«Астана арландары» Бүкіләлемдік бокс сериясының финалына шықты

WSB жобасында сынға түсіп жатқан «Астана арландары» клубының боксшылары жылдағы әдетінен жаңылмай биыл да сәтті жұдырықтасып, финалдық бәсекеге жолдама алды.
Егемен Қазақстан
09.06.2017 3930

Британдық «British Lionhearts» командасына қарсы өткен жартылай финалдың алғашқы кездесуінде «арландарымыз» 4:1 есебімен жеңіске жеткен болса, сырт алаңдағы қарымта кездесуде де 3:2 есебімен басым түсті.

Лондонда өткен бокс кешінің шымылдығын 52 килодағы былғары қолғап шеберлері ашты. «Арландар» сапынан алғаш шаршы алаңға Олжас Сәттібаев шығып, қарсыласы Дин Фаррелды 2:1  есебімен ұтты. Осылайша, «арландар» кездесуді жеңіспен бастады. Екінші кездесуде Зәкір Сафиуллин (60 кг) қарсыласы Чад Милнсды екі раундта екі рет нокдаунтқа жіберген соң, Чад жекпе-жекті жалғастырудан бастартты. 69 кило салмақта рингке шыққан Асланбек Шымбергенов «British Lionhearts» командасының үндістандық легионері Кумар Манодждан төрешілердің бірауыз шешімімен басым түсті.

Ал, 81 килодағы Арман Рысбек WSB жобасындағы алты жекпе-жегінен кейін бірінші рет жеңіліске ұшырады. Ол Томас Уитаккер-Хартудан 1:2 (45:50, 49:46, 45:50) есебімен жеңілсе, аса ауыр салмақтағы дебютант Нұрсұлтан Аманжолов өзің алғашқы жекпе-жегінде ұтылып қалды. Аманжолов үшінші раундта нокдаунтқа түсіп қалған соң «арландар» бапкері алаңға орамал лақтырып, кездесуден бас тартты.

«Астана арландары» мен «British Lionhearts» командалары арасындағы жартылай финалдық кездесу 7:3 есебімен қазақстандық команданың жеңісімен аяқталды. Арландардың финалдағы қарсыласы 10-шы маусым күні кубалық «Cuba Domadores» пен колумбиялық «Colombia Heroicos» жекпе-жегінің жеңімпазы болмақ. Қос клуб арасындағы жартылай финалдың алғашқы кездесуінде колумбиялықтар 3:2 есебімен басым түскен болатын.

Еске сала кетсек, былтырғы маусымның жартылай финалында «арландар» дәл осы «British Lionhearts» клубынан ұтылып, финалға шыға алмай қалған еді.

Жетінші маусымда «Арландар» Азия аймағы тобында Өзбекстан, Ресей, Қытай боксшыларын жеңіп, топтан бірінші орынмен шыққан еді. Ширек финалда ресейлік боксшыларды 7:3 есебімен ұтты.

Айта кетейік, «Астана арландары» WSB жобасында қатарынан жеті маусым бойы қатысып келе жатыр. Бұған дейін, екі рет чемпион атанса, бір рет күміс және үш рет қола медаль иеленген. Бүкіләлемдік бокс сериясының финалдық кездесуі қай елде өтетіні жақын күндері белгілі болады. Дегенмен, финалдық кездесуді өткізуі мүмкін негізгі үміткер ел – Қазақстан. Бәлкім, ЕХРО-2017 аясында Астанада WSB жобасының финалын көріп қалуымыз мүмкін.

Финалдар тарихы

І кезең (2010-2011 жыл)

1-орын: «Paris United» (Франция)

2-орын: «Astana Arlans» (Қазақстан)

3-орын: «Baku Fires» (Әзербайжан)

3-орын: «Los Angeles Matadors» (АҚШ)

 

ІІ кезең (2011-2012 жыл)

1-орын: «Milano Thunder» (Италия)

2-орын: «Dynamo Moscow» (Ресей)

3-орын: «Astana Arlans» (Қазақстан)

3-орын: «Baku Fires» (Әзербайжан)

 

ІІІ кезең (2012-2013 жыл)

1-орын: «Astana Arlans» (Қазақстан)

2-орын: «Ukraine Otamans» (Украина)

3-орын: «Milano Thunder» (Италия)

3-орын: «Mexico Guerreros» (Мексика)

 

IV кезең (2013-2014 жыл)

1-орын: «Cuba Domadores» (Куба)

2-орын: «Baku Fires» (Әзербайжан)

3-орын: «Astana Arlans» (Қазақстан)

3-орын: «Russia Boxing Team» (Ресей)

 

V кезең (2015 жыл)

1-орын: «Astana Arlans» (Қазақстан)

2-орын: «Cuba Domadores» (Куба)

3-орын: «Russia Boxing Team» (Ресей)

3-орын: «Mexico Guerreros» (Мексика)

 

VI кезең (2016 жыл)

1-орын: «Cuba Domadores» (Куба)

2-орын: «British Lionhearts» (Британия)

3-орын: «Astana Arlans» (Қазақстан)

3-орын: «Uzbek Tigers» (Өзбекстан)

 

Әли Битөре

«Егемен Қазақстан»

СОҢҒЫ ЖАҢАЛЫҚТАР

21.05.2018

Лионель Месси «Алтын бутса» сыйлығын бесінші рет жеңіп алды

21.05.2018

Қазақстан мен Халықаралық ҚҚДБ арасындағы Қарыз туралы келісім туралы заң жобасы қаралды

21.05.2018

Қ. Тоқаев Толеранттық және бейбітшілік жөніндегі жаһандық кеңестің басшысымен кездесті

21.05.2018

Шымкент-2 жаңа теміржол вокзалы салынады

21.05.2018

Елбасы Өзбекстан Республикасының Президентімен телефон арқылы сөйлесті

21.05.2018

ОҚО-да Нобель сыйлығы лауретының қатысуымен ғылыми-практикалық дөңгелек үстел өтті

21.05.2018

Қазақстанның аграрлық ғылымының дамуына арналған баспасөз конференциясы өтті

21.05.2018

Филиппо Оноранти: Алқалы жиынның алар орны да ерекше

21.05.2018

Ханс-Пол Бюркнер: Мұнай мен газ ғана емес, басқа салалардың да дамуы керек

21.05.2018

Мырзакелді Кемел: Болашаққа бағдарланған форум

21.05.2018

«Нұр Отан» Атырау мен Павлодарда ІТ-мамандарын дайындатын ІТ-орталықтар ашты

21.05.2018

Бурабай ұлттық паркіне арналған «A day in Burabay» бірегей фотоальбомы жарық көрді

21.05.2018

Алматыда 5 жасар бала менингиттен көз жұмды

21.05.2018

Мекен-жай анықтамасын Telegram-бот арқылы алуға болады

21.05.2018

Нұрлан Ноғаев: Бизнес субъектілеріне мемлекеттің қолдауы аймақтың экспорттық әлеуетін арттыруға септігін тигізеді

21.05.2018

Алматылық педагогтар СДУ-да бас қосты

21.05.2018

Қазақстанда тұңғыш рет көз іші қатерлі ісігіне шалдыққан балаларға СИАХТ отасы жасалады

21.05.2018

Самал Еслямова: Біз бұл кинокартинаны түсіру үшін 7 жылымызды сарп еттік

21.05.2018

Жезқазған қаласының әкімі өз еркімен қызметінен кетті

21.05.2018

Айдос Қыдырма ҚР Премьер-Министрінің баспасөз хатшысы қызметінен кетті

ТАҒЫ ЖҮКТЕУ
КОЛУМНИСТЕР

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Тағы да оқу

Пікірлер(0)

Пікір қосу