Альцгеймер дертінің емі табыла ма? (ғылым жаңалықтары)

Бүгінгі шолуда: Марафонға жүгіру денсаулыққа зиян болып шықты. Роботтар жұмыссыздықты көбейтеді. Әлемде әр оныншы өлімге темекі себепші. Альцгеймер дертінің емі табыла ма? Жаңа туған сәби күніне үш сағат жылайды.

Егемен Қазақстан
10.04.2017 2829

Марафон бүйрек ауруына шалдықтырады

Жақында Йель университеті профессорлары марафонның денсаулыққа зиян екенін анықтады. Зерттеу қорытындылары бүйрек ауруларына арналған журналда жарияланды.

Зерттеу барысында Чирг Парих бастаған профессорлар желаяқтардың марафонға дейінгі және кейінгі анализ қорытындыларын салыстырды. Белгілі болғандай, қатысушылардың 82%-да марафоннан кейін бүйрек зақымдануының бірінші деңгейі (AKI) анықталды. Бұл жағдайда бүйрек қандағы зиянды қалдықтарды сүзгіден өткізе алмайды.

Мамандардың айтуынша, бүйректің зақымдануына дене температурасының артуы мен ағзадағы су деңгейінің төмендеуі әсер етеді. Профессорлар марафоншылардың жүрегінде де біршама өзгерістер байқалғанын айтады.

Алдағы 15 жылда жұмысшы роботтар көбейеді 

Алдағы 15 жылда әлем бойынша барлық жұмысшылардың басым бөлігін роботтар алмастыруы мүмкін. Әсіресе, америкалықтарда жұмыссыздық өсу қаупі жоғары.

PwC компаниясы жариялаған баяндамада алдағы 15 жылда АҚШ-тағы жұмыс орындарының 38%-ын роботтар алмастыратыны айтылған. Бұл көрсеткіш Германияда 35%, Ұлыбританияда 30%, Жапонияда 21% болмақ.

Қаржы саласындағы жұмыс орындарының 61%-ын роботтар алмастырады. Ал білім беру, денсаулық сақтау, әлеуметтік қызмет көрсету саласында жасанды интеллекттің үлесі аз болады.

PwC компаниясының өкілі Джон Эндрюстің айтуынша, роботтар саны артқанда шығармашылық пен сыни ойлау қабілеті, эмоциялық интеллект жоғары бағаланатын болады.

Зерттеу нәтижелері көрсеткендей, еңбек нарығындағы бұл өзгеріс әлеуметтік теңсіздікке де әкелуі мүмкін. Сонымен қатар байлар мен кедейлердің арасы алшақтай түседі. Робот жасаушыладың табысы тез көбеймек.

Былтыр темекіден 6,4 млн адам қаза тапқан 

Жаңа зерттеу нәтижесі анықтағандай, әлемде әрбір оныншы өлім темекінің кесірінен болады. Олардың жартысынан көбі Ресей, АҚШ, Қытай және Үндістанға тиесілі. Бұл туралы The Lancet медицина журналы жазды.

Вашингтон университеті профессоры Эммануэла Гакидудың айтуынша, темекі шегу ерте өлім мен мүгедектікке себепші екінші фактор саналады. Біріншісі – қан қысымының жоғарылығы.

Зерттеуде ғалымдар 195 мемлекеттің соңғы 20 жылдағы темекі шегу көрсеткіштерін сараптаған. Былтыр күніне 1 млрд адам темекі шегіп, ол әдеттің салдарынан 6,4 млн адам қайтыс болған.

Альцгеймер ауруының емі табылуы мүмкін 

Иммунды терапия мен ультрадыбыс Альцгеймер ауруына апаратын мидағы тау-ақуыздың шүймектерін жоя алады. Зерттеу нәтижелері Brain журналында жарияланды.

Австралиялық ғалымдар ультрадыбыс арқылы Альцгеймер ауруының белгілері бар тышқандарға 2015 жылдан зерттеу жүргізе бастаған. Кейін Квинслендтегі Ми институты зерттеушілері ультрадыбысқа иммунды терапияны қосқанда тиімді ем жасауға болатынын анықтады. Ғалымдар енді бұл әдістің адамға қалай әсер ететінін анықтамақ.

Қай елде нәрестелер көп жылайды? 

Ең жылауық сәбилер Ұлыбритания, Италия, Канада, Нидерландыда тұрады. Ал Дания, Германия, Жапонияның сәбилері ең тыныш саналады. Бұл зерттеу қорытындылары The Journal of Pediatrics журналында жарияланды.

Мамандар әлем бойынша жаңа туған сәбилердің іштің бұрап ауруынан алғашқы төрт айда күніне үш сағатқа дейін жылайтынын айтады. Дегенмен, зерттеушілер Германия, Дания, Жапония, Канада, Италия, Нидерланды, Ұлыбританиядан 8700 нәрестеге бақылау жасады.

Сәбилер өмірінің алғашқы аптасында орташа есеппен күніне екі сағат жылаған. Бұл көрсеткіш алты аптаға толғанда 2 сағат 15 минут, 12 аптадан кейін 1 сағат 10 минутқа жеткен. Бір қызығы, бір мемлекетте балалар күніне жарты сағат жыласа, кейбірінде күніне 5 сағат жылайтын болған.

Іштің бұрап ауруынан Ұлыбританияда сәбилердің 28%-ы (1-2 апта), Канадада 34,1%-ы (3-4 апта), Италияда 20,9%-ы (8-9 апта) жылаған. Ең төмен көрсеткіш Дания (5,5%) мен Германияда (6,7%) тіркелді. Зерттеушілердің айтуынша, бұған ата-аналардың күтімі немесе генетикалық фактор да әсер етуі мүмкін.  

Дайындаған Гүлнұр Қуанышбекқызы,

"Егемен Қазақстан"

СОҢҒЫ ЖАҢАЛЫҚТАР

23.05.2018

Қ.Тоқаев: Атырау облысы – ел экономикасының флагманы

23.05.2018

Жаңаөзенде судағы қауіпсіздік ережелері түсіндірілді

23.05.2018

Маңғыстауда өрт қауіпсіздігі бойынша 77 бекет орнатылды

23.05.2018

Маңғыстаулық полицейлер мұқтаж отбасыларға көмек берді

23.05.2018

Нұрсұлтан Назарбаев Ресей Федерациясының Қорғаныс министрі С.Шойгумен кездесті

23.05.2018

Менингиттен қалай қорғану керек?

23.05.2018

«Баян сұлу» жобасының жеңімпазы анықталды

23.05.2018

Қазақ әдебиеті әлем тілдерінде сөйлейді

23.05.2018

Л.Гирш көпшілікке «Стихи о войне и мире» өлеңдер жинағын таныстырды

23.05.2018

Қазақстан Президенті қорғаныс ведомстволарының министрлерімен кездесті

23.05.2018

Қызылордада жасырын казино ашқан азамат ұсталды

23.05.2018

Сотқа жүгінбей татуласуға болады

23.05.2018

«Петропавл–Қорған» бағытындағы тас жолға 27 миллиард теңге бөлінбек

23.05.2018

Маңғыстауда сот жүйесін жетілдірудің 7 бағыты талқыланды

23.05.2018

Петропавлда омарташы мамандар оқытыла бастады

23.05.2018

Қазақстандықтар жеке мәліметтеріне қолжетімділікке тыйым сала алады

23.05.2018

«Азаматтарға арналған үкімет» 8 млн адамның цифрлық сауаттылығын арттырмақ

23.05.2018

«Арсеналға» жаңа бапкер келді

23.05.2018

Елбасы V халықаралық «KADEX-2018» көрмесінің ашылу рәсіміне қатысты

23.05.2018

Алматыда «Жас өркен» жастар орталығы ашылды

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Қорғанбек АМАНЖОЛ, «Егемен Қазақстан»

Қызғаныш деген қызыл ит

Заты адам баласымен бірге жасасып келе жатқан, көнермес те көгер­мес сезімдердің бірі – қызғаныш. Адам­ның көзіне шел қапта­та­тын қара қыз­ға­ныштардан кекшілдік пен күн­шілдік, бақас­тық пен бақталастық қоз­дап, неше түрлі қылмыстар жасалып жата­ты­ны да ешкімге құпия емес. 

Талғат СҮЙІНБАЙ, «Егемен Қазақстан»

Алматының алмасы. Шырын қайда?..

Алматы жұрты күнде жауған жауын­мен, түнде ұрған суықпен жағаласып жүріп Алатаудың бөктеріндегі биылғы алма бақ гүл шашқан көркем шақтан көз жазып қалған сыңайлы. Содан ба екен, біреу «Биыл алма гүлдеді ме?» десе, біреу «Биыл өзі алма бола ма?» дейді қамығып. 

Қарашаш ТОҚСАНБАЙ, «Егемен Қазақстан»

Рух көтерудің жолы

Кейінгі өскелең жас ұрпақты патриот­тық рухта қалай тәрбиелейміз, ертеңгі ел қорғар өрендеріміздің бойына отаншылдық пен патриотизмді, елге, жерге деген сүйіс­пен­шілік сезімін  қалыптастырып, келешекте ержүрек, батыл болып өсулері үшін не істеуіміз керек деп,  жастардың ертеңгі тағдыры мен таңдауына жиі бас ауыртып, жанымыздың жабырқап жататыны рас.

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Тағы да оқу

Пікірлер(0)

Пікір қосу