Астанада Атырау облысының мәдениет күндері басталды

Бүгін «Астана» концерт залында «Атырау облысының Астанадағы мәдениет күндері» аясында облыстық тарихи-өлкетану музейінің көрмесі ашылды.
Егемен Қазақстан
17.07.2017 846

Облыстық музейдің экскурсия-көпшілік бөлімінің меңгерушісі Оксана Альжанованың айтуынша, Астанаға 700-ден астам әр түрлі жәдігерлер әкелінген. Оның ішінде біздің дәуірімізге дейінгі ІІ ғасырдың құнды дүниелері де бар. Мысалы, Атырау облысы Жылыой ауданы Аралтөбе қорғанын қазу кезінде екінші Алтын адамның қабірінен табылған қола қанжар,   қайрақ тас. Аталған қорған аудан орталығы Құлсары қаласынан 65 шақырым жерде орналасқан. Қазіргі заманғы жәдігерлер арасында Дина Нұрпейісованың 1954 жылы соңғы рет концертке қатысқан кезінде таққан күміс белбеуін атап өтуге болады.

- Музей жәдігерлерінің арасында қолдан жасалған домбыра да бар. Бір ерекшелігі, оның бөшектері малдың сүйегінен жасалған және таза күміспен қапталған. Музейге оны Махамбет ауданының тұрғындары Лекеровтер отбасы табыстады. Домбыраны 1906 жылы арғы аталары өз қолымен жасаған екен, - дейді Оксана Альжанова.

Құнды дүниелердің қатарында қазақ батырлары Исатай Тайманұлы мен Махамбет Өтемісұлы қылыштарын қайраған қайрақ тасты да атауға болады. 19 ғасырға тиесілі суық қарулар бар, аңыз бойынша оларды Исатай мен Махамбет бастаған жасақтың әскерлері пайдаланған болуы мүмкін. Көрмеден Египеттен әкелінген ағашпен және күміспен өңделген мәмлүк тапаншасын көруге болады.

Махамбет ауданындағы Сарайшық ескі шаһарының орнына қазба жұмыстары кезінде табылған жәдігерлер айрықша назар аудартады. Айталық, 13 ғасырға жататын жылтыр қытай фарфорынан жасалған ыдыс «сырлы аяқтың сыры кетсе де, сыны кетпейтінін» анық аңғартады. Аңыздарда мұндай қыш ыдыстар дәулетті адамдардың арасында үлкен сұранысқа ие болғаны жайында айтылады, егер у құятын болса, ыдыс түсін өзгертетін болған.

- 600-700 жыл бұрын ежелгі шеберлердің қолынан шыққан ыдыстардың қалай сақталғанын көріңіздер, - дейді О.Альжанова. – Көрмеге Сарайшық қаласынан табылған дүниелердің түпнұсқалары қойылды.

Көне қала орнынан табылған жәдігерлер арасынан иттің ізі бар кірпішті көруге болады. Музей қызметкерінің айтуынша, ертеде үйдің іргетасына иттің ізі бедерленген кірпішті қойса, ол  шаңырақ бақыт пен байлықтың ордасына айналады деген сенім болған.

Атырау облыстық тарихи-өлкетану музейінің көрмесі «Астана» концерт залында 16-17 шілде күндері жұмыс істейді.

Бақытгүл Бабаш,

"Егемен Қазақстан"

Суретті түсірген Рақым Қойлыбаев.

СОҢҒЫ ЖАҢАЛЫҚТАР

20.04.2018

«Smart Zholy» бағдарламасының үздік стартап жобалары анықталды

20.04.2018

23-26 мамыр күндері Астанада «KADEX - 2018» көрмесі өтеді

20.04.2018

Денсаулық сақтау министрі Орал қаласында

20.04.2018

Заңнамаға архив ісі мәселелері бойынша өзгерістер қаралды

20.04.2018

Дубайдағы инвестициялық кездесуде ОҚО-ның инвестициялық өсу драйвері зерттелді

20.04.2018

Ақтөбеде зиянды қалдықтар тасқыны толастар емес

20.04.2018

ТҮРКСОЙ Шыңғыс Айтматов жылын ашты

20.04.2018

Арсен Венгер «Арсеналдан» кететін болды

20.04.2018

Алматы облысында тау жыныстарының қозғалуы тіркелді

20.04.2018

Петропавлда спорт колледжі ашылады

20.04.2018

Алматыда Парламент Мәжілісінің депутаттары жатақханаларды аралады

20.04.2018

Алдағы демалыс күндері ауа райы қандай болады?

20.04.2018

Солтүстік Қазақстанның жас суретшілері халықаралық байқауда топ жарды

20.04.2018

Оңтүстікте ХҚКО арқылы 10 миллионнан астам қызмет көрсетілді

20.04.2018

Солтүстік Қазақстанда архив ғимараттары жоқ аудандар бар

20.04.2018

«Самұрық-Қазына» АҚ жаңа Даму стратегиясын әзірледі

20.04.2018

Сенаторлар «Қылмыстық құқық бұзушылықтар картасы» интернет порталының жұмысымен танысты

20.04.2018

Қайрат Әбдірахманов Түркия президенті Реджеп Тайып Ердоғанмен кездесті

20.04.2018

Өскемен әкімінің жаңа орынбасары тағайындалды

20.04.2018

Қостанайда балалардың «Алтын микрофон» ән байқауы басталды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Сейфолла ШАЙЫНҒАЗЫ, «Егемен Қазақстан»

Ауылдарды сақтаудың амалы қайсы?

Ауыл халқы азайып барады. Неге? Ешкім­ге ештеңенің керегі жоқ болып кеткен бүгінгідей заманда ол жағын ойлап бас қатырып жатқан да бірде-бір жан жоқ. Бар айтатын уәждері – урбанизация. Бір есептен ол да дұрыс шығар. Қалаларға қарай жа­қындаса ауыл қазақтары да өркениетті өмір­ге араласады, өзгелермен бірге қазіргі за­ман­­ның игіліктеріне ортақтасады. Бірақ... 

Жақсыбай САМРАТ, «Егемен Қазақстан»

Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Бақытгүл САЛЫХОВА, педагогика ғылымдарының кандидаты

Тағам сыры: аурудың алдын алу мүмкін бе?

«Ас – адамның арқауы» деп кішкен­тай­ымнан естіп өскен адам ретінде, та­мақ жемесе адамның күші болмайды, жұ­мыс істеуге, өмір сүруге энергиясы жетпейді деп ойлайтынмын.  Бірақ ас­тың да асы бар, оның пайдасы мен зияны туралы шы­найы да, өтірік те, ойдан құрас­ты­рыл­ған да әңгімелерді көп естіп, кейде білмегендіктен сеніп те қалып жүреміз.

Талғат СҮЙІНБАЙ, «Егемен Қазақстан»

Алматы: Шағын ауданның астарлы ақиқаты

Алматыда аты жоқ, бірақ, нөмір­­­лен­­ген 12 шағын аудан бар. Шын­туай­­тында, олар 12 емес, барлығын қос­­қанда – 13. Қала сәулетіне билік жүр­гізуші партия қызметкерлері, сірә, жобалау үстінде «шайтанның 12-сін» сес­ көрген-ау, ақырғы шағын ауданды – 10 «А» деп белгілепті. 

Тағы да оқу

Пікірлер(0)

Пікір қосу