Қатысушылар үш бағыт бойынша цифрлық мамандықтарға оқыды: No Code əзірлеу, UX/UI design, жаcанды сана (AI) маманы. Нəтижесінде, білім алушыларға курсты сəтті аяқтағаны туралы сертификат беріліп, 10 үздік жобаның авторы ҮЕҰ-дан 100 000 теңгеге дейінгі коммерциялық тапсырыстар алды. Тиісті дəрістер осы жылдың шілде айында басталғаны аян. Осылайша, еліміздің түкпір-түкпірінен 1800 өтініш түсіп, оның ішінен 18 бен 35 жас аралығындағы 180 адам іріктеліп алынды. Олардың басым бөлігі – студенттер, əртүрлі топтағы мүгедектігі бар жандар.
Жобаға қатысушылардың айтуынша, аталған жоба оларға сұранысқа ие цифрлық кəсіптерді меңгерумен қатар, өмірде өз жолын табуға тамаша мүмкіндік береді. Оқушылар бағдарламаның арқасында өздеріне деген сенімнің артқанын, тəжірибелік дағдылар бұдан əрі жұмысқа орналасуға жол ашқанын айтады.
«Жобаға қатысу бізге UX/UI дизайны саласындағы сұранысқа ие дағдыларды меңгеріп қана қоймай, сонымен қатар өз қабілетімізге деген сенімді арттыруға мүмкіндік берді. Өз басым кəсіби өсуге және табысты жұмысқа орналасуға мүмкіндік беретін құнды тəжірибе жинадым. Бұл бағдарлама өз қабілетімді іске асыру, мансаптық мақсаттарыма жету жолындағы маңызды қадам болды», дейді Жамбыл облысынан жобаға қатысушы Дина Сматлда.
Лагерьдің ашылуында «Самұрық-Қазына» қорының басшысы Нұрлан Жақыпов мəлімдегендей, курс қатысушыларына қордағы компаниялар тобына жұмысқа орналасуға көмек көрсетіледі.
Марапаттау рəсімінде қордың басқарушы директоры Ғибрат Ауғанов қазіргі уақытта қорда үш мыңға жуық ерекше қажеттілігі бар қызметкер жұмыс істесе, тек соңғы 10 айда 447 адам жұмысқа орналасқанын жеткізді. Ол қор тарапынан ерекше қажеттілігі бар адамдарға қолдау көрсету жалғасатынын атап өтті.
Игі істі қордың бірыңғай қайырымдылық операторы «Samruk-Kazyna Trust» КҚ «Shell» компаниясымен, «IteachMe» қорымен бірлесіп жүзеге асырып жатыр.
Алдаберген КЕМПІРБАЙ
