Ауылдар ауыз судан тарықпайды

Егемен Қазақстан
03.12.2016 91
Ішуге жарамды жерасты суларын анықтау бойынша ауқымды геологиялық барлау жұмыстары Қарағанды облысында біраздан бері жүргізіліп келеді. Оның бәрі, әлбетте, өңірдегі елді мекендерді ауыз сумен толықтай қамтамасыз ету үшін қажет. Ауылдық жерлерде жерасты суларын барлау жұмыстары өңірлерді дамытудың 2020 жылға дейінгі бағдарламасы шеңберінде жүзеге асырылуда. Биыл облыстағы 32 ауылдық елді мекенде геологиялық жұмыстар аяқталады. Жерасты суларының қоры туралы есеп те жыл соңына дейін дайын болуы тиіс. Сонымен қатар, биыл 45 ауылдық елді мекен мен 23 кен орнында жұмыстар қолға алынды.  Олардың қорытындысы тек келесі жылдың соңына таман белгілі болмақ. Тағы да 44 ауыл мен 2 кен орны бойынша жобалық-сметалық құжаттар әзірленіп жатыр. Жұмыстар 2017 жылдың басынан қолға алынады. Облыстық энергетика және тұрғын үй-коммуналдық шаруашылық басқар­масының басшысы Қайрат Бегімовтің айтуынша, сумен қамтамасыз ету бо­йынша 13 жобаны жүзеге асыруға 3 миллиард теңгеден астам қаражат бөлінген. Нәтижесінде, 5 жоба толықтай аяқталып, 61 шақырымнан артық су торабының кей жері қайта жасалып, кей тұстары жаңадан салынды. Бұқар жырау ауданындағы Петровка ауылы мен Ұлытау ауданындағы Алғабас ауылы орталықтандырылған су жүйесіне қосылды. Статистикалық мәліметтерге жүгінсек, 2016 жылдың басында Қарағанды облысында орталықтандырылған су жүйесімен қамтамасыз етілген 225 елді мекен болды. Мемлекеттік бағдарламаны жүзеге асыру жұмыстары биыл да жалғасын тауып, осы мақсатқа 1,6 млрд теңге қаражат бөлінген. – Мемлекеттік бағдарламаның көмегі арқасында су жүйесіндегі ақаулар көп азайды, – дейді Қайрат Бегімов. – Су торап­тарындағы апаттар, алдыңғы жылдармен салыстырғанда, бес есеге, кәріз торап­тарындағы бітелулер он есеге дейін азайды. Қарағанды облысындағы 195 ауыл­дық елді мекеннің тұрғындары құдық­тар мен түрлі ұңғымаларды пайдаланады екен. Олар­дың көпшілігі шағын ауылдар. Солардың жиырмасында ғана халық саны 500 бен 1 мың адам аралығында.  Соған орай, энергетика және тұрғын үй-коммуналдық шаруа­шы­лық басқармасының басшысы тым кіш­кен­тай елді мекендердің халқын «Жұ­мыс­­пен қам­тудың жол картасы-2020» бағдар­лама­сының үшінші бағыты бо­йынша экономи­­калық әлеуеті жоғары елді мекендерге кө­шіру мүм­кіндіктерін қарастыруды ұсынып отыр. Қайрат Бегімовтің айтуынша, шешіл­меген проблемалар баршылық. Мысалы, Сәтбаев қаласының Батыс тұрғын ауданында су құбырлары мен кәріз жүйесінің құрылысы аяқталмаған. Оның басты себебі, әдеттегідей қаржы мәселесі көрінеді. Қала әкімдігі мердігер ұйымды 2015 жылы сот арқылы жауапкершілікке тартқан болатын. Сот әкімдікті жақтап шешім шығарса да, мер­дігер ұйым тиесілі қаражатты әлі күнге қайтар­маған. Ұлытау ауданындағы Ұлытау мен Саламат елді мекендерінде су құбырла­рын тарту жұмыстары аяқталмаған. Оның себебі – ­жобада жұмыс істеп тұрған ұңғы­маларды ­тазалау жұмыстары алдын ала қа­растырылмаған, яғни есепке алынбаған. Дегенмен, бұл мәселелердің бәрі бір­тіндеп шешілуде. Өңірде ауыз судан соншалықты тарығып отырған елді мекен жоқ. Әйтсе де, олар тұтынып отырған судың сапасы арта түссе, халықтың денсаулығына біршама қамқорлық болар еді. Жауапты кәсіпорындардың көздегені де сол. Қайрат ӘБІЛДИНОВ, «Егемен Қазақстан» ҚАРАҒАНДЫ
СОҢҒЫ ЖАҢАЛЫҚТАР

18.10.2018

Астанада вирусты менингитке күдікті сегіз оқушы ауруханаға жатқызылды

18.10.2018

Еуроодақ саммиті: «Брексит» мәселесі қиындай түсті

18.10.2018

Нұрсұлтан Назарбаев Рольф Драакпен және Мехран Эфтехармен кездесті

18.10.2018

Қарағандыда әнші-композитор Қорабай Есеновтің мерейтойлық кеші өтті

18.10.2018

Мемлекет басшысы Еуропаның іскер топтар өкілдерімен кездесті

18.10.2018

Маңғыстауда алғашқы электр қуаттандыру станциясы ашылды

18.10.2018

«Ұлттық чемпиондар 2.0» бағдарламасы басталды

18.10.2018

Көлік кептелісінде көмекші - Road Zipper

18.10.2018

«Хабар 24»: «Egemen Qazaqstan»-ға шолу

18.10.2018

Венгрияға баратын балуандар белгілі

18.10.2018

Қыздар университеті туған жерге тағзым етіп қайтты

18.10.2018

Керчьтегі оқиғада қаза тапқандардың ішінде қазақстандықтар жоқ

18.10.2018

Илья Теренченко «Нұр Отан» партиясының хатшысы болып тағайындалды

18.10.2018

Д. Кәлетаев Қостанайдағы үкіметтік емес ұйымдар республикаға үлгі екенін айтты

18.10.2018

Таиланд қазақстандықтарға визаны тегін бермек

18.10.2018

Қызылордада Жолдаудағы тапсырмалардың мәні түсіндірілді

18.10.2018

79 жасында алғаш рет подиумға шыққан Ван Дешунь

18.10.2018

Жалпы азаматтық құқықтар ар-ұждан бостандығымен шиеленіспейді

18.10.2018

Қызылордада апатты үйлер мәселесі шешілді

18.10.2018

Марат Сұлтанғазиев Мемлекеттік кірістер комитетінің төрағасы болып тағайындалды

ТАҒЫ ЖҮКТЕУ
КОЛУМНИСТЕР

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу