АҚШ Сирияға қанатты зымыран жаудырды

Пентагон өкілі Хомс қаласы маңындағы Сирия өкіметтік әскерінің «Шайрат» әуе базасына американ кемелерінен шамамен 59 «Томогавк» ракетасы атылды. Бұл туралы ВВС хабарлайды.

07.04.2017 393

Дәл осы әуе базасынан сейсенбі күні таңертең Сирия авиациясы Идлиб провинциясындағы Хан-Шейхун қаласына жорамал бойынша химиялық қару қолдана отырып соққы жасаған болатын дейді басылым. Соның салдарынан ондаған бейбіт тұрғын қаза болды.  

Тағы бір американ шенеунігінің айтуынша, ракеталық шабуыл кезінде Сирия әскери әуе базасындағы ұшу-қону жолы, ұшақтар мен тікұшақтар және жанармай құю стансалары нысанаға алынған. Ол Сириядағы ресей әскери объектілері көзделмегенін айтты.

СNN-нің хабарлауынша, АҚШ бірнеше елге әскери операция туралы хабар берген, бірақ олардың ішінде Ресей болмаған. Time журналының Ақ үйдегі тілшісі берген мәліметке сәйкес, операция алдында Дональд Трамп Владимир Путинге телефон шалмаған. 

Ал Пентагон өкілі нысанаға алынған әскери базада ресейліктер болғанын, бірақ АҚШ оларға жасалғалы отырған шабуыл туралы туралы ескерткенін мәлімдеді.

Әскери операция туралы ақпарат жария бола салысымен, АҚШ Президенті арнайы мәлімдеме жасады. «Бүгін мен барлық өркениетті елдерді Сириядағы қанды қырғынды тоқтату жолын табуға шақырамын. Химиялық қаруды тарату және қолданудың алдын алу АҚШ ұлттық қауіпсіздігі үшін өмірлік маңызды мәселе. Бүгінде күмәнсіз факт бар: Сирия тыйым салынған химиялық қаруды қолданды, осылайша Химиялық қару жөніндегі конвенцияғы міндеттемелерін бұзды және БҰҰ Қауіпсіздік Кеңесінің талаптарын орындамады» деді Дональд Трамп.

Мұның алдында АҚШ Президенті Сирияда бейбіт тұрғындарға химиялық қарудан шабуыл жасалып жатқанын сырттан бақылап қана отыра алмайтынын мәлімдеген болатын.

Дайындаған Е.Әбдіраман

КОЛУМНИСТЕР

Гүлзейнеп Сәдірқызы,

Ең ауыр күнә

Ана құрсағындағы шара­на­ның 18 күнде жүрегі соғып, 8 апта­да айналасындағы тір­ші­л­ікті се­зе бастайды екен. Ал 12 апта­да саусағын сорып, ба­сын қимылдатады. Міне, сол кеу­де­сі­не жан бітіп, адам кейпіне келген шақалақ өзіне келе жатқан қау­іпті, жасалатын қиянатты сез­генде жиырылып қарсылық көр­сететін көрінеді. Демек, әйел ағ­­засында жүріп жатқан табиғи қа­лыпты күшпен бұзып, баланы жасанды жолмен алдыртып тас­тау әйел үшін құдай алдында күнә, адам алдында қылмыс де­се де болғандай. Өйткені, Ис­лам дінінде кісі өлтіру ең ауыр кү­нә болып есептеледі. Ал ана құр­са­ғындағы кеудесінде жаны бар шарананы кесіп, бөлшектеп алып тастау ауыр күнәға жатпай ма?..

Самат МҰСА, «Егемен Қазақстан»

Ұлттарды ұйыстырудың ұтымды үлгісі

1995 жылғы 1 наурызда Мемле­кет басшысы Нұрсұлтан Назарбаев Қазақстан халқы Ассамблеясын құру туралы Жарлыққа қол қойды. Сөйтіп, Президент жанынан басты міндеті мемлекет пен азаматтық қоғам институттары арасындағы әріптестік негізінде этностар мүдделерін қорғауды қамтамасыз ету, тиімді этносаралық іс-қимыл жүргізу, біртұтас саяси, құқықтық, мәдени орта қалыптастыру болып белгіленген жаңа консультативті-кеңесші орган құрылды.

Айбын ШАҒАЛАҚ, "Егемен Қазақстан"

​Елбасы һәм елдік жобалар

Ғасырға бергісіз осы 25 жылдың ішінде біз санамыздағы «сарысулардан» арылып, еңсемізді тіктедік, елдігіміздің іргесін бекіттік. Отарлық саясат құрдымға жібергісі келген ұлттық құндылықтарымызбен қау­ыштық. Дініміз бен діліміз қайта жаң­ғырды. Тағдыр жазуымен түрлі кезеңдерде киелі Қазақ жеріне келіп тұрақтаған ұлыстардың ынтымақ-бір­лігі нығайып, біртұтас халық ретінде қалыптасуға бет алды. Оның бүгінгі айқын көрінісі – Елбасының Мәңгілік Ел идеясының Қазақстан қоғамы тарапынан дұрыс қабылдануы және осы мұрат жолында ұйыса бастауы.

Қорғанбек АМАНЖОЛ, «Егемен Қазақстан»

​Тарих кені – туған жер

«Қазағымның көп тарихы Көк­шеде, қаланып тұр Оқжетпестей текшеге»... Осыдан біраз жылдар бұ­рынғы бір өлеңімізде осылай деп­піз. Шын мәнінде де Көкшетау халқымыздың кенен тарихы қат­пар­ланған қасиетті жерлерінің қа­тарынан ойып тұрып орын алатынына сөз бар ма?

Алдан СМАЙЫЛ, жазушы, Мемлекеттік сыйлықтың лауреаты

​Ұлтты танып болдық па?

Өткен 25 жылдың ішінде дамыған елдердің үлгісінде технологиялық трансфертті жүзеге асырдық. Алыс-жақын мемлекеттермен экономикалық қарым-қатынастарды реттедік. Осы үдерістерді қорытындылаған ғылыми орталықтар Қазақстанда экономиканы нарыққа көшіру үрдісі аяқталды деп отыр. Яғни, ендігі кезекте әлеуметтік-рухани, адами-шығармашылық мұрат­тарды сол экономика арқылы баянды етуді шұғыл қолға алу керек.

Пікірлер(0)

Пікір қосу