«Батыр мен Абылайханның болашағы алда»

Бірінші орта салмақтағы қазақстандық кәсіпқой боксшы Батыр Жүкембаевтың IBO International белбеуін иеленгенін сүйіншілей хабарлағанбыз. Канаданың Монреаль қаласында өткен жекпе-жекте ол мексикалық тәжірибелі Косме Ривераны мерзімінен бұрын ұтса, тағы бір жерлесіміз Абылайхан Құсайынов та қарсыласынан басым түсті. Сол бокс кешінде осы былғары қолғап шеберінің жанында ақыл-кеңесімен бөлісіп жүрген еліміздің танымал кикбоксшысы Елмұрат Қайыпжановты көзіміз шалып қалды. Өткен ғасырдағы 90-жылдардың соңына қарай кикбоксингтен әлем біріншілігінде қола жүлдегер атанып, Азия мен Еуропада топ жарған Елмұрат Қайыпжанов соңғы уақытта былғары қолғап шеберлерін даярлауға ден қоя бастаған екен.
Егемен Қазақстан
20.04.2017 9038
2

– Елмұрат Мұқашұлы, сіздің ел кикбоксингі тарихында өз орныңыз бар екенін жақсы білеміз. Бірақ, жақында сізді кəсіпқой боксшылар Батыр Жүкембаев пен Абылайхан Құсайыновтың жанынан көріп қалдық...

– Негізі, біз де спортты сол бокстан бастағанбыз. Алматы облысындағы Еңбекшіқазақ ауданына қарасты Нұра ауылында бокс үйірмесіне барып жүрдім. Кейіннен ғой кикбоксингке ауысқанымыз. Сондықтан, соңғы жылдары басымдықты олимпиялық спорт түріне беруді жөн тауып, жастарымызға аздап қолғабыс етіп жүрген жайымыз бар.

– Екі боксшының соңғы жекпе-жектеріне қатысты бапкер ретінде берген бағаңыз қандай?

– Бұл бокс кешіне көпшіліктің көңілі толды. Батыр өзінің шынымен мықтылығын дəлелдей білді. Себебі, оның қарсыласы осал емес еді. Тəжірибелі, əрі атағы да бар. Соған қарамастан, Батырдың басымдығы көзге анық көрініп тұрды. Абылайхан да жарады. Жас бола тұра кəсіпқой боксқа кездейсоқ келмегенін аңғартты. Екеуі де дарынды. Батырдың жойқын соққылары, жылдамдығы шетелдік мамандар тарапынан да ескерусіз қалған жоқ. Абылайхан да сол ағасының ізін басып, жаңа белестерді бағындыруға ұмтылып келеді.

– Батырмен таныстық қалай басталған еді?

– Спортқа жанашыр бауырларымыздың арқасында «Осы салада жетістікке жетсем, ел абыройын асқақтатсам» деген жастарымыздың қасынан табылдық. Батырмен үш-төрт жылдан бері бірлесіп жұмыс істеп келеміз. Кейіннен бұл қатарға Абылайхан да қосылды.

Геннадий Головкин, Қанат Ислам, Жанқош Тұраров секілді бірталай боксшыларымыз мұхит асып, қазақтың жуан жұдырығының әлеуетін байқатып жүр. Масқат – жастарымыз да сол ағаларының жолын қуса екен дейміз. Бұлар ізімізді басар інілеріміз ғой. Бұрындары батырларымыз ақ найзаның ұшымен, ақ білектің күшімен ел үшін, жер үшін қасық қаны қалғанша күрессе, бүгінгінің батырлары қазақтың атын жер-жаһанға танытсақ дейді. Рас, бүгінгі күнде әлем Қазақстанды білім, өнер және спорт салаларындағы толағай табыстары мен береке-бірлігі арқылы танып, мойындай бастады. Ендеше, осы бағытты ұстанғандарға неге көмектеспеске?! «Ағайынның аты озғанша, ауылдасыңның тайы озсын» дейді ғой қазақ.

– Кəсіпқой бокста тағы кімдерге қолдау көрсетіп жүрсіз?

– Асқат Уəлихановтың аяқ алысына қуанамыз. Одан бөлек, Қанат Ислам мен Жанқош Тұраровқа қолдан келгенше қолдау көрсеттік, алдағы уақытта да көмекетен аянайын деп отырған жоқпыз.

– Кез келген кəсіпқой боксшы атақ-даңқпен қатар мол табысқа кенелгісі келері анық. Жалпы, Батыр мен Абылайханның алдына қойылған басты міндет қандай?

– Бүгінге дейін Батыр тоғыз кездесуінің сегізін мерзімінен бұрын аяқтады. Бастамасы жаман емес. Дегенмен, осы жетістіктің өзіне дандайсып кетпеуі керек. Негізі, Батыр да, Абылайхан да өте қарапайым жігіттер. Батыр аты аңызға айналған Мұхамед Əли, Мэнни Пакьяо немесе Майк Тайсон секілді былғары қолғап шеберлерінің жетістіктеріне жетсе, соған ұмтылса дейміз. Ең бастысы, бұлардың көздерінде от бар, екеуінің де болашағы алда. Тек, еңбекқорлықтан танбау керек.

Кезінде өзімнің де күніне үш-төрт сағат қана ұйықтап, жаттығу жасаған кездерім аз болған жоқ. Таңның атысы, күннің батысы залдан табылатынбыз. Соның арқасында Еуропада, Азияда үздік болдым. «Мені жеңетін қазақ əлі туған жоқ», деп жар салған əйгілі кикбоксшы Шабан Шадмановты да Еуропа чемпионатының финалында жеңдім. Үш рет əлем біріншілігіне қатысып, қола жүлдегер атандым. «Қоянды намыс, ер жігітті намыс өлтіреді» деп айтады. Бізді де алға, жаңа жетістіктерге жетелеген – намыс. Енді біздің інілеріміз Серік Қонақбаев ағалары секілді өздерінің есімдерін бокс жылнамасына алтын əріптермен жазып қалдырса дейміз.

– Батыр мен Абылайханның жекпе-жектері шетелдерде өтеді. Ал жаттығу жұмыстары жолға қалай қойылған?

– Əлгінде айтқандай, спортқа бей-жай қарамайтын ағаларымыздың арқасында жаттығуларына барып тұрамыз. Мұны мен «Болар елдің баласы бірін-бірі батыр дейді» дегенге мысал қылар едім. Кездесулер алдында осы боксшыларымыздың қасынан табылып, білген-түйгенімізбен бөлісіп, ақыл кеңесімізді береміз. Бұл балалардың болашағына қатысты жоспарлар аз емес. Алла сəтін салса, жастарымыздың əлемдік деңгейде танылуы жолында көптеген жұмыстар істейтін боламыз. Арық айтып, семіз шыққанға не жетсін! Інілеріміз біз бағындыра алмаған асулардан асса екен деп тілейміз.

– Сіздердей қамқоршы ағалары барда, олар əлі талай жетістікке жетеді деп ойлаймыз. Əңгімеңізге рахмет!

Мадина Асылбек,

журналист

СОҢҒЫ ЖАҢАЛЫҚТАР

26.03.2019

UFC: Дамир Майрбекпен айқасуы мүмкін

26.03.2019

QAZAQ AIR ұшақтары Ресейге қатынайтын болды

26.03.2019

Ақмаржан Қалмұрзаева шаңғы акробатикасынан Қазақстан чемпионы атанды

26.03.2019

Үкімет отырысында Жастар жылын өткізу жөніндегі Жол картасына арналған толықтырулар мақұлданды

26.03.2019

Ірі кәсіпорындар Ақтөбедегі ЖОО түлектерін жұмысқа орналастыру туралы меморандумға қол қойды

26.03.2019

Алкоголь өнімдерін алып өтпек болғандар ұсталды

26.03.2019

Қазақстандық опера әншісі Айгүл Шамшиденова Австрияда жеке концертін өткізеді

26.03.2019

Жайсаңда 1,5 миллионнан астам теңгенің затын елден заңсыз шығармақ болғандар ұсталды

26.03.2019

Полиция қала тұрғындарына терезеден құлаудың алдын алу жөнінде ескертті

26.03.2019

Қорғаста шекарашылар 5 миллионға жуық теңгенің заттарын кеденшілерге өткізді

26.03.2019

Теннис: Путинцева Плишковадан ұтылды

26.03.2019

Қостанайда Ресейге кетіп бара жатқан автокөлік жүргізушісінен есірткі табылды

26.03.2019

Елордада күн райы +7°С дейін жылынады

26.03.2019

Бір жылда өнеркәсіп өсімі 4,1% құрады: Үкіметте ИИДМБ іске асыру барысы қаралды

26.03.2019

Елордадағы жантүршігерлік жол апаты: Автобустар жедел жәрдем көлігіне соқтығысқан

26.03.2019

Семейде «Астанамыз – Нұр-Сұлтан!» атты патриоттық акция өтті

26.03.2019

Мемлекеттік шекараны бұзып өтпек болған қырғыз азаматы ұсталды

26.03.2019

Бұл жаңа жұмыс форматы — А. Мамин Үкімет пен Ұлттық Банк арасындағы Келісім туралы

26.03.2019

Өскеменде патриоттық акция өтті

26.03.2019

Өңірдің өндірістік әлеуеті қандай?

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу