Коронавирус • 21 Тамыз, 2021

Спутник V аутоиммундық аурулар тудырады – жалған ақпарат

314 рет
көрсетілді
2 мин
оқу үшін

Қазақстандықтар Спутник V вакцинасы аутоантиденелердің пайда болуына және аутоиммундық аурулардың дамуына әкелетіні туралы хабарламалар таратуда. Препараттың тиімділігі дәлелденбеген, сондықтан оны егу қауіпсіз емес. Бұл жалған, деп жазады Egemen.kz stopfake.kz мәліметіне сілтеме жасап.


Спутник V аутоиммундық аурулар тудырады – жалған ақпарат

Бұл туралы ресейлік экономист Михаил Делягин мәлімдеген. Мысалы, «Комсомольская правда» радиосының соңғы эфирлерінің бірінде ол вакцинацияланған адамдардың КВИ жұқтыру мүмкіндігі екпе салдырмағандарға қарағанда 1.5 есе жоғары екенін жеткізді. Бірақ бұл мәлімдеме ресми статистикамен және ғылыми деректермен расталмайды. 

Спутник V вакцинасының тиімділігі дәлелденбеген деген тезистер де ғылыми деректерге қайшы келеді. Препараттың клиникалық сынақтарының үшінші кезеңінің аралық нәтижелері ағымдағы жылдың ақпан айында медициналық рецензияланған The Lancet журналында жарияланды. Мақалада вакцинаның тиімді және қауіпсіз екендігі айтылған. Сынаққа қатысушыларда аутоиммундық аурулардың даму жағдайлары туралы хабарланған жоқ.

Бүгінгі таңда Спутник V тіркелген және 69 елде жаппай вакцинациялау үшін қолданылып жатыр.  КВИ қарсы егу науқаны басталғаннан бері препараттың қауіпсіз және тиімді екендігі туралы дәлелдер жеткілікті жиналды. Бұл туралы Nature және The conversation сияқты беделді басылымдар хабарлады.

Сондай-ақ, ғалымдар Спутник V вирустың әртүрлі нұсқаларына қарсы тиімділігін анықтау үшін егілген адамдардың қанын алып зерттеген зерттеулер бар. Делягин айтқан аутоиммунды антиденелердің дамуы туралы ғылыми еңбекте айтылмаған.

Сонымен қатар ғалымдар КВИ қарсы вакциналардың ешқайсысының, соның ішінде мРНҚ мен векторлық препараттардың аутоиммунды аурулардың дамуы арасындағы байланысты таппады. Бірақ COVID-19 ауырған вакцинацияланбаған адамдарда аутоантиденелердің болуы туралы бірден бірнеше ғалымдар тобы хабарлады. 

Спутник V вакцинасының дәлелденбеген тиімділігі мен препараттың аутоиммунды ауруларды тудыруы туралы мәлімдемелер негізсіз және қолданыстағы ғылыми мәліметтерге қайшы келеді.