Саясат • 12 Қаңтар, 2021

Бұл – партия үшін тәлімі мол тәжірибе

212 рет
көрсетілді
1 мин
оқу үшін

Елдегі парламенттік сайлаудың алдын ала қорытындысы бойынша «Ақ жол» партиясы сайлаушылардың 10,18% дауысын жинап, екінші орынға шықты. Партия өкілдері сайлауда дауыс бергендерге алғыс білдіріп, Қазақстан халқын сайлаудың сәтті өтуімен құттықтады.

Бұл – партия үшін тәлімі мол тәжірибе

«Ақ жол» партиясының төрағасы саяси ұйымды қолдаған отандастарына алғыс білдіре келе, бұл науқанда үлкен тәжірибе жинағанын баса айтты. Оның айтуынша, биылғы науқан қауіпті індетпен тұспа-тұс келді. Соған қарамастан, сайлау барлық санитарлық талапты сақтай отырып ұйымдастырылды.

«Мен «Ақ жол» партиясына және өзге де саяси партияларға дауыс берген отандастарыма шын жүрек­тен алғыс айтамын. Себебі әрбір азамат­тың дауы­сы өте маңызды. Саяси пар­тия­лары­мыз бен сайлаушыларымыз өте жақсы тәжірибе жинады. Ол тәжі­ри­бе әрі қарай да еліміздің дамуына, демократияландыруына өте пайдалы бо­лады деп ойлаймын. Біздің партияға көрсеткен сенімді ақтауға тырысамыз. Оған еш күмән болмасын және де біз­дің әріптестеріміз – басқа да партия төр­ағаларын, Тұңғыш Президентімізді құт­тықтағым келеді», деді А.Перуашев.

«Ақ жол» партиясынан Мәжіліске 38, мәслихатқа 705 кандидат ұсы­ныл­ған еді. Еxit poll нәтижелерін жария­лағаннан кейін ақжолдықтар бір-бірін құттықтап, сайлаушыларға алғыс айтып, әріптестеріне табыс тіледі.