Айы оңынан туған «Астана Опера»

Астана республикамыздың ресми орталығы ретінде дамып қана қоймай, ел руханиятының да еңселі ордасына айналып келеді. Қазір мұнда қаншама қазыналы мәдениет мекемелері бой көтерді. Елбасы Нұрсұлтан Назарбаевтың тікелей қолдауымен ашылған «Астана Опера» мемлекеттік опера және балет театры аз ғана уақыт аралығында елорданың ең іргелі өнер ұжымы атанды.
Егемен Қазақстан
05.07.2017 10316

Көрнекті композиторымыз Мұқан Төлебаевтың «Біржан – Сара» операсымен шымылдық түрген бұл театр бүгінде бүкіл дүниежүзіне белгілі. Оның сахнасында әлемдік классика санатындағы сүбелі туындылар қойылды. Шекесінен шертіп жүріп шедеврлерді шетінен игерген астаналықтардың шеберлігіне Еуропаның, Американың талғамы жоғары көрермендері сүйсіне қол соқты. Соның арқасында атақ-даңқтары алыстарға тарады. Сәулет саласының бұрын-соңды үздік үлгілерімен салынған ғажайып ғимараттың сән-салтанатын көруге көз керек. Аумағы 660 мың шаршы метрден асады. Барлығы 1 250 орындық үлкен залына кірген адамның қайта шыққысы келмейді. Көпшілік көңілін көншітудің кешенді элементтері келісім тапқан. Алғашқы маусымда-ақ Дж.Вердидің «Аттиласымен» аяқтанып, халықаралық тұсаукесерін өткізген «Астана Опера» П.Чайковскийдің «Ұйқыдағы ару», «Аққу көлі», А.Хачатурянның «Спартак», С.Прокофьевтің «Ромео мен Джульетта», Б.Эйфманның «Роден» балеттерін, сондай-ақ Дж.Пуччинидің «Богема», «Тоска» операларын олжалап үлгерді. Осынау жаһандық жауһарларды ойдағыдай шығару үшін сырттан Ю.Григорович, Ю.Александров сияқты «сырттандар» шақырылды. Екінші маусым дүбірі біраз жерге жеткен «Жібек жолы» халықаралық фестивалімен басталып, Дж.Вердидің «Травиата» және «Аида» операларымен айшықталып, Ғ.Жұбанованың «Қарагөз», П.Чайковскийдің «Шелкунчик», Б.Аса­фьевтің «Бақшасарай бұрқағы» балеттері­мен бедерленді. Ал үстіміздегі жыл Алан Бөрібаев пен италиялық режиссер Джан­карло дель Монаконың жаңа қойылы­мындағы «Абай» операсының, Л.Мин­кустың «Баядерка», М.Жаррдың «Париж Тәңір анасының соборы» балеттерінің премьерасымен есте қалары анық.
2017 жылдың ең жарқын премьерасы, әрине, тұңғыш қазақ операсы тұғырындағы Евгений Брусиловскийдің «Қыз Жібегі» болғанын атап өткеніміз орынды. Оның жаңаша қойылымын жасаған ресейлік режиссер Михаил Панджавидзе екенін ескерте кеткіміз келеді. Жаңа музыкалық редакцияның авторы – Қазақстанның еңбек сіңірген қайраткері Абзал Мұхитдинов белгілі қазақ әндері мен күйлерінің үздік үлгілерін үйлесімді пайдаланғаны бай­қалады. Классикалық аспаптар қатарында жанымызға жақын домбыра, қылқобыз, шаңқобыз, жетіген, керней секілді халық аспаптарының орын алуы көңіл көншітеді. 
«Астана Опера» қысқа мерзімде қалыптасып, тез танылды. Алматыда табысты аяқталған әуелгі гастроль әлемдік турнирге ұласты. Сәті түсіп Париж, Роттердам, Нью-Йорк, Торон­то, Антверпен, Санкт-Петербург сапар­ларынан әдемі әсерлермен оралды. «Ас­тана Опера» өзгелерге қонаққа барып қана қоймай, өздері де мейлінше мейман­достық танытып, миландық Ла Скала, неаполитандық Сан-Карло театрларын қабылдап, жерлестерімізді талайды тамсан­дырған тарландардың кесек талантымен табыс­тырды. Алғашқы қадамынан-ақ арын­даған «Астана Опера» төрінде Елена Образцова, Валерий Гергиев, Хосе Кар­рерас, Анна Нетребко, Марсело Альварес, Марко Боэми, Светлана Захарова, Ахмед Агади, Вадим Репин, Денис Мацуев, Иль­дар Әбдіразақов, Ольга Перетятько және басқа да әйгілі әртістер төбе көрсеткені – театр жылнамасында алтын әріптермен жазылар айшықты оқиғалар. 
Кез келген ұжым айналасынан ат оздыру үшін, ең алдымен, ондағы жұмыс істейтін адамдардың қарым-қабілеті жоғары болуы тиіс. Осы орайда, «Астана Опера» айы оңынан туып тұр десек, қателеспейміз. Әсіресе, шығармашылық құрамның ізденістеріне айрықша тоқталған абзал. Өйткені, мұндағы басты буындардың тұтқасын танымал тұлғалар ұстап отыр. Мәселен, симфониялық оркестрдің бас дирижері Вена консерваториясының түлегі Алан Бөрібаев жастығына қарамай, біраз биіктерді бағындырған жампоз. Қалың қазаққа қадірлі Ахмет Жұбановтың жиені. Тектінің тұяғы қазір нағыз шабыт шалқытар шағында. Балет труппасының көркемдік жетекшісі болып кезінде Санкт-Петербургтегі Мария театрының прима-балеринасы атанған, кеңестік бишілер арасынан алғашқылардың сапында шетел асқан, кейіннен ақ түндер қаласындағы А.Ваганова атындағы Орыс балет ака­демиясын басқарған қандасымыз, Ресейдің халық әртісі Алтынай Асылмұратова тағайындалды. Айдынына оралған аққу­дай көңіл күйдегі ол тарихи отанының абы­ройын асқақтатуға қомақты үлес қосады деген үміттеміз. Опера бөлімін Қазақ­станның еңбек сіңірген қайраткері Байғали Момбеков басқарады. 
Музыка мамандары Ержан Дәуітовтің дәргейіндегі хор әншілерінің мүмкіндігі мол екендігін жиі ауызға алады. «Біздің мақсатымыз – еліміздің мәдениет сала­сын­дағы саясатын абыроймен жүзеге асыруға атсалысу. Ұлттық, әлемдік музы­ка мұраларын ұдайы насихаттау, халық­тың рухани байлығын арттыру секілді мерейлі міндеттерді орындауды басты борыш санаймыз. Елбасы салдырған сама­ладай жарқыраған театрдың ішін твор­честволық табыстармен толтыруға тырысу үстіндеміз. Өнерпаздарымыздың кәсіби тұрғыдан өсулеріне көп көңіл бөлінуде. Әлемдегі ең мықты мәдениет орта­лықтарының біріне айналуды арман­даймыз. Мұқым дүние дидарында мұн­дай театр саусақпен санарлық қана. Тех­никалық мүмкіндіктеріміз теңдессіз. Репетициялық залдарымыз жетерлік. Сахналаған спектакльдеріміздің сапасы халықаралық талаптарға толығымен жауап бере алады. Шетелдерден шақырылатын майталмандар қойылымдарымыздың сәтті шығуына септігін тигізеді, сондай-ақ, талапты жастарымыздың шеберлігін шыңдауға ықпал етеді. Марғасқалардың жүріс-тұрысының өзі кейінгілерге кереметтей үлгі-өнеге емес пе?!» дейді «Астана Опера» МОБТ директоры Тө­леу­бек Әлпиев. Оның айтуынша, үлкен ірік­теуден таңдалған үздіктердің қатарына Майра Мұхамедқызы, Нұрлан Бек­мұ­хамедов сынды сайдың тасындай саң­лақ­тарымыздың қосылуы – жақсылықтың белгісі. 
Театр басшысы өздерінің ұлттық ре­пер­туарды ұштауға баса назар аударылатынын атап өтті. Өйтпесе «Астана Операның» басқа театрлардан айырмашылығы болмай қалады. Біз өзгелерді ұлттық нақыштағы ерекшеліктерімізбен таңдандыруға тиіспіз. Сонда ғана ешкімге ұқсамайтын соны қолтаңбамыз қалыптаспақ. Бұл ретте «Абай» операсы, «Қарагөз» балеті асыл арналарымызды әспеттеуге жол ашпақ. 
Солистеріміздің біліктілігін сомдауға да көп күш салынып жатқан сияқты. Қазақстан тарихында тұңғыш рет театрдың 4 түлегі Генуя театрында өткен «Богема» операсының премьерасында ойнап, тағы төрт музыкант Миландағы ЭКСПО-ның мәдени бағдарламасында Бетховеннің 9-симфониясын орындауға қатысыпты. Бірқатар әртістеріміз арнайы шақыртулармен шартарапты шарлаған. Хор айтушыларымыз төрт бірдей халықаралық фестивальдардың жеңімпазы атаныпты. Дәулескер дирижер В.Гергиевтің қалауымен симфониялық оркестр Санкт-Петербургке сапарлап қайтыпты. Атағы аспандаған корифейдің бұлай ықылас танытуы «Астана Опе­раның» осал еместігін көрсетсе керек. – Көрермен театрға бірінші рет келгенде айналасындағы сұлулықтан эстетикалық ләззат алары талассыз. Сол адамды шаңы­ра­ғымызға қайта айналып соғатындай әсерге бөлеуіміз қажет. Сондықтан, әрбір спектакль біз үшін емтихан тәрізді. Көрер­мендер ынтасын жоғалтпау жолында бары­мызды салып бағамыз, – деп әңгімесін жал­ғады бекзат өнер ордасының жетекшісі. 
«Астана Опера» дүйім дүниені елең­деткен ЭКСПО-2017 халықаралық көр­месінің мәдени бағдарламасы аясында да іргелі іске қомақты үлес қоспақшы. Он бірінші маусымда ол шараны А.Жұбанов пен Л.Хамидидің «Абай» операсынан бас­тап жібергені баршаға аян. Басты партияда баритон Сүндет Байғожин ойнаса, Ажар рөлінде Қазақстанның еңбек сіңірген әртісі Майра Мұхамедқызы шықты.
Ал 15 маусымда аталмыш ұжым елор­­да­­мыздағы Бейбітшілік және келісім сарайы алдында Джузеппе Вердидің атақ­ты «Аида» операсын ашық аспан астын­да қой­ды. Мұндағы эфиопиялық ханшай­ым­ды сахна саңлағы Жұпар Ғабду­лина сомдайды. 
Айы оңынан туған «Астана Опе­ра» театрының әлі талай биіктерді бағын­дыратынына сеніміміз мол. 

Талғат БАТЫРХАН,
«Егемен Қазақстан»

СОҢҒЫ ЖАҢАЛЫҚТАР

25.05.2018

Бақытжан Сағынтаев Қостанай облысына жұмыс сапарымен барды

25.05.2018

Ақтөбе облысында 16 мың бала лагерьлерде тегін демалады

25.05.2018

Оңтүстікте биыл 33766 оқушы мектеп бітірді

25.05.2018

Семейдегі интернат тәрбиеленушілері «Отанымыз – Кеңес Одағы, астанамыз – Мәскеу» деп жазылған оқулықтармен оқып жатыр

25.05.2018

Ақтөбеде «Кемел кәсіпкер» чемпионаты өтті

25.05.2018

Маңғыстаулық полицей-палуан Қызылжарда топ жарды

25.05.2018

Қазақ ұлттық педагогикалық университетінде ҚХА кафедрасы ашылды

25.05.2018

Андрес Иньеста Жапонияда ойнайтын болды

25.05.2018

Ақтөбеде «Бақытты бала» атты балалар байқауы өтеді

25.05.2018

Қазақстан-Өзбекстан бизнес-форумында бірнеше маңызды құжатқа қол қойылды

25.05.2018

KADEX - әскери ынтымақтастық көрмесі

25.05.2018

Ақмола облысында егіншілік поли­го­ны жұмыс істей бас­тады

25.05.2018

Блум таксономиясы туралы не білеміз?

25.05.2018

Атырау об­лысында «Астана қаласының мәдениет күндері» өтті

25.05.2018

Павлодарда студенттер «Адамжүсіп» пьесасын сахналады

25.05.2018

Талас Омарбек - тәуелсіздік түлеткен тарихшы

25.05.2018

Қарағандыда ақын Ғалым Жайлыбайдың кеші өтті

25.05.2018

Қош бол, Анук!

25.05.2018

Талбесігің тәрк етілсе...

25.05.2018

Ғасыр бойы күткен жол. Бөкейорданың жол мәселесіне Елбасы қозғау салды

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Діни еркіндік пен бетімен кетушілікті ажырата білейік

Қазақта «Дінің тұрсын дін аман» деген ізгі тілекке негізделген, жамағат жиі айтып жүретін нақыл сөз бар. Осы нақылдың ішкі өзегіне тереңірек үңілетін болсаңыз, оның мән-маңызының қаншалықты жоғары екенін аңғармай қалуыңыз мүмкін емес.

Арнұр АСҚАР, «Егемен Қазақстан»

Жаһандық экономика жаңғырығы

Соңғы жылдары әлемдік экономикада өсім көлемі төмендеп, халықаралық сауданың даму қарқыны баяулағаны мәлім. Отандық сарапшылардың пайымдауынша, жаһандық саясаттағы қатынастардың күрделене түскеніне байланысты биылғы жылы да экономикалық көрсеткіштер көңіл көншітерлік деңгейге көтерілмеуі мүмкін. 

Талғат БАТЫРХАН, Егемен Қазақстан

Музей – тарихпен тілдесу мүйісі

Аспан асты, жер үстінде өсіп-өн­ген қай халықтың болмасын адамзат тари­хы­нан алар орны олардың ғаламдық өрке­ниет көшін ілгерілетуге қосқан ірілі-ұсақ­ты жетістіктерімен өлшенері талас тудырмаса керек. 

Сүлеймен МӘМЕТ, «Егемен Қазақстан»

Мәселе мамандық таңдауда емес, оқу бітірген соң жұмыс табуда

Абайдың жиырма бесінші сөзіндегі «Мына мен айтқан жол – мал аяр жол емес. Құдайдан қорық, пендеден ұял, балаң бала болсын десең – оқыт, мал аяма! Әйтпесе бір ит қазақ болып қалған соң, саған рақат көрсетер ме, өзі рақат көрер ме, яки жұртқа рақат көрсетер ме?» деген қағидаға табан тіреген қазақ ұл-қызын оқытуға ұмтылумен келеді.       G M T     Определить языкАзербайджанскийАлбанскийАнглийскийАрабскийАрмянскийАфрикаансБаскскийБелорусскийБенгальскийБирманскийБолгарскийБоснийскийВаллийскийВенгерскийВьетнамскийГалисийскийГреческийГрузинскийГуджаратиДатскийЗулуИвритИгбоИдишИндонезийскийИрландскийИсландскийИспанскийИтальянскийЙорубаКазахскийКаннадаКаталанскийКитайский (Упр)Китайский (Трад)КорейскийКреольский (Гаити)КхмерскийЛаосскийЛатинскийЛатышскийЛитовскийМакедонскийМалагасийскийМалайскийМалайяламМальтийскийМаориМаратхиМонгольскийНемецкийНепалиНидерландскийНорвежскийПанджабиПерсидскийПольскийПортугальскийРумынскийРусскийСебуанскийСербскийСесотоСингальскийСловацкийСловенскийСомалиСуахилиСуданскийТагальскийТаджикскийТайскийТамильскийТелугуТурецкийУзбекскийУкраинскийУрдуФинскийФранцузскийХаусаХиндиХмонгХорватскийЧеваЧешскийШведскийЭсперантоЭстонскийЯванскийЯпонский   АзербайджанскийАлбанскийАнглийскийАрабскийАрмянскийАфрикаансБаскскийБелорусскийБенгальскийБирманскийБолгарскийБоснийскийВаллийскийВенгерскийВьетнамскийГалисийскийГреческийГрузинскийГуджаратиДатскийЗулуИвритИгбоИдишИндонезийскийИрландскийИсландскийИспанскийИтальянскийЙорубаКазахскийКаннадаКаталанскийКитайский (Упр)Китайский (Трад)КорейскийКреольский (Гаити)КхмерскийЛаосскийЛатинскийЛатышскийЛитовскийМакедонскийМалагасийскийМалайскийМалайяламМальтийскийМаориМаратхиМонгольскийНемецкийНепалиНидерландскийНорвежскийПанджабиПерсидскийПольскийПортугальскийРумынскийРусскийСебуанскийСербскийСесотоСингальскийСловацкийСловенскийСомалиСуахилиСуданскийТагальскийТаджикскийТайскийТамильскийТелугуТурецкийУзбекскийУкраинскийУрдуФинскийФранцузскийХаусаХиндиХмонгХорватскийЧеваЧешскийШведскийЭсперантоЭстонскийЯванскийЯпонский                     Звуковая функция ограничена 200 символами     Настройки : История : Обратная связь : Donate Закрыть

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Тағы да оқу

Пікірлер(0)

Пікір қосу