Азия күштілерді анықтады

Ташкентте сегіз күнге созылған ХХIХ Азия чемпионаты өз мәресіне жетті. 28 елден 178 боксшы қатысқан аталмыш додада Қазақстан құрамасы 1 алтын, 3 күміс, 4 қола медальды иемденіп, бейресми командалық есепте екінші орын алды. Ал 9 алтын медаль еншілеген өзбек боксшылары өзгелерден оқ бойы озып, көш бастады.
Егемен Қазақстан
10.05.2017 4259
2

Сары құрлық жарысының басты ерекшелігі деп биыл тамыздың 23-і мен қыркүйектің 4-і аралығында Германияда өтетін әлем чемпионатына жолдама үлестірілгенін айтуға болады. Енді АИБА-ның жаңа ережесіне сәйкес жаһандық жарысқа Азия аймағына 10 салмақ бойынша тек 60 жолдама ғана тиесілі. Яғни, әр салмаққа 6 жолдама. 
Сәл шегініс жасасақ. Азия чемпионаты үшінші мәрте Өз­бекстанда өткізіліп отыр. Бірін­шісі – 1995 жыл. Ол кезде КСРО бокс мектебінің тәлімін көрген соңғы буын – Болат Жұмаділов, Бектас Әбубәкіров, Бақтияр Ті­легенов, Болат Ниязымбетов, Ер­махан Ыбрайымов және Ва­силий Жиров бастаған боксшыларымыз өзбек жерінде алты рет қазақтың Әнұранын көкке шырқатып, жалпы командалық есепте бірінші орынға нық жай­ғасқан еді. Алайда, 1999 жылы ХХ Азия чемпионатында өзбек боксшылары 7 бірдей алтынмен есе қайтарды. Әйткенмен, соңғы екі құрлық біріншілігінде (2013, 2015 жылдары) біздің жігіттер барлығы 12 алтын алып, көшбасшы кім екенін анық аңғартты. 
Азия чемпионатын 6 рет ұйым­дастырған Бангкок шаһары ешкімге тіз­гінді ұстатар емес. Керісінше, осы күнге дейін Қазақ елі сары құрлық турнирін бірде-бір рет өз жерінде өткізбепті.
Бірінші күннен-ақ жарыс кө­рігін қыздырған Ташкенттегі сайыс сәуірдің 30-нда басталып, мамырдың 7-інде аяқталды. Фи­налға алқынбай жеткендер қата­рында қазақстандық 4 боксшы бар. Бұл жерде финалдағы барлық 10 жекпе-жекті тізбелемей-ақ, тек жерлестеріміз жұды­рықтасқан 4 салмаққа тоқталсақ.
Бұл жарыста 69 килода сынға түскен Абылайхан Жүсіповтің шоқтығы бәрінен де биік тұр еді. Жартылай финалда төрешілердің шешімімен моңғол боксшысы Бям­ба Тувшинбатты жеңген Абы­лайханның финалдағы қарсыласы қазақ жанкүйерлеріне жақсы таныс Шахрам Гиясов болды. Ш.Гиясов 2016 жылы Рио олимпиадасының финалында Данияр Елеусіновке есесі кеткен боксшы. Қос шебердің жекпе-жегі жанкүйерлердің айызын қандырды. Финалдық айқасты жап-жақсы бастаған жерлесіміз көп уақыт өтпей нокдаунға түсіп қалды. Бірақ қалған уақытта ринг иесімен тең дәрежеде айқасқан Абылайхан Жүсіпов кездесуді өз пайдасына шеше алмады. Нәтижесінде, барлық төреші өзбек боксшысын жеңімпаз деп таныды. 

Былтыр Павлодарда өт­кен ел чемпионатында 75 кило­да финалға дейін жеткен Ерік Әлжанов салмағын ауыстырып, Азия чемпионатында 81 ки­лода сынға түсті. Ерік жартылай финалда Түрікменстан боксшысы Нурягды Нурядиевті мерзімінен бұрын жеңіп, финалға жолдама алған. Алайда, оның финалдағы қарсыласы Рио олим­пиадасының күміс жүлдегері өзбек Бектемір Меликузиев еді. Азулы қарсыласқа тап болғанына қарамастан, Әлжанов пен Мели­кузиев арасындағы кездесу тең дәрежеде алма-кезек шабуылдармен басталды. Әлжанов алғашқы раундта ширақ қимылдап, бір­неше соққысын дарыта алды. Нәтижесінде, бес төрешінің үшеуі қазақ боксшысын бірінші раундта жеңді деп шешім қабылдапты. Алайда, қалған екі кезеңде Әл­жанов шаршап қалғандай көрін­ді. Осы сәтті өзбек боксшысы ұтым­ды пайдалана алды. Қорытындысында, Б.Меликузиев жеңіске жетіп, Азия чемпионы атанды.
«Жекпе-жек қиын болды, шаршадым. Жаңа салмақта тәжірибем аз екені байқалды. Алда әлем чемпионаты, соған дайындықты бастау керек»,  дей­ді Азияның күміс жүлдегері. 
Ал 91 килода өнер көрсеткен Василий Левит 3 дүркін Азия чемпионы атанған әзірге жалғыз боксшымыз. «Астана Арланс» сапында үнемі жеңіске жетіп жүр­ген елордалық жігітке жартылай финалда Сирия елінің боксшысы Алаа Елдин Госсяун қарсы тұрды. Көпшілік күткендей Вася қарсыласын бірінші раундта-ақ «жарамсыз» етіп тастады. Ал ақтық сында үндістандық Су­мит Сангванпен кездескен жер­лесіміз төрешілердің бірыңғай шешімімен жеңіске жетті. 
91 килодан жоғары салмақта бақ сынаған Қамшыбек Қоңқабаев жартылай финалда Иордания өкілі Хуссейн Яшайшпен жұды­­рықтасқанда, тез шаршап қалғаны көрініп-ақ тұрды. Алайда, Қамшыбек финалға сергек қалыпта шығыпты. Өзбек боксшысы Баходир Джалоловпен арадағы жекпе-жек алма-кезек шабуылмен өтті. Қарсыласының бойшаңдығына қарамастан Қам­шыбектің сол қолмен бағытталған соққысы көздеген жеріне дөп тиіп жатты. Үш раунд бойы алма-кезек шабуылмен өткен кездесуде сәл ғана басымдықпен өзбек боксшысы жеңіске жетті.
Сонымен, 1 алтын, 3 күміс және 4 қола медаль алған бокс­шылардың барлығы тамыздың 23-і мен қыркүйектің 4-і ара­лығында Гамбург қаласында өтетін әлем чемпионатына жол­дама алды. Ширек финалда жеңіліс тапқан Әділет Құрметов (60 кг) қосымша жолдама үшін айқаста индонезиялық Корнелиус Лангуден басым түсіп, ол да Германияға ба­руға мүмкіндік алды. Яғни, 9 бокс­­шымыз жаһан жарысына қатысады. 49 килода сынға түскен Ержан Жомарт сенімді ақтай алмады.
Ташкентте қос елдің боксшылары бір-бірімен 8 рет кездесіп, тек біреуінде ғана біздің жігіттер жеңіске жетті. Әйткенмен, тө­решілердің қиыс бұра тартқан жекпе-жектері де орын алғанын өзге елдің бап­керлері де негізгі шешіммен келіспейтінін айтып жатты. Бұл өзбек боксының мықтылығын жоққа шығару емес, бірақ біздің жігіттердің де осал емес екенін айту еді. Ташкентте кеткен есені Мырзағали Айтжанов шәкірттері әлем біріншілігінде еңсені тіктетіп қайтарар деген сенім мол.

Алмас МАНАП,
«Егемен Қазақстан» –
Ташкенттен

Суретті түсірген
Данияр МАЙЛЫБАЕВ

СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

25.09.2018

Солтүстік Қазақстан полицейлері Тілдер фестивалін өткізді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу