АҚШ Ресейге қатысты санкцияны күшейтті

Апта басталғалы әлем елдері бірнеше маңызды шешімдер қабылдап, саяси сахнада белсенділік танытты. АҚШ Конгрессі палатасы талайдан бері сөз болып жүрген Ресейге қатысты санкцияны Сенат қарауына жіберді. Шығыстағы көршіміз Қытай өз әскерін қайта жаңғыртуды көздеп отыр. Ал Ұлыбритания жанармаймен жүретін көліктерден түбегейлі бас тартпақ ниетте.
Егемен Қазақстан
27.07.2017 1365
2

Трамптың бас ауруы

АҚШ Конгрессінің палатасы Ресейге қатысты жаңа санкция қабылдады. Жаңа заңнама бойынша, Ақ үйдің солтүстіктегі көршімізге қатысты санкцияны жеңілдетуіне тыйым салынған. Сондай-ақ, Конгресс палатасы Ресейді Иран және Солтүстік Кореямен бір қатарға қойып, АҚШ-тың сыртқы саясаттағы қарсыласы деп есептейді. BBC арнасының пікірінше, жаңа заң Ақ үй басшысы Дональд Трамптың Ресеймен қарым-қатынасын жақсартуға деген талпынысын қиындатып жібереді.

«Егер Сенат құжатты қабылдаса, Мәскеуге оң қабақ танытуға ниетті Президент Трапмтың бас ауруы болмақ. Президент заңға вето қоюы мүмкін, алайда ондай жағдайда Трамптың Кремльді көпе көрнеу қолдайтыны күмән туғызады деп есептейді журналистер. Дүйсенбіде Ақ үй хатшысы Сара Хакаби Сандерс Президенттің құжатты зерделеп, соңғы нұсқасы қалай болатынын қарап көрмек ниетті екенін айтқан-ды», – дейді BBC.

Сондай-ақ, бұл құжатқа сәйкес, АҚШ басшысы қандай да бір санкцияны жеңілдетуді қаласа, ең әуелі Конгресстен дәйекті дәлелдермен рұқсат сұрауы тиіс. Алда-жалда Трамптың өтініші Американың ұстанымына сай келмесе, Конгресстің оны қайтарып жіберуге құқығы бар. CNN-нің сөзіне сенсек, АҚШ Сенаты да санкцияға қатысты заңды қабылдауы ықтимал. Өйткені құжаттың бірінші нұсқасы көп дауыспен қолдауға ие болған-тұғын.

«Президент әлі күнге заңға қол қойып-қоймайтыны туралы нақты ештеңе айтқан жоқ. Кейінгі күндері Ақ үй шенеуніктері тарапынан түрлі ақпарат тарады. Баспасөз хатшысы Сара Хакаби Сандерс Президенттің жаңа заңды қолдағанын хабарласа, қоғаммен байланыс департаменті директоры Энтони Скарамукси Президенттің құжат туралы әлі де ойланатынын айтады», – деп мәлімдейді CNN арнасы.

Қытай әскерін жаңғыртады

Синьхуа агенттігінің мәліметіне сүйенсек, Қытай президенті Си Цзиньпин елдегі әскери құрылымды реформалауды жоспарлап отыр. Агенттіктің айтуынша, жаңа реформа бүкіл халық пен Қытай коммунистік партиясын қорғау мақсатында жасалмақ.

«Цзиньпиннің айтуынша, мұқият әрі батыл жолмен жасалған ұлттық қорғаныс пен әскери реформа – әлеуетті армия құруға жұмсалған өте үлкен күш пен тарих сахнасындағы тарихи қадам. Реформа бойынша, елдегі әскер санын, құрылымын және жасақталуын, сондай-ақ ұлттық қорғаныс пен қарулы күштердің дамуына кедергі келтіретін құрылымдық түсініспеушіліктер оңтайландырылады дейді ол. Президенттің пікірінше, реформа қабылданса, Қытайдың армия көлемі азайып, қалған қолдың ұрысқа әзірлігі күшейтіледі», – деп хабарлайды Синьхуа агенттігі.

Сонымен қатар, Қытай басшысы жаңа реформа бойынша Қытай әскерінің саны азайғанымен, сапасы артатынын айтады. Рейтер агенттігінің пікірінше, Қытайдың бұл қадамы елдің соғысқа құмарлығы жоқ екенін көрсетуге һәм әлемнің екінші үлкен экономикасын қорғауға арналған қадам.

«Алайда Қытай өзінің Шығыс және Оңтүстік Қытай теңіздеріне қатысты және әскери жабдықтарды жаңғырту жоспары арқылы айналасындағы Азия елдерінің жүйкесіне тиеді. Ұлттық азат етуші армиясының құрылғанына 90 жыл толуы орай сөйлеген сөзінде Си реформаның Қытай коммунистері үшін маңызды екенін айтты», – дейді Рейтер.

Ұлыбритания жанармаймен жүретін көліктен бас тартады

The Guardian газеті Ұлыбритания 2040 жылға қарай толықтай дизель және бензинмен жүретін көліктерді сатылымға шығармайтынын мәлімдегенін жазады. Басылымның мәліметіне сенсек, «Тұманды Альбионның» мұндай қадамға баруы көліктерден бөлінетін улы газдардың адам денсаулығына келтірер зияны орасан екендігімен байланысты.

«Үкімет гибрид машиналарды да қамтитын мұндай қадамның қабылдануына ауаның ластануының адам денсаулығына тигізер зияндығы орасан екендігі себеп болғанын ескертеді. Министрлер ауа ластануы кесірінен еңбек өнімділігі өткен жылы 2,7 миллиард шығынға ұшырағанын айтып, жоба Ұлыбританиядағы халық денсаулығын жақсартуға септігін тигізеді деп есептейді.

Жалпы мұндай қадамға ең әуелі Франция барған болатын. The Guardian «үш жолақты елдің» Президенті Эммануэль Макрон бұл жобаны климатқа қатысты «Франция келісімінен» кейін қабылдағанын жазады. Басылымның мәліметіне сүйенсек, ауаның ластығы жыл сайын 40 мың адамның өліміне себеп болуы ықтимал. Ал Лондон мэрі Садық Хан жыл сайын шаһарда 9 мыңға жуық тұрғын көліктен бөлінген улы газдың кесірінен көз жұматынын айтады. Ұлыбритания ауаны аз ластайтын алпауыт елдер қатарында. «Тұманды Альбионнан» бөлінген түтіннің жан басына шаққандағы көлемі де көп елден әлдеқайда төмен. Әйтсе де, Ұлыбританияның қазірден мұндай қадамға баруы ел тізгінін ұстаған азаматтардың халықтың жағдайын ойлайтынын көрсетсе керек. Бұл – басқаларға үлгі болар игі іс екені анық.

Фото: theguardian.com

СОҢҒЫ ЖАҢАЛЫҚТАР

19.02.2019

Салық төлеушілердің 20 миллион теңге өсімпұлы кешірілді

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол-көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу