Аслан Дарабаев: «Мен сенімді ақтаймын!»

Аслан Дарабаев - жаңа маусымда павлодарлық "Ертістің" қатарын толықтырған ойыншылардың бірі. Ол біріншіліктің алғашқы турында оралдық "Ақжайықпен" болған ойында негізгі құрамда өнер көрсетіп, керекулік клубтың биылғы маусымдағы алғашқы голын соққан болатын. Таяуда "Ертістің" жаңа ойыншысымен кездесіп, аз-кем әңгімелесіп едік.
Егемен Қазақстан
03.04.2017 1342

– Аслан, «Ертіс» сапын­дағы алғашқы ресми ойныңда мергендік таныттың. Жалпы, жаңа командаңның алғашқы матчы жайлы пікіріңді білсек...

– Мен үшін ерекше матч болды. Бастысы, өз алаңымызда жанкүйер қауымды қуанттық. Күннің салқындығына қара­мастан, бізді қолдауға келген павлодарлықтарға алғысымыз шексіз. Ал «Ертістегі» алғашқы ресми ойында көзге түскеніме қуаныштымын. Бұл гол – мені одан әрі жігерлендіре түсті. «Ақжайықпен» болған матч жайлы айтар болсам, оралдық клуб қорғанысқа көп көңіл бөлді. Алайда, біз қажетті үш ұпайды еншіледік. Алғашқы ойын­да жеңіске жету командадағы сенімділікті күшейтеді.

– Неліктен «Ертісті» таң­дадың?

– «Ертіске» ауысу туралы әңгіме бір жарым жыл бұрын туындаған болатын. Себебі, мен алматылық «Қайраттың» сапында негізгі құрамға сирек шығып жүрдім. Ал маған ойын тәжірибесі керек. Осыны аңғарса керек, павлодарлық клубтың басшылығы хабарласып, мені «Ертістен» көргілері келетінін айтты. Біз келісімшарт жайын өзара ақылдастық. «Қай­рат» клубымен келісімшартым аяқталған соң, «Ертіске» ауыс­тым. Бұл команданы таң­дауым­ның да өзіндік себептері бар. Біріншіден, «Ертістің» бапкері Димитар Димитров – ел чемпионатындағы шетел­дік үздік бапкерлердің бірі. Екін­шіден, «Ертіс» – жақсы ойыншылар­мен жасақталған мықты ұжым. Клуб өткен мау­сымда чемпионатты үшінші орынмен тәмамдады. Ал биыл Еуропа лигасында ел намысын қорғайды. Міне, осының барлығы «Ертісті» таңдауыма себепші болды.

– Командаға бейімделу қи­ын­ға соққан жоқ па?

– Жоқ. Барлық ойыншыларды бұрыннан білемін. Давид Лориямен «Шахтер» сапында бірге ойнадық. Александр Кислицынмен бала күнімнен таныспын. Бір аулада өсіп, ержеттік. Өзге ойыншылармен ұлттық құрама сапында бірге доп тептік. Енді бірімен чемпионат барысында жолымыз түйісті. Легионерлерден басқасы бір-бірін сырттай біледі ғой. Сондықтан, командаға бейімделу қиынға түскен жоқ.

– Бас бапкер Димитар Ди­митровпен жұмыс істеген қалай екен?

– «Ертіске» ауысқанда бап­кердің өзі маған қызығушылық танытқанын естідім. Ол мені өз командасында көргісі келетінін айтыпты. Әрине, бұл туралы ест­ігенде қатты толқыдым. Димитардай мықты бапкердің көзіне екінің бірі түсе бермейді деп ойлаймын. Ол мені үнемі қолдайды және жартылай қор­ғаныстың ортасын маған сеніп тапсырды. Мен өзіме артылған жауапкершіліктің зор екенін білемін. Сондықтан, артылған сенімді ақтауға тырысамын.

– Өткенге оралайықшы. Футболдағы жолың қалай бас­талған еді?

– Барлық балалар секілді мен де аула футболынан бастадым. Сосын Руслан Қаржау­баев жетекшілік ететін әуес­қой командаға алындым. Ол менің ойын мәнерімді нақ­тылап, матч алдындағы пси­хологиялық дайындықты үйретті. Физикалық әзірлігімнің ірге­тасын қалады. Руслан Қаржаубаевтың жетекшілігімен үлкен футболдың әліппесін үйрендік. Қыста шағын футболды серік ететінбіз. Сондықтан, мені кейде «мини-футболшы» деп атайтындар бар. Әсте, олай емес. Иә, менің алғашқы кәсіби клубым «Тұлпар» мен «Икар» клубтарының біріккен командасы болды. Соңғысының сапында бір маусым ғана өнер көрсеттім. Сосын «Гефест» құрамасындағы бір­неше футболшымен бірге «Шахтердің» қосалқы құра­мына ауыстым. Клубпен келі­сімшартқа отырдық. Осылайша, футболшы ретіндегі ғұмырым бас­талды.

– Футболда кімдерге қарап бой түзейсің?

– Зинедин Зиданды қадір тұта­мын. Сондай-ақ, Андреа Пирло, Иньеста мен Хавиді жақсы көремін. Олар – сапалы футболдың эталондары. Мә­селен, Зиданның алаңдағы ойынды көре білуі, матч барысында бар күшін сарқа жұм­сайтыны, қимыл-қозғалысы ұнай­ды. Мұның бәрін сөзбен жет­кізу мүмкін емес. Оны көру керек.

– Футболдан қолың боса­ғанда немен айналысасың?

– Бала-шағамды ертіп ки­ноға барамын. Серуендейміз. Мотивациялық әдебиеттерді оқығанды ұнатамын.

– Отбасың жайлы айта кетсең...

– Екі кішкентайым бар. Тағы біреуін күтіп отырмыз. Үлкен ұлым – үш жарым жаста. Қызым  – екіде.

– Ұлың әкесінің жолымен жүрер ме екен, әлде өмірлік кәсібін өзі таңдай ма?

– Әрине, таңдауды ұлымның өзіне қалдырамын. Бастысы, жақсы адам болып қалыптасса болғаны. Өз-өзіне сенімді болып, өмірде бағынбайтын белес жоқ екенін жақсы түсінсе екен деймін. Менің міндетім – балаларыма дұрыс тәрбие дарыту, өмірде жол таңдауда бағыт-бағдар беру.

– Биылғы маусымда алды­ңа қандай мақсат-міндет қойып отырсың?

– Мейлінше, көп гол соғу, жақсы пастар беру. Бастысы – команданың табысына үлес қосу және Еурододада нәтижелі өнер көрсету.

– Әңгімеңе рахмет.

Әңгімелескен

Фархат  Әміренов

ПАВЛОДАР


СОҢҒЫ ЖАҢАЛЫҚТАР

20.05.2018

Солтүстік Қазақстан облысы мен «CLAAS» компаниясы меморандумға қол қойды

20.05.2018

Торғайдағы Ахмет Байтұрсынов туған үй жөнделетін болды

20.05.2018

Қостанай облысында 18-ші өрт сөндіру бекеті ашылды

20.05.2018

Қостанай қаласы «мерейлі отбасын» таңдады

20.05.2018

Батыс Қазақстан мен Астана әріптестік туралы меморандумға қол қойды

20.05.2018

Каспий жағалауында суға шомылу маусымына байланысты үгіт-насихат жұмыстары жүргізілді

20.05.2018

Ақтөбе және Орынбор облыстары ресми делегацияларының кездесуі өтті

20.05.2018

Павлодарда партиялық жоба аясында IT-орталық ашылады

20.05.2018

Екібастұздағы «Шығыс» кенішіне «Liebherr R-976 Litronic» экскаваторы әкелінді

20.05.2018

Павлодарда Медиаторлардың республикалық форумы өтті

20.05.2018

Павлодарда ауыл шаруашылық жерлері электронды картаға түсіріледі

20.05.2018

Павлодарда жүргізушілердің төленбеген көлік салығы 670 миллион теңгеге жеткен

20.05.2018

Хорватия Астанада дипломатиялық өкілдік ашпақ

20.05.2018

Самал Еслямова Канн кинофестивалінде үздік актриса атанды

20.05.2018

20 мамырға арналған ауа райы

20.05.2018

ҚарМУ-да «Рухани жаңғыру» бағдарламасын жүзеге асыру барысын талқылады

19.05.2018

АЭФ-2018 аясында жаһандық трансформация жағдайындағы азаматтық қоғам институттарының рөлі талқыланды

19.05.2018

Қазақстандық сарапшылар ғаламдық дамудың басты бес мегатренді туралы пікір білдірді

19.05.2018

Н. Назарбаев атап өткен бес мегатренд АЭФ-2018 алаңдарында кеңінен талқылануда

19.05.2018

QazaqGeography «Қазақстандық ұлттық географиялық қоғамының» кезектен тыс съезі өз жұмысын бастады

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Серік НЕГИМОВ, Қазақстанның еңбек сіңірген қайраткері

Қазақ қызы осындай

Ұлттық дүниетаным ілімінде халық­тың гүлі қазақ қызының болмысына, әдеп-ілтипатына, сұлулық, ізеттілік қасиеттеріне қатысты «Қызда оттай ыстық мейір бар», «Қызда 40 періште бар», «Қызда 40 көліктік бақыт бар», «Қыздың қабағында құт бар», «Қыз назы 40 кісіні мас қылады», «Қыз 40 істің қисынын біледі», «Бұрынғының қыздары бармағының шұңқырындағы асқа тояды» дейтін сұлулықтың тұңғиық сырларын мәлімдейтін інжу-маржан ойлар, толғамдар, лала лебіздер бар.

Тағы да оқу

Пікірлер(0)

Пікір қосу