Балаларды қуанышқа бөледі

«Ауылына қарап, азаматын таны» деген. Атымтай жомарттар арамызда аз емес. Күні кеше елордада өтіп жатқан ЭКСПО-2017 көрмесіне сонау Алматыдан 500 балаға екі миллион теңге көлеміндегі сомаға билет алып беріп, Астанаға әкелген кәсіпкер жайындағы ақпарат елең еткізген. Көпшіліктің алғысына бөленіп, жеткіншектердің ризашылығына сеп болған замандасымызбен аз-кем тілдескенді біз де жөн санадық. Долкунтай Абдулхалил оңтүстіктегі шаһарда орын тепкен «MetallPromGroup» ЖШС-нің басшысы екен. Әңгіме барысында аңғарғанымыздай, жуырда ғана «Қазақстан» ұлттық арнасындағы «Айтуға оңай» бағдар­ламасына мұң шаққан үйсіз-күйсіз қос отбасының бірін баспанамен қамтамасыз еткен азаматымыз осы болып шықты.
Егемен Қазақстан
26.06.2017 1151
2

– Жақсылықты жар сала айту да жақсы емес, әрине. Десе де, сіздің баста­маңыз­бен қолға алынған игі істер елдің ықыласын оятып, алғысын алуда. Қа­ра­жаттан қысы­лып, қамыққан жандарға көптен бері қолұшын созып жүрсіз бе?
– Алла жұмыр басты пендесін кедейлікпен де, байлықпен де сынайды ғой. Қолымызда бар дүние, алдымен Жаратқан берген несібеден, содан кейін ғана еңбегімізбен біткені анық. Сондықтан, айналамыздағы ағайынның қиналғанына көз жұма қарай алмаймыз. Жалпы, компанияның атынан 1995 жылдан бері қайырымдылық шараларына қатысудамыз. Сол кезден былтырға дейін көмекке жаратқан қаражатымыздың жалпы есебі 37 миллионға жетіпті. Әсіресе, жетім балаларға, қарттар үйіне, ардагерлерге көбірек жәрдемдестік. 
– Соңғы рет елордадағы ЭКСПО көрмесіне Жетісу жерінен 500 жеткін­шекті әкелдіңіздер...
– Иә, Астанада ұйымдастырылып отырған, бұл шараның маңызы зор. Сол себепті, мұны еліміздің әрбір тұрғыны тамашаласа, артықтық етпейді деп білемін. Алайда, көпшілігіміздің оған мүмкіндігіміз бола бермейтіні тағы рас. Осы орайда, тұрмысы төмен, көп балалы, материалдық жағынан аз қамтылған отбасы балаларына 500 билет алып бергенді жөн көрдік. Шара біткенше тағы да жүз шақты жеткіншекті жолп­ұлы­мен, тағам-сусындарымен, жатын орындарымен қамтып, елордаға әкелсек деген ойымыз бар. 
– Көпке шарапаты тиген өзге шаруаларыңыздан там-тұмдап айта кетсеңіз.
– Биылдыққа 600-ге жуық отбасына азық-түлік пакеттерін ұсындық. Олардың қатарындағы мүмкіндігі шектеулі жандар өздеріне қажет протездерін сұратса, қаржылай жәрдем­десуді өтінгендерге керек сомаларын бердік. Бұдан бөлек, бокс, күрес, ережесіз жекпе-жек сынды спорт түрлерінен Қазақстан, Азия чемпиондарына демеушілік жасадық. 
Жұмысшыларымыздың әлеуметтік ахуа­лын да назардан тыс қалдырған емеспіз. Олардың уақытында емделуіне, мереке кездерінде сыйақы алуына, жалақы­ларын кешіктірмеуге барынша күш сала­мыз. Мемлекет қазынасына түсетін салығы­мызды да уақытынан кешіктірген емеспіз.
Орайы келгенде мақтана салайын, осындай және өзге де қайырымдылық шараларымызды ескерсе керек, өткен жылы Алматы қаласы әкімдігі мен «Нұр Отан» партиясы филиалының ұсынысымен «Алтын жүрек» ұлттық қоғамдық сыйлы­ғын еншіледік. Басқа да көптеген Алғыс хаттармен марапатталғанымыз бар. Әрине, игілікті істерімізді марапат алайық деп істемейміз ғой, оны көптің бағасы, рахметі деп ұқтық.
– Өндіріс – ел экономикасының негіз­гі тірегі. Соңғы жылдары мемлекет тарапынан осы саланы қолдау мақса­тын­да бөлінетін қаражат та еселеп өскен. Елбасы Нұрсұлтан Назарбаевтың Қазақстан халқына арнал­ған Жолдауларында да шағын және орта кәсіпкерлікті ілгерілету, дамыту мәселелері сөз болып, қаржылан­дыру ісін жүйелендіру тапсырылды. «Бизнестің жол картасы-2020» бағ­дарламасы – сөзіміздің нақты дәлелі. Ен­ді өзіңіз басқарып отырған ЖШС жа­йын­да білсек.
– «MetallPromGroup» ЖШС осыдан сегіз жыл бұрын ірге қалаған. Компания бірнеше жыл бойы жоғары сапалы болат қорытып қана қоймай, отандық шикізатты пайдаланып, металл илеу нарығында өнімді жұмыс істеді. Бүгінде шаруамызды жолға қойып, профильді, шаршы және дөңгелек құбырлар, профильді төсем, бұрыштаушы краб, мырышталған тегіс жабын, сылақ торы сынды, әсіресе, құрылысқа қажет темір-терсектер өндіреміз. 
Әу баста он адамнан тұратын ұжым мүшелері қазіргі таңда 130-ға жетті. Олар­дың қатарында он бес ұлттың өкілі бар. Алғашқы жылдары ай сайын 500 тонна өнім өндіретін болсақ, қазір 3500 тоннаға жеткіздік бұл көрсеткішті. Өнімдерімізді Қазақстанның 13 қаласына жібереміз. Ал шет мемлекеттер­ден Қырғызстан, Тәжікстан және Өзбекстан республикаларына экспорттаймыз. Астанадағы ЭКСПО қалашығының құрылысына жараған металдардың біршамасы да біздің өнімдеріміз. 
Бүгінгі Қазақстанда бизнеске қолдау жоғары екені рас. Ерінбеген жан еселеп табыс табатынына күмәнім кем. Өйткені, Елбасымыз кәсіпкерліктің қай саласына да кеңінен жол ашып қойды. Бізге осы мүмкіндікті барынша пайдалану қажет.
P.S. Сөз соңында айта кетер бір жайт, он төрт бала өсіріп, тәрбиелеп отырған Долкунтай Абдулхалил олардың үшеуін балалар үйінен асырап алған екен. Барлығын тең дәрежеде бағып-қағып, білім алуларына жағдай жасауда. Осы ісі де өзге қалталы жандарға айрықша үлгі болатын қасиет. Замандастарымыз сауап­ты шаруа­ны жалғай кетсе, қанекей!..

Әңгімелескен Асхат РАЙҚҰЛ, 
«Егемен Қазақстан»

СОҢҒЫ ЖАҢАЛЫҚТАР

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

23.01.2019

Конькимен жүгіру: Классикалық көпсайыстан ел біріншілігі мәресіне жетті

23.01.2019

Қостанайда «Эндохирургия мектебі» өтті

23.01.2019

Ақ Жайықтың жастары жастар жылынан көп үміт күтеді

23.01.2019

Жамбыл облысы жұмыспен қамту бойынша екінші орында тұр

23.01.2019

«Murager production» фото-кино студиясы ашылды

23.01.2019

Иван Дычко 1 наурызда рингке шығады

23.01.2019

Республика бойынша «Қайырымдылық керуені» байқауына үміткерлер іріктеліп жатыр

23.01.2019

«Барыс» қонақта «Металлургті» ұтты

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу