Атақты адамдар қандай қайырымдылық жасады?

Егемен Қазақстан
05.12.2016 369
berik-aga-1Бай мен кедей егіз ұғым десек, адал еңбекпен молшылыққа кенелгенге қызыға да, қызғана қарайтынымыз бар. Кедей-кепшіктің де өз уәж-пәлсапасы айтылып жатады. Әлемде дәулеттілер баршылық. Олардың бірсыпырасы тырбанып еңбек етіп, бизнесін өркендетіп барып, кәсібін жолға қойғандар. Ал өмірде аяқ астынан байып кеткендер де бар. Бірақ, олар еңбектің, кәсіптің құнын парықтай бермейтіні анық. Біздің айтпағымыз – қалай тапса да мол қаражатқа ие болған пенденің сол аста-төк байлығы бір басынан асып-төгіліп, артығын жомарт жүрекпен үлестіруінде болып отыр. «Жақсылықты басыңа қыл, басыңнан асса – досыңа қыл» деген аталы сөз бар. Мол қаражат иесінің алдымен өзінің ет жақындарына, туыстарына, дос-жолдастарына қарайласатыны ақиқат. Байлығы одан да асып жығылатындардың ойлана келіп, қайырымдылыққа бет бұратыны – қасиеттің қадірлісі саналса керек. Мәселен, жақында ғана Сауд Арабиясының ханзадасы әл-Валид бин Талал бин Абдулазиз әл-Сауд өзінің 32 миллиард долларын әртүрлі дәрежедегі қайырымдылыққа жарататынын айтып, айды аспанға бірақ шығарып, бұл дегенің – адамзат тарихындағы ғажап іс, әлемді елең еткізген елеулі оқиға болды. Ханзада әл-Валид: «Бұл менің адамзат алдындағы парызым» дей келіп, онысын алдымен төтенше жағдайлардан зардап шеккен аймақтарға, балалар үйлеріне, мектептер салуға, әртүрлі ауруларды емдеуге және әлемнің шет аймақтарында жапа шегіп отырғандарға көп ұзамай беріле бастайтынын айтыпты. Ал «Атақты боксшы, саясаткер, мультимиллионер Мэнни Пакьяо баспанасыз отандастарына арнап 1000 үй салып берді» деген хабар да елең еткізді. «Филиппиннің Сарангани өңіріндегі отандастарыма арнап 1000 үй салып, тегін таратып бердім, осы үшін өзімді бақытты сезінудемін. Құрылыстың қаражатын толықтай өз қалтамнан шығардым», – деп жазған ол жеке парақшасында. «Мұнымен шектелмей, алдағы уақытта тағы да баспана салып отандастарыма үлестіре беремін. Өйткені, кітабымыз Інжілде адамдарға қайырымдылық жасауға шақырады», – дейді Пакьяо. «Үндістандық бизнесмен Савджи Дхолакия қызметкерлеріне Дивали мерекесіне орай гауһар тасты қымбат сыйлықтар үлестіріп, үздік нәтиже көрсеткен қызметкерлерге 1260 көлік пен 400 пәтер сыйға беріпті» деген жағымды жаңалықты оқып: «Бәрекелді! Міне, азамат!» деп күжірейгеніміз бар. Ал өз елімізде де жоғарыда айтылғандардай керемет жомарттық болмаса да, шама-шарқынша қайырымдылыққа бет бұрып жататындардың іс-әрекетіне риза боласың. Мәселен, соңғы қарымдылық – меценат Бауыржан Оспановтың бокстан екі дүркін әлем чемпионы Назым Қызайбайға үй салып бергені болып отыр. Төрт бөлмелі жаңа шаңырақ Алматы облысының Қарасай ауданына қарасты Іргелі ауылында бой көтерген. Кездейсоқ келген бақ та адамды бақытқа кенелтеді. Алайда, біреудің қайырымдылығы арқылы дәулетін арттырып алғандар да қоғамда кездеседі. Өткен ғасырдың басында қайтыс болған белгілі заңгер және инвестор Чарльз Миллар 1926 жылы артына: «Ешқандай туысқаным болмағандықтан, өзім өлген соң 10 жылдан кейін қалада 10 жылдай тұрған тоғыз баласы бар кедей әйелдерге 500 мың долларды бөліп беремін» деп қызықты хат қалдырып кетеді. Расында да, уақыт өте келе Чарльз Миллардың аманаты орындалады. Ол өлген соң тоғыз баласы бар төрт әйелге Чарльздың 500 мың доллары бөлініп беріледі. Ал Қытайдың Ю Панглин есімді олигархы өзінің орасан байлығын ұлдарына қалдырмай, қайырымдылық қорына аударып жіберген. Жылжымайтын мүлік пен қонақүй бизнесімен айналысатын Ю 2010 жылы өзінің 470 миллион доллар байлығын қайырымдылық қорына аударатынын жариялады. Сонымен қатар, өзгелерді де осындай қадамға баруға шақырды. Сондай-ақ, әлемде жасаған қайырымдылығы туралы жаһанға жар салмай-ақ, жасырын түрде жомарттық жасап жүрген жандар да жетерлік. Мәселен, американ-ирландық миллиардер Чаке Фини соңғы 30 жыл бойы 6,2 млрд доллар қаржысын қайырымдылыққа жұмсаған екен. Жоғарыдағы жомарт жүректі жандардың ізгілікті ісін тізбелеп айтудағы ойымыз – бізде де қалай байығанында шаруамыз жоқ, бүгіндері мол қаражатқа ие болып отырғандар жетіп артылады. Сол азаматтардың қыруар қаржысын шетел асырып, жұмбақ күй кешкенінен гөрі олардың қайырымдылық сияқты қасиетті қарекеттерге бет бұрғандары сауапты іс болар еді. Жарты әлемді жаулаған жаһангер Александр Македонскийдің өлген соң табыттан қолы шошаңдап шыға беріпті. Содан бір данышпан шыға берген алақанға бір шөкім топырақ салған екен, сонда барып әлгі қол сылқ етіп құлапты. Сөйтсе жаһангер Македонский тірілерге: – Ей, жарандар, мен жарты әлемді жаулап, алтыннан тау тұрғызсам да о дүниеге ештеңе алып бара жатқан жоқпын. Міне, қараңдар, – деп, алақанын ашып көрсеткен екен. Әйтеке Би: «Бақыт деген құс, тақ деген түс, байлық деген мұз. Мәңгілік қалатын қайырымды адал іс» депті. Тіршілікте тірі жүрген кісінің жамандықтан бұрын жақсылық жасауды ғана ойлап, ұрлық-қарлық емес, қолынан келгенше қоғамға пайда келтіргенінен асқан бақыт жоқ. Кез келген уақытта жасалған көмек, пайдалы іс адамның рухын да көтеретіндігі ақиқат. «Жомарт жүрекке иман қонар, жомарт қолға аспандағы лашын қонар» демекші, жомарттың әрқашанда жолы болары сөзсіз. Берік САДЫР, «Егемен Қазақстан».  
СОҢҒЫ ЖАҢАЛЫҚТАР

15.08.2018

Бақытжан Сағынтаев денсаулық сақтау саласын дамыту мәселелері жөнінде кеңес өткізді

15.08.2018

БҚО құтқарушылары Шалқар көлінде 4 адамды құтқарды

15.08.2018

«Хат қоржын»

15.08.2018

Елбасы Парламент Сенатының төрағасы Қасым-Жомарт Тоқаевты қабылдады

15.08.2018

Сақтандыру шарттарын 2019 жылдан бастап онлайн режимде жасауға болады

15.08.2018

Түріктер «Қазақфильмнің» туындыларын көрсетпек

15.08.2018

Алдағы тәулікте күн суытады

15.08.2018

Астананың апорты

15.08.2018

«Егеменнің» қолдауымен «Ұлы Дала рухы» фотокөрмесі өтті

15.08.2018

Адам Пжегодскийдің Жетісудағы көпқырлы қызметі

15.08.2018

Қыркүйек айынан бастап «Астана-Теміртау» күре жолы ақылы болады

15.08.2018

Дәметкен Сүлейменованың «Жаһанша Досмұхамедов һәм қазақ автономиясы» кітабы жарық көрді

15.08.2018

Жазықсыз атылған жампоз

15.08.2018

Астананың білім беру мекемелерінің 45 басшысы тәртіптік жазаға тартылды

15.08.2018

Қарулы күштерінің сержанты ер-азаматқа лайық батылдық жасады

15.08.2018

Атыраудағы «КасХим» жылына 27 млн полипропилен мен полиэтилен шығарады

15.08.2018

Керекулік өрендер жазды ойдағыдай өткізуде

15.08.2018

Алексей Цой жеке қабылдауына жазылған азаматтармен кездесу өткізді

15.08.2018

Жамбыл филармониясына Кенен есімі берілді

15.08.2018

«ҚАЗБАТ» батальоны АҚШ-тың «Дала қыраны-2018» бітімгерлік оқу-жаттығуларына қаты­суда

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу