Еңсесі биік орталық

Егемен Қазақстан
01.12.2016 149
sargizova-1Көнекөздердің айтуынша, ертеректе Жауыртау аталған кезеңде қойын құрттап, айранын ұрттап күн кешкен бабаларымыз кейін сол жерде Теміртау сынды әйдік қала пайда боларын, болаттан бұлақ ағызып, әлемге әйгіленер алып комбинат тұрарын қайдан білсін. Бірақ солай болды, тарихқа солай тіркелді. Сол комбинатта еліміздің Тұңғыш Президенті Нұрсұлтан Назарбаевтың еңбек жолын бастап, құрыштай суарылып, болаттай бекіп шыққаны әмбеге аян. Елбасының үлкен өмірге қанат қағуына тұғыр болған Теміртау мен Қарағандының халқы мұны әрдайым мақтан тұтады. Болашақ Президенттің білім алған, еңбек еткен орындарындағы мұражайлар өз алдына, Теміртауда осыдан бес жыл бұрын ашылған Тұңғыш Президенттің тарихи-мәдени орталығы да – Елбасының ел үшін жасаған ерен еңбектеріне деген үлкен құрмет. Теміртауға арнайы соқпаса да, үстімен жүріп өткен кез келген жолаушының көзіне сонадайдан шалынып, әсем тұрқымен сүйсінтетін Орталық ғимараты туралы баспасөз бетінде көп нәрсе айтыла қойған жоқ. Яки, онда не барын, мекеменің нақты немен шұғылданатынын біле қоймайтын отандастарымыз да бар. Сол үшін де біз жақында осы шаңырақта арнайы болып, «Тұңғыш Президенттің тарихи-мәдени орталығы» КМҚК-ның директоры Саида Жамантайқызы САРГИЗОВАМЕН әңгімелескен едік. – Көпшілік Теміртауда Тұңғыш Президенттің тарихи-мәдени орта­лы­ғы барын білгенімен, мекеменің ішкі дүниесінен бейхабар. Оқырман үшін ғи­марат ішін бір шолып шықсақ. – Бұл Орталық 2011 жылдың 22 қара­ша­сында Мемлекет басшысы Нұрсұлтан Әбішұлы Назарбаевтың қа­ты­­суымен ашылғанын білесіздер. Көп са­­лалы қыз­меттерді жүзеге асыру үшін иелі­гі­мізде жалпы көлемі 4560 шаршы метр үш қабатты ғимаратымыз бар. Ғима­рат­тың шығыңқы ірге қабатында қор сақ­тау қой­малары, қайта қалпына келтіру ше­бер­­ханалары, инженерлік-техникалық құ­рылымдар, үйірмелерге арналған және тұрмыстық бөлмелер орналасқан. Бірінші қабатта мәдени-көпшілік және қоғамдық-саяси іс-шараларды өткізуге бейімделген залдар бар. 144 орындық кино-лекция залында дәрістер, халықтық дәстүрлі, опералық және симфониялық жанрдағы концерттер, форумдар мен мәжілістер өткізіліп, бейнефильмдер көрсетіледі. Проекторлар және аудиоблоктар­­мен жабдықталған 80 орындық мәжіліс за­лы ғылыми конференциялар, съездер, жиналыстар, сонымен бірге, мемлекет­тік бағдарламалар, ұлттық және әлем­­дік мәдениетті насихаттайтын іс-шаралар­ды өткізуге арналған. Ал 30 орындық кіші мәжіліс залында дөңгелек үстел отырыстары, кездесулер мен сұхбаттар ұйымдастырылады. Оқу залы бар кітапханада Қазақстан Республикасы Тұңғыш Президенті­нің өмірі мен қызметі туралы толық ақпарат беретін кітаптар жинақталған. Сонымен бірге, кітапхана қорында Н.Ә.Назарбаевтың тәуелсіз Қазақстанның құ­ры­луы, қалыптасуы және даму жол­­да­рын ашып көрсеткен авторлық кі­тап­­тары бар. Кітапхана қоры әрдайым жа­ңа кітаптармен, мерзімді баспасөзбен то­лықтырылып отырады. Бұл жерде жи­нақ­талған әдебиеттер Қазақстанның жаңа тарихын үйренуге, Нұрсұлтан Әбішұлы Назарбаев тұлғасының қазақ­стандық мемлекеттілікті құрудағы рөліне қатысты ғылыми жұмыстар дайын­дауға пайдаланылады. Орталықтың Көркемсурет галереясында Қазақстан суретшілерінің бейнелеу өнерінің әр түрлі бағытындағы көрмелері ұйымдастырылады. Екінші қабатта экспозициялық залдар орналасқан. Бұл жерде Елбасы­ның тәуелсіз Қазақстанның қалыптасуын­да­ғы рөлін ашып көрсететін «Тәуелсіз Қазақстан», «Өз заманының перзенті», «Тұл­ға­ның ерен қабілеті» «Қазақстанның құ­рыш келбеті», «Уақыт ағымында», «Қазақстан жолы» деп аталатын арнайы алты зал жұмыс істейді. Экспозициялық залдар заманауи шығармашылық және техникалық жетіс­тік­­тер көмегімен жабдықталған. Әр зал­дағы көрнекілік материалдарға қоса, 30 электронды ақпараттық Тач-скрин экран­ды дүңгіршектері жұмыс істейді. Олар­дың көмегімен жәдігерлер туралы неғұрлым мол ақпарат, қосымша фотоқұжаттық материалдар, бейнебаяндар алуға болады. – Орталық ғимаратының іші-сырты мәртебелі атауына лайық екен. Мекеме ретінде алға қойған мақсат-міндеттеріңіз де осал болмаса керек? – Тарихи-мәдени мұраны сақтау, үйрету және танытумен шұғылданатын әлеуметтік институт болып есептелетін Орталықтың негізгі мақсаты – халықтың бәсекеге қабілетті мәдени ерекшелігін қалыптастыру, Қазақстан Республикасы Тұңғыш Президентінің өмірі мен қызметі арқылы тәуелсіз Қазақстан мен Қазақстан Магниткасының құрылу, қалыптасу және дамуын ашып көрсету. Тұңғыш Президенттің тарихи-мәдени орталығы өз қызметі шеңберінде шешетін міндеттер – Ұлт Көшбасшысының өмірі мен қызметі үлгісінде азаматтардың, әсіресе жастардың рухани-адамгершілік бағдарын, жаңа қазақстандық патриотизм мен тұрақты құндылықтар жүйесін қалыптастыру; Қазақстан халқының ұлт­тық ерекшеліктерін сақтау мен олардың үй­лесімді қарым-қатынасы негізінде бү­кілқазақстандық мәдени ке­ңіс­тікті дамыту; қазақтың ұлттық мәде­ниетін әлемдік мәдени кеңістікке бойлату, Қа­зақ­станның тарихи-мәдени мұрасын өз елі­мізде де, шет елдерде де дәріптеу; мем­лекеттік «Мәңгілік ел» бағдарламасы бойынша тарихи-мәдени мұраларды сақтау мен насихаттау; Қазақстанда туризм саласын дамыту үшін тарихи-мәдени кеңістікті кеңінен пайдалану. – Орталықтың мақсат-міндеттері айқын, енді соларды жүзеге асыру бойынша атқаратын жұмыстарыңыз қандай? – Өз қызметіміздің барысында біз негізінен бірнеше нақты ұстанымға сүйенеміз. Яғни, отандық мәдениеттің өзіндік ерекшеліктерін анықтайтын ұлттық мәдени мұра басты назарда болуы шарт. Мәдениеттің әлеуметтік дамудың қуатты құралы, алға басудың алғышарты екенін мойындаған абзал. Елімізде 130-дан аса ұлт пен ұлыстың өкілдері тұрады десек, солардың төл мәдениеті мен дәстүрлерін құрметтей, қолдай білгеніміз орынды. Бәсекеге қабілетті мәдени ортаны қалыптастыру жолында Орталықты бас­қару жүйесін жетілдіру, еліміздің ғы­лыми-тарихи және білім беру кеңіс­тігі­не ену, ғылыми бағдарламаларын жү­зе­­ге асыру мәселелерін қолға алдық. Ор­та­­лықтың қызметінде ақпараттық және инно­­вациялық технологиялар кеңінен қол­данылады. Қазақстанның мәдени кластерлерін қалыптастыруға атсалысып келеміз. Орталықтың негізгі атқаратын қыз­мет­тері мен міндеттерін орындауды осын­да арнайы құрылған ғылыми-зерт­теу, экскурсиялық-бұқаралық, экс­по­зи­циялық-көрме және әкімшілік-шаруа­шы­лық бөлімдері жүзеге асырады. – Алдыңғы екі бөлімнің жұмыс бағыттарына кеңірек тоқталсаңыз. – Ғылыми-зерттеу бөлімі Нұрсұлтан Әбішұлы Назарбаевтың мемлекетімізді құру, қалыптастыру және дамыту жолын­дағы үлесін айқындайтын ғылыми және іздес­тіру-зерттеу жұмыстарын жүргізеді. Бөлім осы бағытта конференциялар мен семинарлар ұйымдастырып, өткізіп тұ­рады, бұқаралық ақпарат құралдарымен ты­ғыз байланыста жұмыс істейді. Мемлекет басшысының Қазақстан халқына әр жылғы Жолдауын талқылау мен насихаттау бойынша бөлім рес­пуб­ликалық және облыстық мем­ле­кет­тік органдармен бірлесіп өткі­зілетін Назарбаев оқуларын ұйым­дас­ты­руға жауапты. Бөлім, сонымен қатар, мем­ле­кеттік мерекелерге және елі­міз­дің өмірі­ндегі басқа да көрнекті оқи­ғал­арға арнал­ған қоғамдық-саяси және мәде­ни-бұқаралық іс-шараларды ұйым­дас­тырады. Орталықтың ресми сайтын (www.firspresident.kz) ақпараттық тұрғы­дан қамтамасыз ететін де осы бөлім. Орта­л­ықтың сайтына сілтеме Қазақстан Рес­публикасы Президентінің ресми сайтын­дағы Нұрсұлтан Назарбаевтың Жеке парақ­шасында (http://personal.akorda.kz/) орналастырылған. Ал экскурсиялық-бұқаралық жұ­мыс­тар бөлімінің қызметкерлері орта­лыққа еліміздің барлық аймақ­та­ры мен шет елдерден келуші қонақтарды қабыл­дайды, орталықтың экспозициялық залдары бойы­нша экскурсиялар өткізеді. Сонымен қатар, бөлім оқушылар мен студенттер үшін онлайн-сабақтар, онлайн-конференциялар мен дөңгелек үстелдер ұйымдастырады. Мектеп жасына дейінгі балалар үшін еліміз бен туған өлкенің тарихын үйрену бойынша дүниетанымдық іс-шаралар өткізу қарастырылған. 1 желтоқсан – Қазақстан Республи­ка­сының Тұңғыш Президенті күні. Тұңғыш Президенттің тарихи-мәдени орталығы болғандықтан, бұл – ең алдымен бізге қатысты мереке. Бұл күні бізге келетін қонақтардың аса көп болатыны айтпасам да түсінікті, сондықтан жұмысымыз қауырт. Осы күні Теміртауға жолы түскен ағайынға есігіміз ашық. – әңгімеңізге рахмет. Әңгімелескен Қайрат ӘБІЛДИНОВ, «Егемен Қазақстан» Қарағанды облысы, Теміртау қаласы
СОҢҒЫ ЖАҢАЛЫҚТАР

17.01.2019

Станимир Стоилов ұлттық құрамадан кетті

17.01.2019

19 қаңтарда Оралда 14 ойықта суға түседі

17.01.2019

Маңғыстауда «Қошқар-Ата» қалдық қоймасына қатысты жұмыстары тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

17.01.2019

Шайбалы хоккейден әйелдер құрамасы әлемдік сынның финалына өтті

17.01.2019

Батыс Қазақстан ТЖД 17 күнде 43 SMS-хабарлама таратты

17.01.2019

 Қостанайда 867 үкіметтік емес ұйымның 586-ы жұмыс істейді

17.01.2019

ТҮҚЖБ-ның әр төртінші заемы «Нұрлы жер» бағдарламасы бойынша берілген

17.01.2019

Батыс Қазақстанда 256 мемлекеттік қызметкердің орны бос тұр

17.01.2019

Алматылық тұрғындар жертөледен танк тауып алды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу