Астананың айшықты келбеті әлемге көрсетіледі

Әлемге белгілі, 450 миллион көрермені бар «National Geo­graphic» телеарнасы ЭКСПО-2017 халықаралық маман­дан­дырылған көрмесінің бас­ты нысаны – «Нұр әлем» сфе­расы туралы деректі фильм түсірді.
Егемен Қазақстан
10.08.2017 2020
2

Ажары айшықты елорда көркінен шабыт алған түсірілім тобы бір ғимараттың ғана емес, Арқа төсіне бой көтерген тұтас Астананың қалыптасу тарихын бейнелеуді ұйғарған. Фильм Дубайдағы «Бурдж-Халифа», Куала-Лумпурдағы «Петронас», Ла-Манш бұғазындағы Еуро­тоннель сынды әлемнің атақты ғимараттарының құрылыс тарихы көрсетілетін «Мегағимараттар» деректі сериалының бір эпизоды болып табылады. 
Туындыда Қазақстан аста­на­сын­дағы қолайсыз ауа райы мен күрделі логистикалық, инфрақұрылымдық жағдайларға қарамастан «Бәйтерек» монументі, «Хан Шатыр» сауда және ойын-сауық орталығы сияқты ірі нысандардың, жаңа вокзал мен Нұрсұлтан Назарбаев халықаралық әуежайының тұрғызылуы туралы баяндалады. Басты назар шыныдан тұрғызылған әлемдегі ең үлкен сфералық ғимарат – «Нұр әлем» павильонына аударылады. National Geographic түсірілім тобы сфераның соңғы шынысы орнатылған тарихи мезетті де түсіріп алған. 

Түсірілім жұмыстарына Қазақ­стан Президенті Нұрсұлтан Назарбаев қатысып, өз идеясынан ту­ған жаңа астананың бой көтеруі тура­лы баян­дап береді. Қырық бес минут­тық «Мегағимараттар: Астана – бо­ла­шақтың қаласы» фильмінің алдын ала көрсетілімі елордадағы ЭКСПО-2017 көрмесі кешенінде өтті. Фильмнің әлемдік тұсаукесері 40-тан астам мемлекетте 22 тілде ұсынылмақ. 

«Фильмнің негізгі тұсаукесері «National Geographic channel» арнасында өтеді және Ұлыбритания, Ита­лия, Испания, Польша, Сингапур, Үндістан секілді барлық Еуразия аумағында екі жыл бойы көрсетіледі. Әзірге көрсетілімнің нақты саны белгісіз», деген «National Geographic Partners» Еуропа-Африка бөлімінің атқарушы вице-президенті Дебора Армстронг Астана құрылыстары қайта­лан­бастығымен және өзгешелі­гімен таң қалдыратынын, ғажайып әрі тартымды қала екенін айтты.  

«Ең алдымен, бұл Қазақстанның Президенті Нұрсұлтан Назарбаевтың арманы еді. Аз уақыттың ішінде  оның барлық ойлағаны іске асырылды. Көрме аумағындағы құрылыстар, сондай-ақ, «Нұр әлем» павильоны әлемнің әр түкпірінен көптеген адам­дарды тартады. Біз «National Geog­raphic: «Мегағимараттар: Астана – бо­ла­шақтың қаласы» деректі фильмі­нің көрсетілімі аясында жас аста­наның осындай тамаша нысандары­мен таныстыратынымызға өте қуа­ныштымыз», деді вице-президент.

Телеарнаның Еуропа-Африка бөлімінің атқарушы продюсері Иван Бусо картинада қаланың қалыптасу тарихына ғана емес, ЭКСПО-2017 халықаралық мамандандырылған көрмесіне де баса назар аударылғанын жеткізді. «Біз өз фильмдерімізде адамдар тіпті ойланбайтын нәр­се­лер­ді көрсетеміз. Мен осы жобада жұмыс істей бастаған кезімде – 20 жыл бұрын Астана мұндай тамаша ғимараттарсыз шағын ғана қала бол­ғанын білдім. Қазір қазақ елордасы гүлдене түскен. ЭКСПО-2017 объектілері, атап айтқанда, «Нұр әлем» ұлттық павильоны 21 айда салынып шыққан. Осы сынды тарихтар адамдарды қызықтырып, таң қалдырады. Бұл фильм әлем жұртшылығын Қазақстанға келуге шабыттандыратыны сөзсіз», деді ол. 
Мамандар мәлімдегендей, телеарна ұжымы бұл фильмді әлемнің 170 елінде 37 тілде көрсетуді жоспарлап отыр.

Асхат РАЙҚҰЛ,

«Егемен Қазақстан»

СОҢҒЫ ЖАҢАЛЫҚТАР

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

23.01.2019

Конькимен жүгіру: Классикалық көпсайыстан ел біріншілігі мәресіне жетті

23.01.2019

Қостанайда «Эндохирургия мектебі» өтті

23.01.2019

Ақ Жайықтың жастары жастар жылынан көп үміт күтеді

23.01.2019

Жамбыл облысы жұмыспен қамту бойынша екінші орында тұр

23.01.2019

«Murager production» фото-кино студиясы ашылды

23.01.2019

Иван Дычко 1 наурызда рингке шығады

23.01.2019

Республика бойынша «Қайырымдылық керуені» байқауына үміткерлер іріктеліп жатыр

23.01.2019

«Барыс» қонақта «Металлургті» ұтты

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу