорда облысында, Маңғыстау, Ақмола, Қостанай, Солтүстік Қазақстан облысында, Қарағанды облысының оңтүстігінде қатты ыстық күтіледі.
Атырау, Батыс Қазақстан, Ақтөбе облысында – қатты, оңтүстікте өте қатты ыстық күтіледі.
Атырау облысында, Қызылорда, Қарағанды, Түркістан, Жамбыл, Алматы облысының кей жерінде, Ақтөбе, Батыс Қазақстан облысының оңтүстігінде жоғары өрт қаупі сақталады.
