«Ел Арна» эфирге шықты

Сүйінші! Көзі қарақты көрермен қауымды құлаққа жағымды жаңалықпен қуантудың реті келіп тұрғаны қандай ғанибет. Бәріміз білетін «Хабар» агенттігінің аясында «Ел Арна» атты телеарна ашылды. Ең басты ерекшелігі, оның эфирінен тек отандық шығармашылық иелерінің шұрайлы туындылары көрсетілетін болады.
Егемен Қазақстан
28.03.2017 3211

Осыған орай Қазмедиа орта­лы­ғын­да өткен салтанатты рәсімге қаты­сып, сөз сөйлеген Ақпарат және ком­му­никациялар министрі Дәурен Абаев жақсылық жоралғысына жинал­­ған ағайын алдында ағынан жары­ла «Ел Арнаның» алғашқы қада­мына құтты болсын айтты. 

«Бүгінде телевизия қоғамдық са­наны қалыптастыруға ықпалы зор қуатты құрал екені белгілі. Осы құралды ұлт мүддесіне, ұрпақ тәр­бие­сіне ұтымды пайдалана білу Мем­лекет басшысы алға қойған бас­ты мін­деттердің бірі. Көрерменге тек қана өзіміздің отандық көркем және деректі фильм­дерді ұсынатын танымдық арна осы мақсатта ашылып отыр. Алтын қоры­мызды бүгінгі ұрпақ игілігіне жара­туды көздеген жаңа арнаны елдің арнасы болсын деген ниетпен «Ел Арна» атадық. Жаңа телеарна өт­кен буынға оңды әсер еткен Шәкен Айманов, Мәжит Бегалин, Абдолла Қар­сақбаев сияқты майталмандардың туын­дыларын бүгінгі ұрпаққа кеңінен наси­хаттауға тамаша мүмкіндік тудыр­мақ. Сонымен қатар, біздің мақса­тымыз – білім, ғылым, өнер саласы­на арналған деректі фильмдер мен танымдық бағдарламалардың көрер­менге барынша қолжетімді болуына ықпал ету, еліміздің ақпарат­тық кеңістігін өз туындыларымызбен қамту. Бұл арнаның ашылуы кино са­ласындағы жас мамандар үшін де үлкен қолдау деп білемін.

Енді олардың шығармалары ха­лықтың назарына кеңінен ұсы­ны­латын болады. Сол үшін жобаны ұйым­дас­тыру жұмыстарына атса­лыс­қан барлық азаматтарға алғыс айта отырып, жаңа арнаның халықтың арна­сына айналуына тілектестігімді біл­ді­ремін», – деді Дәурен Әскер­бек­­ұлы салмақты са­бақтаған ойын түйіндеп.

Иә, егемен еліміздің ертеңі бү­гін­де қандай жастарды тәрбиелеп жат­қа­ны­мызға тікелей байланысты. Сол себепті балабақшадағы, мектеп­тегі, жоғары оқу орнындағы жеткін­шек­теріміздің бойына отаншылдық секілді асыл сезімді күнделікті сіңіре беруіміз керек. Бұл міндетті мінсіз атқаруға әрқайсымыздың үйімізде тұрған теледидардың қомақты үлес қосары талас тудырмайды. Бұдан шығатын қорытынды, көгілдір экраннан көрсетілер бағдарламалардың көркемдік сапасына, тәрбиелік мән-маңызына баса назар аударғанымыз абзал. Өйтпесек, өкінішке ұрынып, опық жеп қалуымыз оп-оңай.

Айтулы жобаны жүзеге асыратын «Хабар» агенттігінің Басқарма төрайымы Алмагүл Ахметжанова тұсаукесер шарасына келгендерге шын көңілден алғысын айтып, ризашылығын жеткізді. Оның берген мәліметі бойынша, экрандық эфирдің 80 пайызын заманауи, алтын қорда сақталған, халық­аралық фестивальдардан жүлде алған кино­туындылар құрайтын көрінеді. Сондай-ақ, көрерменнің  ой-өрісін кеңей­тетін танымдық сипаты мол дерек­­ті дүниелерге де кеңінен орын беріл­мек. Талаптың тайын ерттеп мін­ген талантты жас режиссерлердің ше­бер­­­­лігін ұштауға да қолайлы жағдай жа­­сал­­мақ екен. Бұл, әрине, құптарлық қадам.

Қазіргі таңдағы қазақ рухания­тының қабырғалы өкілі, филология ғылымдарының докторы Мырзатай Жолдасбеков елдік мәселелерге ерекше мән беретін ежелгі әдетінен жаңылмай, жарқын істің сәтімен жалғасуына жанашырлық танытып, өзінің ақ батасын берді. Үлкен тебі­реніс үстінде «Ел Арнаның» ашылуы халқымыз көптен күткен ақжолтай хабар екендігін атап көрсетті. «Егер мен ұмытпасам, осындай айдар тағылған арна бұрын да болған. Бірақ оның аты затына сай болмады. Сондықтан ғұмыры қысқа болды.

Ел – халық, мемлекет деген сөз. Ен­деше, бұл бүкіл елдің мүдде­сін білдіретін арна болатынына сені­мім мол. Құдайға шүкір, кезінде «Қазақфильм» киностудиясы көп­шілік көзайымына айналған айшықты дүниелер түсірді. Соларды жұрт сағы­нады. Мәселен, біз Күләш Бай­сейітова, Қанабек Байсейітов, Ғари­фол­ла Құрманғалиев және басқа сайдың тасындай саңлақтарымыздың сахна­дағы ойынын көрдік. Содан рахаттанып, рухани ләззат алдық. Ал кейінгі тол­қын өкілдері солар­дың бәрін бірдей біле бермесе керек. Бұйыртса, енді «Ел Арна» осы олқылықтың орнын тол­ты­рып, өскелең өрендерімізге мәде­­ние­тіміздің мәйегін ұсынбақ. Жасы­рып қайтейік, кейінгі кездері телеарналарымызды баянсыз махаббатты баяндайтын, жылап-сықтауға толы, басы бар, аяғы жоқ шетелдік сериалдар басып кетті. Келешекте бұл кем­шіліктерді түзеп, ұлтымыздың асыл қазыналарын ұлықтайтын ұла­ғат­ты көрсетілімдерді тамашаласақ, нұр үстіне нұр болар еді», – деп Алаш ардақ­тысы алдымыздан ақ күн туарына сенім артты.

«Ел Арна» «Хабар» агенттігінің шаңырағы астында көтерілген төртінші отау есебінде әлеуметтің талғамына татитын талай тұщымды телетуындыларды ұсынары анық. Оларды «Galam TV» интернет-теледидары порталының, «ОTAU TV» ұлттық жерсеріктік операторы желісінің абоненттеріне арналған  тегін пакет құрамында 37-арнадан, сондай-ақ бүкіл республика аумағында қолжетімді сандық спутниктік хабар таратудың екінші мультиплексінен көруге болады.

Министр мырзаның рұқсатымен іске қосылған жаңа арнаның төлбасы ретінде тұсаукесерге қатысушылар назарына қазақтың көрнекті компози­торы Шәмші Қалдаяқовтың өмірінен сыр шертетін «Ән-аға» фильмі ұсынылды.

Сонымен, ақпарат аламанына жал-құйрығы сүзілген тағы бір сәйгүлік қосылды. Олай болса, сол жүйріктің сын­дарлы сәттерде сүрінбеуін тілейік, ағайын!


Талғат БАТЫРХАН, «Егемен Қазақстан»

Суреттерді түсірген 


Ерлан ОМАРОВ, «Егемен Қазақстан»


СОҢҒЫ ЖАҢАЛЫҚТАР

20.04.2018

«Smart Zholy» бағдарламасының үздік стартап жобалары анықталды

20.04.2018

23-26 мамыр күндері Астанада «KADEX - 2018» көрмесі өтеді

20.04.2018

Денсаулық сақтау министрі Орал қаласында

20.04.2018

Заңнамаға архив ісі мәселелері бойынша өзгерістер қаралды

20.04.2018

Дубайдағы инвестициялық кездесуде ОҚО-ның инвестициялық өсу драйвері зерттелді

20.04.2018

Ақтөбеде зиянды қалдықтар тасқыны толастар емес

20.04.2018

ТҮРКСОЙ Шыңғыс Айтматов жылын ашты

20.04.2018

Арсен Венгер «Арсеналдан» кететін болды

20.04.2018

Алматы облысында тау жыныстарының қозғалуы тіркелді

20.04.2018

Петропавлда спорт колледжі ашылады

20.04.2018

Алматыда Парламент Мәжілісінің депутаттары жатақханаларды аралады

20.04.2018

Алдағы демалыс күндері ауа райы қандай болады?

20.04.2018

Солтүстік Қазақстанның жас суретшілері халықаралық байқауда топ жарды

20.04.2018

Оңтүстікте ХҚКО арқылы 10 миллионнан астам қызмет көрсетілді

20.04.2018

Солтүстік Қазақстанда архив ғимараттары жоқ аудандар бар

20.04.2018

«Самұрық-Қазына» АҚ жаңа Даму стратегиясын әзірледі

20.04.2018

Сенаторлар «Қылмыстық құқық бұзушылықтар картасы» интернет порталының жұмысымен танысты

20.04.2018

Қайрат Әбдірахманов Түркия президенті Реджеп Тайып Ердоғанмен кездесті

20.04.2018

Өскемен әкімінің жаңа орынбасары тағайындалды

20.04.2018

Қостанайда балалардың «Алтын микрофон» ән байқауы басталды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Сейфолла ШАЙЫНҒАЗЫ, «Егемен Қазақстан»

Ауылдарды сақтаудың амалы қайсы?

Ауыл халқы азайып барады. Неге? Ешкім­ге ештеңенің керегі жоқ болып кеткен бүгінгідей заманда ол жағын ойлап бас қатырып жатқан да бірде-бір жан жоқ. Бар айтатын уәждері – урбанизация. Бір есептен ол да дұрыс шығар. Қалаларға қарай жа­қындаса ауыл қазақтары да өркениетті өмір­ге араласады, өзгелермен бірге қазіргі за­ман­­ның игіліктеріне ортақтасады. Бірақ... 

Жақсыбай САМРАТ, «Егемен Қазақстан»

Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Бақытгүл САЛЫХОВА, педагогика ғылымдарының кандидаты

Тағам сыры: аурудың алдын алу мүмкін бе?

«Ас – адамның арқауы» деп кішкен­тай­ымнан естіп өскен адам ретінде, та­мақ жемесе адамның күші болмайды, жұ­мыс істеуге, өмір сүруге энергиясы жетпейді деп ойлайтынмын.  Бірақ ас­тың да асы бар, оның пайдасы мен зияны туралы шы­найы да, өтірік те, ойдан құрас­ты­рыл­ған да әңгімелерді көп естіп, кейде білмегендіктен сеніп те қалып жүреміз.

Талғат СҮЙІНБАЙ, «Егемен Қазақстан»

Алматы: Шағын ауданның астарлы ақиқаты

Алматыда аты жоқ, бірақ, нөмір­­­лен­­ген 12 шағын аудан бар. Шын­туай­­тында, олар 12 емес, барлығын қос­­қанда – 13. Қала сәулетіне билік жүр­гізуші партия қызметкерлері, сірә, жобалау үстінде «шайтанның 12-сін» сес­ көрген-ау, ақырғы шағын ауданды – 10 «А» деп белгілепті. 

Тағы да оқу

Пікірлер(0)

Пікір қосу