Азия чемпионаты: Қоржында жалғыз алтын

Өзбекстан астанасы Ташкентте өткен бокстан ересектер арасындағы Азия чемпионатын Қазақстан ұлттық құрамасы 1 алтын, 3 күміс және 4 қола медалмен аяқтады. Бұған дейін қазақстандық боксшылар Азия чемпионатынан жалғыз алтынмен қайтпаған. Төрт біріншілікте ең кемі екі алтын медаль алған екен. 1995 жылы Ташкентте өткен Азия біріншілігінде алты алтын алса, 1999 (Ташкент) жылы екі алтын медаль бұйырған екен. Сол жылы өзбектер жеті алтын медальді місе тұтқан. Ал, Ташкенттегі биылғы додада бір ғана алтын медаль олжаладық.
Егемен Қазақстан
08.05.2017 6528
2

Ал, биылғы Азия чемпионатының «Азия» деген атауы болмаса, құдды бір Өзбекстан чемпионатын тамашалағандай болдық. Финалға шыққан 9 өзбек боксшысы Азияның алтынын алып, медаль саны бойынша Азия чемпионатының рекордын жаңартты. (Бұған дейін 1987 жылы Оңтүстік Корея сегіз алтын медаль алған). Азия чемпионатында күміс пен қола медаль бар екенін де ұмытып кеткен сияқты. Не болса да өз үйі, өз жері. Өз үйіңде қабырғалар да көмектеседі деген сөз бар ғой.  Сол сөздің рас екенін өзбектер айқындап бергендей.

Енді Азия чемпионатында сынға түскен саңлақтарымыздың жекпе-жектеріне тоқталып, шағын шолу жасап өтсек. Сонымен...

49 кило – Жомарт Ержан. 8-ші орын

Бокстан ұлттық құрама бапкері Азия чемпионатына баратын боксшылар тізімін жариялағанда Жомарттан бұйырып жатса алтын медаль, бұйырмаса әлем чемпионатына жолдама алса екен деп тіледік. Бірақ, бұйырғаны 8-ші орын екен. Ширек финалда әлемнің үздік боксшысы Хасанбой Дусматовтан жеңілгеніне түсіністікпен қарауға да болатын шығар. Жақын аралықта әлемде  Хасанбойды жеңетін боксшы жоқ сиқты. Дегенмен, кім біліпті. Спорт қой. Бәрін күтуге болады. Ал, Жомарттың жолдама үшін өткен бәсекеде индонезиялық боксшыдан жеңілген көңілге қаяу түсіргені анық. Мырзағали Айтжановтың бас ауыртар салмағы осы боп тұр. Олимпиадаға дейін уақыт бар. Тезірек жаңа көшбасшы бола алтын боксшы табу керек. Дәл қазір ұлттық құрамада 49 килода Жомарттан бөлек, жастар арасындағы әлем чемпионы Шалқар Айқынбай және биылғы ел біріншілігінің қола жүлдегері Асхат Жүсіпов бар.

52 кило – Азамат Исақұлов. 3-ші орын (Қола медаль)

Азамат Исақұлов та еліміздегі тәжірибелі боксшының бірі. Былтырғы ел біріншілігінде чемпионы атанып, ұлттық құрама сапында алғаш рет Азия чемпионатына қатысты. Жартылай финалда өзбек Латиповпен тең дәрежеде жұдырықтасқанымен, төрешілер шешімі басқаша болды. Жалпы, Азаматтың биылғы біріншіліктегі жетістігі қанағаттанарлық. Жартылай финалдық кездесу финал болғанда да төрешілер жеңісті өзбекке беретіні анық еді. Бастысы әлем чемпионатына жолдама бар. Жіберген қателіктерімен жұмыс істеп, әлем чемпионатына жақсы дайындықпен барса, Азамат Исақұлов ел қоржынына медаль салатын боксшылардың бірі.

56 кило: Қайрат Ерәлиев. 3-ші орын (Қола медаль)

Ұлттық құрамадағы ең тәжірибелі боксшылардың бірі Қайрат Ерәлиев Азия чемпионатына биыл қатарынан үшінші рет қатысып, екінші қола медалына қол жеткізді. Елімізде қарсылас шақ келтірмей жүрген Қайрат Ерәлиев Олимпиада ойындарындағы, Азия және Әлем чемпионатындағы жекпе-жектері көңіл қуантарлық емес. Төрешілер әділ бағаламай жатыр дегеннің өзінде де, қарсыластан бір бас жоғары тұрып, анық және дәл соққылар жасай алса «ұяты» бар төреші жеңісті қарсыласқа беруге қымсынатын шығар. Қайратқа жұдырықтасу тәсілін өзгертіп, соққысын күшейту керек. Және де жылдамдығына сенім артпай, қорғаныста да ұқыпты болу керек. Тәжірибе мен мінез Ерәлиевте бар.

60 кило – Әділет Құрметов. 5-ші орын

Әділет ширек финалда моңғол Отгонгалай Доржнямбуумен жұдырықтасып, бірінші раундта Әділеттің қабағы жарылған еді. Медициналық көмектен соң төрешілері жекпе-жекті тоқтауға мәжбүр боп, жеңісті сол уақытқа дейін ұпай саны бойынша жеңіп келе жатқан моңғол боксшысына берді. Жарақат кедергі келтірмегенде Әділет Құрметов финалға дейін жетуге мүмкіндігі де тәжірибесі де жетіп тұрды. Бірақ, бұйырмаған екен. Әлем чемпионатына жолдама алған Әділет енді бар мүмкіндігін Германияда көрсетеді деп сенеміз. Әзірше, нәтижесі жаман емес.

64 кило – Бекдәулет Ибрагимов. 3-ші орын. (Қола медаль)

Жартылай финалға дейін қарсыластарын өте сенімді түрде жеңіп келген Бекдәулет Ибрагимов өзбек Икболжон Холдаровтан айласын асыра алмады. Бұл кездесуде Бекдәулетке шапшаңдық пен тәжірибе жетіспегені анық байқалды. Және тактика дұрыс қойылмады. Әрине, қарсыласы да өте ыңғайсыз. Бойы мен қолының ұзындығын пайдаланып, алыстан жұдырықтасты. Өзбек боксшысы дұрыс тактикасының арқасында жеңіске жетті. 

69 кило – Абылайхан Жүсіпов. 2-ші орын. (Күміс медаль)

Абылайхан Жүсіпов еліміздегі дарынды, талатты боксшылардың бірі. Бірақ, 69 кило Жүсіповтың салмағы емес сияқты көрінеді. Бәлкім, 64 килода жүре бергені дұрыс па еді. Дегенмен, бапкерлердің, боксшының бір ойлағаны бар ғой. Мүмкін, Абылайхан Токио олимпиадасына дейін 69 килоның үздігі болуға осы бастан кіріскен шығар. Бұл жағы Жүсіповтың өзіне ғана аян. Абылайханда ақыл, ой, техника бәрі бар. Тек, күш жоқ. Алдағы уақытта бапкерлері Абылайхан Жүсіповтың күшімен жұмыс істейтін шығар. 69 килода Абылайдан бөлек, жастар арасындағы Әлем чемпионы Садриддин Ахмедов және Илья Очкин бар.

75 кило: Әбілхан Аманқұл. 3-ші орын. (Қола медаль)

Еліміздегі 75 кило салмақтың жаңа көшбасшысы атанған Әбілхан Аманқұл Олимпиада чемпионы Бақтияр Артаевтың бапкері Нұрлан Ақүрпековтің төл шәкірті. Бұл боксшыдан да күткеніміз мол еді. Алайда, талантты боксшымыз жартылай финалда  ринг иесі Исраил Мадримовпен жұдырықтасып, тактикалық тұрғыда жеңіліп қалды. Жекпе-жектен кейін өзі де қателігін мойындады. «Мен жекпе-жекке дайын болған едім, бірақ бірнеше қателік жіберіп алдым. Бұйырса, әлем чемпионатында онымен (Мадримов – ред) жолығып, жеңіске жетемін».

81 кило – Ерік Әлжанов. 2-ші орын. (Күміс медаль)

Бұл салмақтың үздіктері Әділбек Ниязымбетов пен Жәнібек Әлімханұлы жарақаттарына байланысты Азия чемпионатына қатыса алмаған айтқан едік. Бапкерлер бұл салмақта 75 килода ел чемпионатының күміс жүлдегері атанған Ерік Әлжановты апарғанды жөн санап, таңдауда қателеспегін Еріктің өзі де дәлелдеп шықты. Әлжанов өзіне «бөтен» салмақта жұдырықтасса да, басқа әріптестеріне қарағанда өте жоғары нәтиже көрсетті. Чемпион атануына да мүмкіндік бар еді, бірақ оған төрешілер жол бермеді. Ішкі біріншілікте Әділбек пен Жәнібекке тағы бір лайықты қарсылас табылғанына қуаныштымыз.

91 келі – Василий Левит. 1-ші орын. (Алтын медаль)

Чемпионат басталардың алдында-ақ жанкүйерлер Левиттен алтын күткені рас. Өйткені, Левитке әлемде болмаса, Азиядан қарсылас табу қиын. Бұл Василий Левиттің Олимпиададан кейінгі бірінші ірі жарысы болғандықтан, әлі бабына толық келе қоймаған. Аздаған кемшіліктері де көрініп тұрды. Журналистерге берген сұхбатында Левит өзі қателіктерін мойындап, әлем чемпионатына жақсы дайындықпен баратынын жеткізді. Жалпы, 91 келіде бапкерлердің ұпайы түгел.

+91 кило – Қамшыбек Қоңқабаев. 2-ші орын. (Күміс медаль)

Соңғы екі Олимпиаданың қола жүлдегері Иван Дычко кәсіпқой боксқа ауысқан соң, аса ауыр салмақта ел намысын кім қорғайды деген сұрақ бокс мамандарын біраз ойландырғаны анық. Әркім әртүрлі нұсқаларын ұсынып жатқанда, бапкерлердің таңдауы былтыр ел чемпионатында күміс медаль иеленген Қамшыбек Қоңқабаевқа түсті. Әзірше, сенімді ақтап жатыр деуге болады.  Биыл өзі қатысқан барлық жарыстарда қарсыластарын жеңіп, Ұлттық құрамада бірінші нөмірлі боксшы болуға лайық екенін дәлелдеуде. Азия чемпионатының финалында өзі екі рет ұтқан өзбек Баходир Жалоловпен кездесті. Жекпе-жек тең дәрежеде өткен соң, төрешілер жеңісті еш ойланбастан өзбекке берді. Қамшыбек те өзбектен кем жұдырықтасқан жоқ.

Түйін

Бұл азиядағы соңғы чемпионат немесе қазақ боксшыларының соңғы жекпе-жектері емес. Әлі алда үлкен-үлкен чемпионаттар мен халықаралық турнирлер бар. Дегенмен, нәтиже жанкүйерлер мен бапкерлер күткендей болмады. Сары құрлық додасы басталар алдында бас бапкер Мырзағали Айтжанов үш алтын медаль аламыз деп болжаған еді. Спорт болған соң бірде жеңіс, бірде жеңіліс болатыны, бір құраманың жоғарылайтын, бір құраманың төмендейтіні анық. Ұлттық құрамада буын алмасу дәуірі жүріп жатқанын ескерсек, боксшыларымыздан алдағы уақытта жарқын жеңістер күтеміз.

СОҢҒЫ ЖАҢАЛЫҚТАР

13.12.2018

Зейнетақы активтерін инвестициялық басқаруды Ұлттық Банк жүзеге асырады

13.12.2018

Түркістан облысында мақта қалдықтарынан электр қуатын өндіретін зауыт салу жоспарлануда   

13.12.2018

«Мұрагер ханзада» компаниясының өкілдері Екібастұзда болды

13.12.2018

Елбасы Беларусь Республикасы Қауіпсіздік кеңесінің Мемлекеттік хатшысы Станислав Засьпен кездесті

13.12.2018

Қыздар университетінде Нұртас Оңдасыновқа ескерткіш тақта орнатылды

13.12.2018

Тағы төрт спортшы допингпен ұсталды

13.12.2018

Ұлағатты ұстазбен кездесу өтті

13.12.2018

Түрікменстанның вице-премьері: екі ел арасындағы әрекеттестіктің деңгейі жоғары

13.12.2018

«БҰҰ Адам құқықтары Жалпыға ортақ Декларациясына» 70 жыл» шарасы өтті

13.12.2018

Жинақтаушы зейнетақы жүйесіне 20 жыл толуына орай дөңгелек үстел өтті

13.12.2018

«Qazaq Banki» АҚ салымшылары кепілдік берілген депозиттері бойынша өтемді ВТБ-дан алатын болды

13.12.2018

Атырауда сыбайлас жемқорлыққа қарсы жобалық кеңсе ашылды

13.12.2018

Алматыда қаланың үздік мұғалімдері марапатталды

13.12.2018

Джиу-джитсудің хас шеберлерінің жүлдесі үшін жарыс өтеді

13.12.2018

Қ.Тоқаев қытайлық Genertec холдингінің басшысын қабылдады

13.12.2018

«Нұр Отан» партиясының депутаттары Алматының 2019 жылғы бюджетіне ұсыныстар енгізді

13.12.2018

Алматыда АИТВ-мен өмір сүретіндерге көмектесетін мобильді қосымша таныстырылды

13.12.2018

Үш ардагерге «Қарағанды облысының құрметті азаматы» атағы берілді

13.12.2018

Левандовски мергендер көшін бастады

13.12.2018

Қазақфильм «Қызғалдақтар атамекені» деректі фильмін жарыққа шығарды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Baılyq jasaýshy sala

Árbir adam óz úıiniń ishinde qandaı zattar bar ekendigin jáne onyń qaı jerde turǵandyǵyn, qaı shkaftyń ishinde qandaı zattyń jatqandyǵyn, jertólesinde qandaı azyq túrleriniń saqtalyp turǵandyǵyn jaqsy biledi. Sondyqtan eshnársesin shashaý qaldyrmaıdy. Qajetine qaraı paıdalanyp otyrady. Al ózimizdiń ortaq úıimiz – Qazaqstanda qandaı zattar bar ekendigin, ásirese, jerimizdiń astynda qandaı mıneraldyq shıkizat kózderiniń shoǵyrlanǵanyn jáne olardyń qory qandaı ekendigin bilemiz be?

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

ҰҚСАС ЖАҢАЛЫҚТАР

Тағы да оқу

Пікір қосу