Димаштың жұлдыз достары. Лара Фабиан мен Ева Лонгория кім?

Ішкі-сыртқы тартымдылық үйлесімі мен үн тазалығы арқылы әлем сахнасына көтерілген Димаштың бүгін туған күні. Мерейлі күнге арналған құттықтаулар легі әлемнің түкпір-түкпірінен толассыз ағылып жатыр. Солардың ішінде мегажұлдыздар Лара Фабиан мен Ева Лонгория да бар. Димаштың талантына сүйсінген екеу, барша жақсылық атаулыны тілейтіндерін айтып, видео сәлемдеме жолдады. Қос жұлдыздың құттықтауын іліп әкеткен әлеуметтік желдегі жұрт гу-гу. Сонымен Лара Фабиан кім? Димашты биге шақырып жүрген Ева Лонгория ше?
Егемен Қазақстан
24.05.2017 1900

Лара Фабиан 

Лара Фабиан дегенде француз тіліндегі атақты Je t’aime әнінің сыңсып жеткен мелодиясы құлағымызға келе қалатыны бар. Эстрадалық регистрдің жоғарғы ноталарында шырқай алатыны үшін Лара Фабианның дауысын сыншылар «лирикалық сопраноның эталоны» деп бағалайды.

Ол 1970 жылы Брюссельдің шетіндегі Эттербек ауданында дүниеге келді. Қызының талантын байқаған әкесі 8 жасқа толғанда пианино сатып алып береді. Ары қарай оқуын Брюссель консерваториясында жалғастырады. Лараның әкесі де өнерден қара жаяу емес еді, гитарист болған ол қызын ертіп алып, әртүрлі музыка клубтарында өнер көрсетіп жүрді. Осы тұстарда Лара «Трамплин» («Tremplin de la chanson») конкурсына қатысып, жүлделі орынға ие болды. Түнде ұйықтап, таңертең  тұрғанда әлемге әйгілі тұлға болып ояну ертегіге бергісіз шындық екен. 1988 жылы Люксембургта өткен «Evrovision-88» байқауына қатысуы әншіге бір күнде атақ пен абырой әкелді. 18 жастағы бойжеткеннің орындауындағы «Croire» әні халық арасында лезде хитке айналып, Еуропада 600 мыңнан астам экземплярмен таралып, неміс, ағылшын тілдеріне аударылды. Осыдан кейін-ақ өнері өрге жүзіп, «L’Aziza est en pleurs», «Je sais» атты альбомдарын жазып, «Pure» атты үшінші альбомын Канадада 1996 жылы жарыққа шығарды. Осыдан кейін-ақ, небір телевизиялық шоу бағдарламалардың қонағы болып, француздық беделді журналдың бас бетінде жарқырады.

Үздік вокалист және үздік жанды дауыстағы концерт бойынша Felix Awards сыйлығын (1995), жылдың поп-альбомы (1997), Felix Award сыйлығына (1998), «Үздік әртіс» атылымы бойынша Бенилюкс халықаралық музыка премиясына (2001) ие болды. Әнші өзінің фейсбук әлеуметік желісіндегі жазбаларының бірінде 2018 жылы Лара Фабиан атты халықаралық тур Солтүстік Америкада өтетіні туралы айтқан. 2017 жылы күзде шығатын «Camouflage» жинағы соңғы онжылдықтағы ағылшын тіліндегі алғашқы альбомы болмақ.

Ева Лонгория

Ал Францияның астанасында өткен Global Gift Gala қайырымдылық кешінде Димашты биге шақырып жүрген Ева Лонгория америкалық кино актриса, модель. Қазақстандық жұртшылыққа «Отчаянных домохозяек» сериялындағы Гэбриэл Солис рөлімен етене таныс болатын. Ол 1975 жылы АҚШ-тың Техас штатында дүниеге келген. Отбасындағы бес қыздың ішіндегі сүт кенжесі Ева Лонгория ғана Техас университетіне оқуға түседі. Кинезиология саласында оқып жүріп, ол бос уақытында студенттік театрда өнер көрсетеді. 1988 жылы наурызда Корпус Кристи сән конкурсында бас жүлдеге ие болып, Лос-Анджелесте өтетін таланттар шоуына жолдама алып, бағы жанады. Осыдан соң ол актерлық карьерасын шыңдау мақсатында Калифорнияда қалуды жөн көреді.

Актерлық карьерасы туралы айтатын болсақ, 2000 жылы Лонгория «Беверли Хиллз 90210» фильмінде жылт етіп көрініп қалатын тұсы бар. Келесі жылы жас актриса «The Young and the Restless» сериалында жынды Изабелланың рөлінде ойнайды. Бұл еңбегі үшін 2002 жылы American Latino Media Arts (ALMA) сыйлығына ие болады. Бұдан кейін «Отчаянные домохозяйки» (ABC Desperate Housewives) сериялындағы жаңа рөлі оны жалпыхалықтық танымалдылыққа ие етіп, келесі жылы «Teen Choice Awards» конкурсында арнайы жүлде алды. Сонымен бірге 2005 жылы 50 ең әдемі адамдар тізімінде есімі аталды. Бір ғана сериялдағы рөл сәттілікке жол ашып, «Harsh Times» (2005, Кристиан Бэйл), The Sentinel (2006, Майкл Дуглас) пен The Heartbreak Kid (2007, Бен Стиллер) фильмдеріне түсті. 2006 жылы «Үздік комедия актрисасы» номинациясы бойынша «Алтын глобус» премиясына ие болды. 2017 жылы Рикардо де Монрейльдің режиссерлігімен түсірілген lowriders драмасында басты рөлдердің бірін сомдады.

Ол кино өнерінен тыс қайырымдылықпен айналысады. Нақтырақ айтқанда, Padres Contra el Cancer ұлттық коммерциялық емес ұйымының басқарушысы. Бірнеше жылдан бері қатерлі ісік дертіне шалдыққан латынамерикалық балаларға қайырымдылық көрсетумен және өзге де халықаралық маңызы бар қайырымдылық шараларына белсене аралысып келеді.

Ая Өміртай,

«Егемен Қазақстан»

 

СОҢҒЫ ЖАҢАЛЫҚТАР

21.08.2018

Азиада-2018: Су добынан Қазақстан қыздар командасы күміс алды

21.08.2018

Атырау облысының шалғайдағы елді мекендеріне газ тартылады

21.08.2018

Азиада-2018: Таэквондошы Жансель Дениз ел қоржынына күміс жүлде салды

21.08.2018

Қазақстандық таэквондошы Руслан Жапаров қола медаль жеңіп алды

21.08.2018

Азиада-2018: Қазақстандық Кирилл Казанцев қола медаль жеңіп алды

21.08.2018

Қазақстанның үш облысында ауа райына байланысты ескерту жарияланды

21.08.2018

Өзбекстанның Премьер-министрі жол апатына ұшырады

21.08.2018

Нұрсұлтан Назарбаев Астанадағы «Әзірет Сұлтан» мешітіне барды

21.08.2018

Астанада дәрігерлерге арналған жатақханалар салынады

21.08.2018

АҚШ-тың Мемхатшысы Құрбан Айт мерекесімен құттықтады

21.08.2018

Астанаға Түркия Жандармериясының басшылығымен арнайы делегация ресми сапармен келді

21.08.2018

Кооператив күш біріктіреді

21.08.2018

Шыңғыстаудағы Шәкәрім тойы

21.08.2018

Егемен ашқан есімдер: Егіз өрім

21.08.2018

72 сағатта 35 метр бөкебай тоқыған

21.08.2018

«Тақиялы періштені» төрткүл дүние көреді

21.08.2018

Жаңа жобаларды меңгеріп жатыр

21.08.2018

Шындық жұтқан тағдыр

21.08.2018

Шариғат жайлы шығарма

21.08.2018

Бұқар жырындағы бүгінгі тұрпат

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Өмір – әділ

Біреулер өмірді қарғап-сілеп жатады. Оның әділетсіз екендігін айтады. Рас-ау дейсің кейде. Егер өмір әділ болса, неге адам баласы әртүрлі? Біреу – бай, біреу – кедей. Біреу – сұлу, біреу – көріксіз. Біреу – ауру, біреу – сау. Расында да өмір дегенің күн мен түн, ыстық пен суық секілді қа­рама-қайшылықтардың ортасы екен ғой.

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу