Академик Кеңес Нұрпейісұлының залы ашылды

Халық тарихына сергектікпен қарап, оның кірпияз екенін, бір әрпінен, бір жолынан қате жіберсең талайды адастырасың, деп ұлт ұстазы Ахмет Байтұрсынұлының «Қазақты кім жем қылмай отыр? Қазақтың ақысы қазақпен араласқан жұрттың бәріне де ауысып жатыр», деген сөзіне ұйып, әсіресе Алаш арыстарына арқа сүйеген, алаштану ғылымының негізін салған академик, Мемлекеттік сыйлықтың лауреаты Кеңес Нұрпейісұлына арналған ғылыми зал елордадағы Ұлттық кітапханада ашылды.
Егемен Қазақстан
19.04.2017 509

Осы игілікті істің алдында Алаш партиясы мен Алашорда үкі­метінің 100 жылдығына ар­нал­ған «Кеңес Нұрпейісұлының Алаш тарихына қосқан үлесі» ат­ты ғылыми-практикалық конфе­ренция бо­лып, алғашқы сөзді Мемлекет та­рихы институтының директоры, про­фессор Бүркітбай Аяған алып, ға­лымның ұлт тарихына қосқан үлесін тарата айтып, өзі бастаған шәкірттерін де еске салды. Ел­ба­сы Нұрсұлтан Назарбаевтың «Б­олашаққа бағдар: рухани жаң­­ғыру» атты мақаласындағы ха­лық­тық идеяларға тоқталды. 

Академик Болат Көмеков бұл шара қазақ ғылымына, оның ішінде тарихшыларға көрсетілген құрмет екенін, алаштану ғылымының не­гізін салған ғалымның екінші өмірі бас­талғанын, ол елдің рәмізі – ер­кін­дік деп білгенін, қай еңбегінде де дерексіз сөйлемейтінін тілге

ти­ек етіп, жарты ғасыр бірге қызмет ет­кенін, рухының тазалығы сонша, бар қазақты өзіне санағанын, мен өмірден озғанда арулап аққа орай­тындар Болат пен Карл (Байпақов) болсын деп кеткенін толқи тұрып еске түсірді. Ол сонымен қатар, Қазақстан тарихының 5 томдығын шығару тұсында 4-томына жете­к-

­шілік жасағанын, алаштануды ай­налымға қосқанын, Елбасының соңғы мақаласындағы 100 тұлғаның қатарынан орын алатын азамат екенін жеткізді.

Қоғам қайраткерлері, профес­сорлар Әділ Ахметов адами қа­си­е­ттерін, кішілігі мен кісілігін үл­гі етсе, Камал Бұрханов бірінші алаштанушы деп, классикалық академиктің үлгісі, тіпті эталоны Кеңес Нұрпейісұлы деген байла­мын ортаға салып, қазір ака­де­миктердің көбейіп кеткенін де атады. Шынын­да, ғылымға кім­нің қандай үлес қос­қанын уақыт анық­тар, әйтсе де ел біл­мейтін ака­демияның академиктері мен шикі «членкорлары» қаптап кет­кені рас. Академик Ғарифолла Есім Елбасының мақаласы туралы жан-жақты ой тербей келіп, ұлтымызға ұйысатын, бірігетін кез­дің келгенін, рухани залы ашылып отырған шын зиялының мықты қа­зақ болғанын, ол зерттеген Алаш та­рихын жан-жақты білу бәрімізге сын болып тұрғанын атаса, жазушы Шәрбану Бейсенова нағыз санасы ояу, өресі биік ғалымның ба­сылымдарға мақала жазудағы сау­аттылығы мен өнегесінен дә-

й­ек­­­тер келтірді. Профессорлар Қа­зы­­бекби Бүйтекұлы құнарлы жер­­ден шыққан азаматтың тек тамырына тоқталса, Қадыр Ахметов қазақ тілін тарих ғылымында ғылым тіліне айналдырған бірден-бір тұлға Кеңес Нұрпейісұлы деген байламын назарға салды.

Ал академиктің рухани мұ­ра­сын көзінің қарашығындай сақ­­тап, Ұлттық кітапханаға тап­­сы­рып отырған профессор Тал­ды­бек Нұрпейіс әкесінің бү­кіл өмір жолына барлау жасап, Алаш­ты зерттеуіне Бауыржан Мо­мышұлының ой салғанына дәлелдер келтірді. Қас батыр «Сен халық жауының баласы екенсің, бірақ оның ақиқаты Аллаға ғана аян, партия мен совет тарихын академик Ақай Нүсіпбеков екеуің жазып болған шығарсыңдар. Енді Алаш тарихына баруларың керек, ұлт ақиқаты сонда жатыр!» деп Әлихан, Ахмет, Міржақып туралы аз-кем мәлімет беріпті.

Ғылыми залдың ашылу рә­сі­мінен кейін де академиктің шә­­кірттері Ж.Қуанышев, З.Дү­кен­ба­ева, Қ.Еркінбекова, Қ.Еңсенов ұстаздарының қамқор­лы­ғынан, көрген шарапаттарынан мысалдар келтірсе, магистрант Е.Тоқтарбай ғалымның рухани дүниесінің Астанаға келуі жастар үшін тиімді екенін жеткізді. Әдемі істі Ұлттық кітапхананың директоры Үмітхан Мұңалбаева қорытып, осындай жақсы іске жол ашқан Мәдениет және спорт министрлігіне, тілектес барлық азаматтарға шын ниеттен алғысын білдірді.


Сүлеймен МӘМЕТ,
«Егемен Қазақстан»


Суретті түсірген
Орынбай Балмұрат, «Егемен Қазақстан»


СОҢҒЫ ЖАҢАЛЫҚТАР

21.10.2017

«Хабар» агенттігі БАҚ өкілдері арасында дәстүрлі футбол турнирін өткізеді

21.10.2017

Кенияда журналистер мінген тікұшақ көлге құлады

21.10.2017

5,5 пайыздық мөлшерлемемен несие бере бастады

21.10.2017

Роналду жылдың ең үздік футболшысы атанды

21.10.2017

Мешітті тонаған азамат ұсталды

21.10.2017

Кәсіпкерлер палатасы есеп берді

21.10.2017

Қазақ романсиадасына 20 жыл

21.10.2017

Қырғыз саясаткері Нұрсұлтан Назарбаевқа өтініш білдірді

21.10.2017

Сарыағаштық шаруалар қайта өңдеу ісін жандандыра бастады

21.10.2017

Газ келді. Қосуда қиындық бар

21.10.2017

Рухани келісім – бейбітшілік негізі

21.10.2017

Ауғанстан мешіттеріндегі жарылыстан құрбандар саны артуда

21.10.2017

Түркияда Қазақстан мәдениеті мен киносының күндері

21.10.2017

Қостанайда құқық қорғау қызметтері орталығы ашылды

21.10.2017

Қарттар үйіне көтеру құрылғысын тарту етті

21.10.2017

Қостанайда полицейлер көкпар тартты

20.10.2017

Қазақстанның Қауіпсіздік Кеңесінде кадрлық өзгерістер болды

20.10.2017

Астанада жетімдер саны азайды

20.10.2017

Сарыағаш ауданында қарқынды бау көлемі артып келеді

20.10.2017

Тараз Мемлекеттік педагогикалық институтына 50 жыл толды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Кімді тұлға тұтамыз?

Баяғының жастарына «Мен өмір­ден өзімді іздеп жүрмін» деп сөйлеу тән болатын... Жақында Америкада оқып жүрген қазақ­стандық жас өреннің пікірін тыңдап көруге тура келді.

Жылқыбай ЖАҒЫПАРҰЛЫ, «Егемен Қазақстан»

Дауыл алдындағы тыныштық болып жүрмесін

Төрткүл дүниені тығырыққа тіреген 2008 жылғы жаһандық қаржы дағдарысы мен 2009 жылғы «ұлы рецессиядан» енді ғана оңала бастаған әлем экономикасы 2016 жылдан бастап баяу да болса тұрақты даму бағытына бет бұрды.

Бақытгүл САЛЫХОВА, педагогика ғылымдарының кандидаты

Шексіз білім

«Білім шексіз бе, әлде білімнің шегі бар ма?» деген сұраққа жа­­уап­ іздеп жүріп, Оксфорд уни­вер­ситетінің профессоры, матема­тик Мар­кус дю Сотойдың «Біз нені біле алмаймыз: білім шегіне сая­хат» («What we cannot know») ат­ты кітабын сатып алдым. Про­фес­сор бұл кітабында нөлден бас­­­тап жетіге дейінгі межені бел­гілейді. Нөлінші межені «Белгілі, бірақ белгісіз» әлде «Белгілі, бірақ бей­мәлім» деген дұрысырақ па?­ Біз біле­тін нәрседен бастап еш­қашан біле алмайтынға, ал одан шек­сіздікке дейінгіні тұспалдайды. Біз нені білмейміз және нені біле ал­маймыз? 

Сейфолла ШАЙЫНҒАЗЫ, «Егемен Қазақстан»

Ұялы байланыс: ұтқан кім, ұтылған кім?

Бүгінде ұялы телефонды пайдалан­байтын адам кемде-кем. Олай болса осынау ертелі-кеш қолымыздан тастамай «рахатын» көріп жүрген игілік үшін кімдерге қанша ақша санап береді екенбіз?  

Талғат СҮЙІНБАЙ, «Егемен Қазақстан»

Қарсылық па, таршылық па?

«Біреу Алматыға бір «КамАЗ» сәбіз әкеліп төгіп, елге тегін таратты» деген хабардың шығуы мұң екен, веб-сайттар ақырғы жаңа­лықтың айналасына шыбындай үймеледі. 

Тағы да оқу

Пікірлер(0)

Пікір қосу