Астанада ЭКСПО-2017 аясында Атырау облысының мәдениет күндері өтеді

16 шілдеде Астанада Атырау облысының мәдени күндері басталады. Елорда тұрғындары мен қонақтары мұнайлы аймақтың шығармашылық әлеуетін көрсететін кең көлемді мәдени бағдарламасына куә болады.
Егемен Қазақстан
12.07.2017 1284

Бес күнге жоспарланған бағдарламада 20-дан астам әр түрлі қойылымдар мен концерттер, дефиле мен қолөнер шеберлерінің көрмесі бар, - деп хабарлайды Атырау облыстық өңірлік коммуникация қызметі.

Өнер апталығының шымылдығы 16 шілде күні сағат 11.00-де Конгресс-холда Д.Нұрпейісова атындағы академиялық қазақ ұлт аспаптар оркестрінің «Күй-керуен» атты концертімен ашылады. Сол уақытта Конгресс-холл алдындағы алаңда Н.Жантөрин атындағы облыстық филармонияның үрмелі аспаптар оркестрі өнер көрсетеді. Ал 12.30-да «Айсұлу» сән үйі топтамасының дефилесін тамашалауға болады. Астанадағы алғашқы күн ЭКСПО-2017 кешенінің амфитеатрында өтетін «Атырау айшықтары» гала концертімен аяқталады. Басталу уақыты: 21.30.

Конгресс холл ғимаратында 16-17 шілде күндері Атырау облысының бірнеше көрмесі көпшілік назарына ұсынылады. Өңір тарихы туралы облыстық тарихи-өлкетану музейінің экспозициясы қойылады, ал Ш.Сариев атындағы қолданбалы-сәндік өнер музейі ЭКСПО тақырыбына салынған суреттер көрмесін ұйымдастырады. Облыс кітапханалары кітап жәрмеңкесін, облыстық мемлекеттік мұрағат аймақтың жетістіктері мен табыстары жайлы құжаттар көрмесін жасайды.  Көрмелер сағат 11.00-де басталады.

17 шілдеде мәдени шаралар легі Н.Жантөрин атындағы облыстық филармонияның «Нарын» халық аспаптары оркестрінің концертімен басталады. Оркестр Бәйтерек монументінің алдындағы алаңда сағат 19.00-де өнер көрсетеді. Дәл осы уақытта «Жастар» театрында Махамбет атындағы облыстық қазақ драма театрының «Сүйінбай» драмасының премьерасы қойылады.

18 шілдеде негізгі шаралар этноауыл аумағында өтеді деп жоспарланып отыр. 15.00-де «Айсұлу» сән үйінің дефилесі бұл күнгі бағдарламаны ашады. 15.30-да Д.Нұрпейісова атындағы академиялық қазақ ұлт аспаптар оркестрінің концерті, 16.30-да Құрманғазы, 17.30-да Индер, 18.30-да Мақат ауданы өнерпаздары дайындаған концерттік бағдарлама көрермендерін күтеді. 19.30-да атыраулық композиторлардың әндерінен концерт өтеді.

Бұл күні сондай-ақ, қала алаңдарында аймақтағы этномәдени бірлестіктер дайындаған мерекелік шара болады, ол 17.00-де басталады. Көрермендер Атырау жерінде тату-тәтті тұрмыс кешіп жатқан сан түрлі ұлт пен ұлыс өкілдерінің өнерлерін, ұлттық киімдерін, әндері мен билерін тамашалай алады. Шара 18.00-де би мерекесімен жалғасады. 20.00-де облыстық филармония әртістерінің қатысуымен концерт және театрландырылған көрініс көрсетіледі.

19 шілдеде сағат 19.00-де Горький атындағы орыс театрында драматург Мәлік Отарбаевтың «Баянды бақ» спектаклі қойылады. Сол уақытта қала алаңдарында облыстық филармонияның эстрадалық оркестрінің қатысуымен мерекелік бағдарлама өтеді.

Атырау облысының Астанадағы мәдени күндері 20 шілдеде Бәйтерек монументі алдындағы алаңда қорытындыланады. Сағат 19.00-де Астана тұрғындары мен қонақтарын «Ән-арман Атырау» атты мерекелік концерт күтеді.

Бақытгүл Бабаш,

«Егемен Қазақстан».

Атырау

СОҢҒЫ ЖАҢАЛЫҚТАР

23.06.2018

Дипломаттар халықаралық күн тәртібінің өзекті мәселелерін талқылады

22.06.2018

«Нұр Отан» Маңғыстау облыстық филиалы мемлекеттік және полиция қызметкерлерін марапаттады

22.06.2018

Қазақстан мен Ресейдің парламентаралық ынтымақтастығы нығая түспек

22.06.2018

Қазақстанның Ауыр атлетика федерациясы 2020 жылы Азия чемпионатын өткізуге ниет білдіргенін растады

22.06.2018

Маңғыстау облысында «Нұрлы жер» және «Қолжетімді баспана» бойынша отырыс өтті

22.06.2018

Астанада медиабілімнің даму мәселелері талқыланды 

22.06.2018

Солтүстік Қазақстанда бұршақ жаууы мүмкін

22.06.2018

Астана қаласы маңындағы орман көлемі 100 мың га дейін кеңейтіледі

22.06.2018

«Ақтау Теңіз Порты» АЭА мен DP World инвестициялық жобаларды жүзеге асырмақ

22.06.2018

Қызылорда облысында «Жасыл» технологияларды енгізу бойынша меморандумға қол қойылды

22.06.2018

Сыртқы істер министрлігінде Қазақстанның Польшадағы Елшісінің брифингі өтті

22.06.2018

Кіші Аралда желкенді кемелер жүзе бастады

22.06.2018

Шымкентте «Миграциялық ХҚО» ашылды

22.06.2018

Астраханьда Астананың 20-жылдығына арналған фотокөрме өтті

22.06.2018

Қызылорда облысында жыл басынан бері 66 млрд теңге инвестиция тартылды

22.06.2018

Мамин Павлодар және ШҚО-ның инфрақұрылымдық жобаларын тексерді

22.06.2018

Жезқазғанның жаңа әкімі тағайындалды

22.06.2018

Гүлшара Әбдіқалықова бірқатар елшілерден сенім грамоталарын қабылдады

22.06.2018

1 шілдеден бастап Қазақстанда амбулаториялық карта жойылады

22.06.2018

Еліміздің батысында 43 градусқа дейін ыстық болады

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Бас ауырып, балтыр сыздағанда...

Халықты әлеуметтік тұрғыда қолдау ісі мемлекеттік саясаттың басым бағыттарының бірі екені дау тудырмайды. Дегенмен қолға алынған әлеуметтік шаралардың ойдағыдай жүзеге асуына кейбір келеңсіз жағдаяттардың кедергі келтіріп, тұрғындардың көңіл-күйіне кері әсерін тигізіп жататыны жасырын емес.

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сотқа жүгінбейтін адам жоқ. Бірақ солардың дені «Мен сүттен ақ, судан тазамын» дейді. Яғни «Мен кінәлімін, мен ұры­мын, мен парақормын» деп ешкім айта қоймайды. Және тараптардың қай-қай­сының да сотта келтірген уәждері сенім­ді көрі­неді. 

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу