Ән әлемінің жаңа дәуірі һәм Димаш Құдайберген

Біреулер «аспан асты елі» деп әспеттейтін, біреулер алып айдаһарға теңейтін, қысқасы, анау-мынауды менсіне бермейтін миллиардтар елі біра-ақ күнде аузын ашып, көзін жұмып, таң-тамаша болды да қалды.
Егемен Қазақстан
16.04.2017 2802
2

Димаш!

Ұза-а-ақтан, сонау ғасырлар қойнауынан талып келе жатқан тарих көші «2017» деген жылдың белесіне енді іліне бергенде шығыстан жарқырап шыққан күндей, аспаннан сорғалап түскен үндей ерекше бір құбылыс болды. Біреулер «аспан асты елі» деп әспеттейтін, біреулер алып айдаһарға теңейтін, қысқасы, анау-мынауды менсіне бермейтін миллиардтар елі біра-ақ күнде аузын ашып, көзін жұмып, таң-тамаша болды да қалды. Бірден айтты: «Бұл – Тәңірінің назары түскен әнші!».

Содан кейін...

Содан кейін қазақтың қаршадай баласы Димаштың атағы аспан асты елінің ақпарат құралдары мен әлеуметтік желілерінің астаң-кестеңін шығарды.

Қытайдың weibo желісінде Димаш Құдайберген туралы 84 мың ақпарат жарияланып, оқылым саны  3 млрд 650 млн-ға жетті. Қытайлық әлеуметтік желісі weibo жеке парақшасына жазылушы жанкүйерлер саны 3 миллион 400 мыңнан асты. Қытайдағы аталған әлеуметтік желіде әншінің әлденеше жанкүйерлер тобы қалыптасып, ол үшін әртүрлі шаралар ұйымдастырылып отырды.

Шанхай қаласының тұрғыны Димаш «Singer2017» ән байқауының бірінші кезеңінде киген сахналық киімін 158 890 юаньға (7,2 миллион теңге) сатып алды. Димаштың осы байқау кезіндегі шырқаған әндерін тамашалаушылар саны 3,5 миллиардтан асыпты! Бұл Жер шарындағы 7 миллиард халықтың жартысынан астамының құлағына қазақ баласының қалықтаған үні жетті деген сөз емес пе? 

Солай. Жанкүйерлері Қытаймен шектелген жоқ. Димаштың өнеріне кәрі құрлық алғашында аракідік мойын созып қарап, байқап көрмек болып еді, тұла бойы балбырап сала берді. Қытайлық 101 FM радио медиа орталығы жариялаған бәсекеде оның әлемдік жанкүйерлер тобы көп дауыс беріп, Димаштың бейнесі Нью-Йорк қаласының орталық Манхэттен ауданында орналасқан Тайм Сквер алаңындағы үлкен LED экранында ілінді. Француз телевидениесі Димаш туралы арнайы хабар түсірді. 

Екпіні еселене түсті. Ерекше даусымен миллиондаған адамды тәнті еткен ол Қытайдың «Top Chinese Music Awards» байқауында «Азияның ең үздік әншісі» номинациясын жеңіп алды. «Халықаралық деңгейдегі танымал әнші» атағына ие болды. 

Джеки Чан мен Лара Фабиан сияқты әлемге танымал тұлғалар қазақтың қарадомалақ ұлының қолын алды, арнайы жүздесті. Оларға (түсінер, түсінбес) аталарының ұлан-ғайыр Ұлы Даланы қалай қорғап қалғаны туралы еш аудармашысыз музыкамен мәлімет берді. Қазақ даласының тұла бойында қайнап аққан қан секілді, батырлық рухтан үнге айналған «Адай» күйін адырнадан атылған жебедей тартып, «алаөгіздей мөңіретті».

Хунан телеарнасына қайта оралсақ

Хунан телеарнасындағы бұл бағдарламаның рейтінгісі бұрынғыдан еселеп өсті. Миллиардтар рейтінгісі миллиондар елінен барған Димашпен артты. Жаппай жарыстың заманында беделдері онан сайын өсіп олар да жырғап қалды. 

Үш айға созылған байқау да 14 тур болды. Соның үшеуінде Димаш бірінші орын алды! Алты тілде ән орындады. Әлемдік сахнаға қазақ даласының кең тынысын танытқан «Дайдидау» әні Азиядағы ең үздік әндердің қатарына енді. Димаштың өз әні «Ұмытылмас күн» «Азияның жаңа әндері» рейтингінде бірінші орынға шықты!

Финал. Ерекше дауыс, өзгеше стилімен ән әлемінде бір дәуірдің көшін бастаған Майкл Джексон орындаған әндерден шырқады. Ол, енді Димаштың дәуірі келе жатыр дегенді аңғартқандай ма, қалай?..

Екінші орын алды. Жарыстың біз біле бермейтін мың сыры бар шығар, бірақ, бәріміз білетін бір шыны – Димаш бірінші!

Қазақ үшін?..

Димаш әлемді қазаққа жалт қаратты. Өз тілі, өз ділі, өз үнімен қаратты. Сахнада (ырымға бір ауыз) орыс тілін қосқан жоқ. Сан жылдармен санаға сіңіп қалған «Қазақ орыс тілінсіз әлемдік деңгейге шыға алмайды…» деген түсініктің шетінен сөгіп алды да, дар-дар айырды. Туғаннан тек қана қытайшадан қазақшаға аударылатын мәтінді естіп келе жатқан Қытайдағы қандастарымыз үш ай бойы тұп-тұнық қазақ тілінен қытайшаға аударылған сөзді естіп есесі қайтқандай ерекше тебіреніпті. Қазақшаны ұмытуға айналған сондағы кейбір құрбы-құрдастарының әрі қарап бара жатқан бетін бері бұруға себеп те болды Димашжан!

Қытайлықтар «Абай жолын» оқуға кірісті. Қазақ тілін үйренуге тырысып, сөздік арқылы аударма жасап жатқандары да бар дейді. Қайсыбірін айтайық, оған француз қызының «Дайдидауды» қазақша шырқауын қосыңыз. Иә, Димаштың өнерінің арқасында Астана қаласында өтетін ЭКСПО-ға келуге талаптанып отырғандардың қатары күрт артқаны анықталды.

Қытай Халық Республикасының бас басылымы «Халық газеті» Димаш туралы арнайы мақала жазып, «Қытай мен Қазақстанның мәдениет саласындағы қарым-қатынасын ән әуенімен жаңа белеске көтерді. Димаш асқақ әнімен араға көпір салды. Ол қазақ елін күллі Қытайға танытты», деді.

Өнегелі отбасы үлгісін көрсетті. Есейе бере «қанжығада көрісейік» деп жарық жаққан үйдің тарақандарындай жан-жаққа тарап кететін қытайлық немесе еуропалық отбасылық салтындағы талай жұрт қазақтың «ата-әже – ата-ана – бала» жүйесімен өмір сүру салтына әлі талай таңдай қағып, тәнті болатыны сөзсіз. Індете зерттеп үлгі тұтар бәлкім.

Димаш қазір қазақтың танымал перзенті ретіндегі қандай құрметке де лайық. Мемлекет басшысы Нұрсұлтан Назарбаев Димаш «Мен әншімін» бағдарламасына қатысып жатқан кезде-ақ қолдауын білдіріп арнайы стипендия тағайындады.

Ол отандастарымыздың рухын асқақтатты. Сенімін нығайтты. Ешкім бей-жай қалмады, ақ тілектерін арнады. Бірлігімізді, ортақ арманымызды көрсетті. «Бұған дейін бізде дәл Димаш секілді әлемдік деңгейдегі мегажұлдыз болған жоқ. Амангелді Сембин, Ерік Құрманғалиевтердің ерекше таланттары болғанымен, тағдырлары басқаша өрілді. Олар – жабық қоғамның, басымызға өзгенің бөркін киген заманның құрбандары. Ал Димаш – тәуелсіз елдің ұланы!», деп ағынан жарылды ақтөбелік ақын Бауыржан Бабажанұлы. 

Иә, әншінің өзі айтқандай, бұл басы ғана. Димашпен ән әлемінің жаңа дәуірі басталып келеді. Тәуелсіз қазақ аспанында туған ән әлемінің жаңа жұлдызы жарық сәулесін әлемге шашып ұзақ жарқырағай, ұза-а-ақ! 

Әумин!

Ұларбек НҰРҒАЛЫМҰЛЫ,

«Егемен Қазақстан»

СОҢҒЫ ЖАҢАЛЫҚТАР

23.09.2018

Абылай ханның қара жолы - солтүстік пен оңтүстікті байланыстырған ең төте жол

23.09.2018

Павлодарда «Ертіс» футбол клубының атауын латын қарпіне көшіру ұсынылды

23.09.2018

Фильмдер қашан түрлі-түске бояла бастады?

23.09.2018

Туған жерін сүйе алмаған, сүйе алар ма туған елін?

23.09.2018

Түркістанда халықаралық деңгейдегі инвестициялық және туристік форум өтеді

23.09.2018

Әдет қалыптастыру оңай ма?

23.09.2018

Тіл ықылассыз істі емес, періште көңілді ұнатады

23.09.2018

«Әкім Тарази шығармашылығының феномені» халықаралық ғылыми-практикалық конференциясы өтті

23.09.2018

Қостанайда екі полицей жол бойында әйелді ажалдан аман алып қалды

23.09.2018

Павлодарға Дүниежүзілік Украиндар конгресінің президенті Евгений Чолий келді

23.09.2018

Балалар Евровидениесінде еліміздің намысын Даниэла Төлешова қорғайтын болды

23.09.2018

Энтони Джошуа ресейлік боксшы Александр Поветкинді жеңді

23.09.2018

Астанада ТҚО объектілерді қорғаудың цифрлық басқару жүйесі ұсынылды

23.09.2018

Екібастұзда алғашқы STEM-зертханасы ашылды

23.09.2018

Маңғыстауда VI Халық спорты ойындары басталды

23.09.2018

Астаналықтар заң мәселесі бойынша тегін кеңес алды

23.09.2018

Ақтауда триатлоннан Қазақстан Кубогының финалы басталды

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу