Әулиеата әуендері

Кезінде Ұлбике, Кенен, Сауытбек сынды ақындар ән-жырын аспандатқан Әулиеата өңірінде таланттар сабақтастығы күні бүгінге дейін жалғасын тауып отыр. Ән әуелеп, күй шалқыған көне мекенде өнер иелерінің өмірнамасына айналған туындылар туған жердің топырағынан тамыр тартып, халықпен бірге жасап келеді.
Егемен Қазақстан
21.04.2017 5515

«Ел іші – өнер кеніші» деп халқымыз айтқандай, бүгінгі ел ішінде де ерекше талантымен талайды тамсандырып жүргендер баршылық. Туған жер төсіндегі таланттарды елге таныту, халыққа насихаттау өнердің басты міндеті.

Тараз қаласындағы «Баласағұн» орталық концерт залында облыстық мәдениет, архивтер және құжаттама басқармасының және жергілікті филармонияның ұйымдастыруымен «Жаңарған Жамбылым» атты І республикалық эстрада әншілерінің конкурсы өтті. Қазылар алқасының қатысуымен өткен баспасөз мәслихатынан соң басталған конкурстың ашылу салтанатында басқарма басшысы Дүйсенәлі Бықыбаев сөз сөйлеп, талапкерлерге сәт-сапар тіледі.

Жалпы, аталған конкурсқа қатысуға еліміздің әр өңірінен 70-ке жуық өнерпаз өтініш білдірген екен. Алайда сыннан өткен 33 талапкер ғана конкурсқа қатысуға мүмкіндік алыпты. Еліміздің Астана, Алматы, Ақтөбе, Орал, Семей, Өскемен, Көкшетау, Қарағанды, Балқаш, Қызылорда, Түркістан, Шымкент және Тараз қалаларынан, Жамбыл облысынан, сондай-ақ Қырғыз Республикасынан келген өнерпаздар Әулиеата төрінде өз өнерлерін көрсетті. 

Жергілікті композиторлардың әндерін шырқап, халыққа насихаттады. Ал үміткерлерге лайықты бағасын беру үшін Қазақстан Республикасының Халық әртісі Алтынбек Қоразбаев, Қазақстанның Еңбек сіңірген әртісі Бағдат Сәмединова, Қазақстанның Еңбек сіңірген қайраткері Мейрамбек Беспаев және өзге де белгілі өнерпаздар конкурсқа арнайы қатысып, қазылық жасады. 

Конкурстың Бас жүлдесін тараздық Мейіржан Самылтыров жеңіп алса, жүлделі І орынды тараздық Ақерке Құрбан мен қарағандылық Гүлнар Көшенова иеленді. 

Сондай-ақ ІІ орын тараздық Балдат Бейсеқожа мен жамбылдық Қазбек Әбуге бұйырды. Ал ІІІ орынға  тараздық Жанна Асанқұлова, талдықорғандық Халид Орынқұл мен өскемендік Айкерім Битанова қол жеткізді. «Жас талант» аталымымен тараздық Берік Жорабеков, «Жарқын дауыс» аталымымен Оңтүстік Қазақстан облысынан келген Нұрсұлтан Байгунов, «Жаңа есім» аталымымен тараздық Дархан Қабыл және «Көрермендер көзайымы» аталымымен астаналық Айдос Ергеш марапатталды. Жеңімпаздар мен жүлдегерлерге қаржылай сыйлықтар табысталса, қалған 21 өнерпазға да Алғыс хаттар мен қаржылай сыйақылар берілді. 

Мәдени шара соңы «Ризамын туған халқыма!» атты қайырымдылық концертіне ұласты. Сахна төрінде Алтынбек Қоразбаев, Бағдат Сәмединова, «Тараз» триосы және жеңімпаздар мен жүлдегерлер ән шырқады. Ал концерттен түскен қаражат «Дулат баба» қайырымдылық қорына аударылатын болады. Сондай-ақ концертке келген көпшілік облыстық музейдің ұйымдастырған «Көне Тараз шақырады» көрмесімен де танысты. 

Хамит Есаман,

«Егемен Қазақстан»

Жамбыл облысы

СОҢҒЫ ЖАҢАЛЫҚТАР

20.05.2018

Солтүстік Қазақстан облысы мен «CLAAS» компаниясы меморандумға қол қойды

20.05.2018

Торғайдағы Ахмет Байтұрсынов туған үй жөнделетін болды

20.05.2018

Қостанай облысында 18-ші өрт сөндіру бекеті ашылды

20.05.2018

Қостанай қаласы «мерейлі отбасын» таңдады

20.05.2018

Батыс Қазақстан мен Астана әріптестік туралы меморандумға қол қойды

20.05.2018

Каспий жағалауында суға шомылу маусымына байланысты үгіт-насихат жұмыстары жүргізілді

20.05.2018

Ақтөбе және Орынбор облыстары ресми делегацияларының кездесуі өтті

20.05.2018

Павлодарда партиялық жоба аясында IT-орталық ашылады

20.05.2018

Екібастұздағы «Шығыс» кенішіне «Liebherr R-976 Litronic» экскаваторы әкелінді

20.05.2018

Павлодарда Медиаторлардың республикалық форумы өтті

20.05.2018

Павлодарда ауыл шаруашылық жерлері электронды картаға түсіріледі

20.05.2018

Павлодарда жүргізушілердің төленбеген көлік салығы 670 миллион теңгеге жеткен

20.05.2018

Хорватия Астанада дипломатиялық өкілдік ашпақ

20.05.2018

Самал Еслямова Канн кинофестивалінде үздік актриса атанды

20.05.2018

20 мамырға арналған ауа райы

20.05.2018

ҚарМУ-да «Рухани жаңғыру» бағдарламасын жүзеге асыру барысын талқылады

19.05.2018

АЭФ-2018 аясында жаһандық трансформация жағдайындағы азаматтық қоғам институттарының рөлі талқыланды

19.05.2018

Қазақстандық сарапшылар ғаламдық дамудың басты бес мегатренді туралы пікір білдірді

19.05.2018

Н. Назарбаев атап өткен бес мегатренд АЭФ-2018 алаңдарында кеңінен талқылануда

19.05.2018

QazaqGeography «Қазақстандық ұлттық географиялық қоғамының» кезектен тыс съезі өз жұмысын бастады

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Серік НЕГИМОВ, Қазақстанның еңбек сіңірген қайраткері

Қазақ қызы осындай

Ұлттық дүниетаным ілімінде халық­тың гүлі қазақ қызының болмысына, әдеп-ілтипатына, сұлулық, ізеттілік қасиеттеріне қатысты «Қызда оттай ыстық мейір бар», «Қызда 40 періште бар», «Қызда 40 көліктік бақыт бар», «Қыздың қабағында құт бар», «Қыз назы 40 кісіні мас қылады», «Қыз 40 істің қисынын біледі», «Бұрынғының қыздары бармағының шұңқырындағы асқа тояды» дейтін сұлулықтың тұңғиық сырларын мәлімдейтін інжу-маржан ойлар, толғамдар, лала лебіздер бар.

Тағы да оқу

Пікірлер(0)

Пікір қосу