Алаулайтын аламан алаң

«Опералия-2017» байқауында еліміздің намысын қорғайтын «Астана Опера» мемлекеттік опера және балет театрының солисі Мария Мудрякқа үлкен үміт артылып отыр.
Егемен Қазақстан
18.05.2017 3649
2

Пласидо Домингоның «Опералия» конкурсына қатысу саңлақтар үшін өнердің ең биік өлшемі болып табы­лады. Бұл – ежелден тастай қалыптас­қан қағида. Сол себепті де балауса қа­нат балғын үндер сахна биігін ба­ғын­дыру жолында әуелі осы бәй­ге­нің мәресін сызу мәртебесіне ие болуды армандайды. Айтайық де­ге­ні­міз, биыл бұл сайыс 25-ші рет аламан бәйгенің алауын тұтатқалы отыр. «Пай-пай, жиырма бес» деп асау шақты әсем жырға арқау еткен қазақ үшін әрине, санда тұрған ештеңе болмауы мүмкін, алайда, байқаудың мерекелік жылына орай оның елордада өтетіні ел өміріндегі айтулы оқиға болып саналады. Бұған әлемнің 17 елінен 40 дарынды вокал шебері қатыспақ. Айта кететін жайт, «Опералия» бүкіләлемдік байқауы «Rolex» компаниясы демеушілігімен ұйымдастырылмақ. Қазақстандық жан­күйер­лер үшін мұның тағы бір ерек­ше назар аудартар тұсы, байқауда «Ас­тана Опера» театрының солисі, көп­теген халықаралық байқаулардың лау­реаты Мария Мудрякпен қосқанда төрт бірдей қазақстандық өнер көрсетеді.
Әйгілі опера әншісі және дири­жер Пласидо Домингоның идеясымен құрылғ­ан әлемдегі ең беделді опера бай­қауы – «Опералия» жобасы Қазақ­стан Республикасының Мәде­ниет және спорт министрлігінің қолдауы­мен ЭКСПО-2017 бағдарламасы ая­сында өткізілгелі отыр. Құрметті қонақ ретінде шақырылған саңлақтар сапында отандық майталман шебер­лерден КСРО халық әртісі Бибігүл Төлегенова бар. 
Ашық және әділетті өтуіне баса мән берілген бәйгенің тағы бір артық­шылығы, бәрінен бұрын көрер­мен талабының бірінші орынға қойыл­ғандығы. Жанкүйерлер үшін барлық кезеңге есік ашық. Ширек және жартылай финал кезеңдері 24, 25 және 26 шілдеде тыңдалым түрінде өтеді деп күтілуде. Қатысушылар әлем­дік опера классикасынан өздері таң­дап алған арияларды «Опералия» концертмейстерлері сүйемелдеуімен орындайды. 29 шілдеде өтетін финалда он үміткер маэстро Домингоның өзі жетекшілік ететін «Астана Опера» сим­фониялық оркестрі сүйемел­деуі­мен бақ сынайды.
Қалыптасқан дәстүр бойынша қатысушы жастардың өнері шетелдік жетекші театрлардың өкілдері ен­ген қазылар алқасы шешімімен баға­­ла­нады. Олардың қатарында Карло Феличе театрының көркемдік жетек­шісі (Генуя, Италия), «Астана Опера» театрының шақырылған дири­жері Джузеппе Акуавива, Мет­ро­политен-операның көркемдік әкім­шісі Джонатан Френд (Нью-Йорк, АҚШ), Вена мемлекеттік операсының дирек­торы Доминик Мейер (Австрия), Ковент-Гарден корольдік опера театры­ның кастинг-директоры Питер Марио Катона (Лондон, Ұлы­бри­тания), Париж ұлттық опе­ра­сының кастинг-дирек­торы Илиас Цем­петонидис (Фран­ция), Корольдік театр­дың көркемдік жетекшісі Жоан Матабош, режиссер Марта Доминго (Мадрид, Испания), Чика­го Лирикалық Операсының бас дирек­торы Энтони Фрейд (АҚШ), бас директор-София патшайымның өнер сарайының көркемдік жетекшісі Давид Ливермор (Валенсия, Испания), Бавария мемлекеттік операсының (Мюнхен, Германия), Глайндборндық опера фестивалінің (Ұлыбритания), Лилль опералық театрының (Фран­ция), Норвегия ұлттық операсы мен балетінің кастинг жөніндегі кеңесшісі Пол Moе, Чилиде және басқа елдерде түрлі мәдени ұйымдардың көркемдік кеңесшісі, «Латын Америка Операсы» ұйымының вице-президенті Андрес Родригес, Бонн театрының көркем­дік басқарма директоры Каролин Вильпютц (Германия) бар. 
«Астана Опера» театрының жетек­ші солисі, халықаралық байқау­лар­­­дың лауреаты, тамаша талант иесі Мария Мудрякпен (сопрано) бір­ге «Опералия-2017» ба­й­қауын­да отан­дас­тарымыз Дәмір Сәдуа­қасов (тенор), Станислав Ли, Расұл Жар­мағам­бетов (баритон) өз өнерлерін ортаға салмақ. Корея, Қытай, Жапо­ния, Ұлыбритания, Бразилия, Оңтүстік Аф­рика, АҚШ, Италия, Алмания, Бол­гария, Чехия, Румыния, Польша, Мол­дова, Украина, Ресей әншілері ара­сында өтетін сайыс осы жылғы әлем­дегі ең ірі мәдени оқиғалардың бірі болмақ. 
«Опералия» байқауының шарты бойынша оған негізінен кез келген дауыс түрін иеленген (бастан бастап соп­раноға дейінгі) 18 бен 32 жас ара­лығындағы әншілер қатыса алады. Жалпы, жүлде қоры 180 000 АҚШ долларын құрайды. Ерлер мен әйелдер даусы арасындағы 1, 2 және 3 дәрежелі жүлделерден тыс, мұн­да Р.Вагнердің және Р.Штраустың опе­ра­ларынан үздік орындағаны үшін Б.Нильсон атындағы сыйлық және сарсуэлананы (опереттаға жақын испан­дық музыкалық-сахналық жанр) орындау шеберлігіне белгіленген Пепита Эмбил де Доминго және үлкен Пласидо Доминго сыйлығы, көрер­мен көзайымы жүлдесі − «Rolex» ком­паниясының қол сағаттары және т.б. жүлделер бар.
Ал «Rolex» компаниясы өз кезегін­де дүниежүзілік «Опералия» бай­қауын осымен 16 жыл қатарынан ұсыну арқылы опера өнеріне өздері­нің әрқашан адал болып қала бере­тін­діктерін дәлелдеуде. Айта кету керек, Пласидо Доминго 1982 жылдан бастап «Rolex» компаниясының өкілі болып табылады және компания кәсіби тұрғыда кемелденуге ұмтылған жас дарын­дарды қолдау мен қамқорлық көрсету аясын мұнан да барынша кеңейте түсуге мүдделі.

Қарашаш ТОҚСАНБАЙ,
«Егемен Қазақстан»

СОҢҒЫ ЖАҢАЛЫҚТАР

24.01.2019

«Жетісу» мемлекеттік қызмет мектебінде сабақ басталды

24.01.2019

Қызылордада кәсіпкерге артық салық салынған

24.01.2019

Евгений Егембердиевтің Грозныйдағы турнирдегі қарсыласы анықталды

24.01.2019

Білім гранты - жарқын болашақ кепілі

24.01.2019

Нью-Йорк Таймс: Тұйықсу мұздығы түгесіліп барады

24.01.2019

Абылайхан Қайроллаев: Жастар жылында іргелі міндеттер белгілеп отырмыз

24.01.2019

Бақыт Сұлтанов «Қамқор» әлеуметтік қызмет көрсету орталығында болды

24.01.2019

Надежда Ногайға «допинг қолданды» деген айып тағылды

24.01.2019

Дзюдодан еліміздің әйелдер құрамасы Токиода жаттығып жүр

24.01.2019

Арайлым ЕСІМБЕКҚЫЗЫ: Флеш-моб, форумдарды азайтып, нақты жұмыстарды қолға аламыз

24.01.2019

Швецияда допты хоккейден әлем чемпионаты басталады

24.01.2019

Алматы облысының полицейлері телефон «лаңкесін» анықтады

24.01.2019

Жастарды қолдау – болашақты бағамдау

24.01.2019

Маңғыстауда онкологиялық аурулар салдарынан көз жұмғандар саны азайған

24.01.2019

Атыраудағы мигранттар неге заңды менсінбейді?

24.01.2019

Боинг компаниясы алғашқы әуе таксиін таныстырды

24.01.2019

Маңғыстауда «Protecting Business and investments» жобасы аясында кәсіпкерлерден 29 өтініш түскен

24.01.2019

Алматы облысында Нұрғиса Тілендиев ауылында ІТ сынып ашылды

24.01.2019

Саран қаласында жаңа күн электр стансасы іске қосылды

24.01.2019

Қостанайда ауыр атлетикадан жасөспірімдер арасындағы чемпионат басталды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу