«Маған күн сайын «Чимаевпен қашан шығасың? Соны ойсырата жең» деп жазатындар аз емес. Өз кезегімде мен оларға: «Асықпаңыздар, бәрінің уақыты келеді. Сол кезде сегіз бұрышта жолығамыз», деп жауап беремін. Чимаев алға кетіп қалғаны белгілі. Әзірге оны шайқасқа шақырудың маңызы шамалы. Әлбетте, ол қазір хайп жасап жүр. Ал мен ешкімнен қорықпаймын. Тек бос сөзді, бос сөйлегенді ұнатпаймын», дейді қазақстандық спортшы.
Шавкат соңғы жекпе-жегінде бразилиялық Мишель Празереспен сегіз бұрышта кездесіп, қарсыласын екінші раундта самбишн әдісімен мерзімінен бұрын жеңгені жанкүйерлердің жадында.
