Франциядағы сайлау: президент екінші турда анықталады

Жексенбі күні өткен Франциядағы президенттік сайлау қорытындысы бойынша күтілгеніндей, 11 үміткердің ешбірі 50% дауыс жинай алмады. Енді дауыс жинауда басқалардан басым түскен қос үміткер – Эммануэль Макрон мен Марин Ле Пен президенттік сайлаудың 7 мамырға белгіленген екінші кезеңінде бақ сынайды.
Егемен Қазақстан
25.04.2017 1875

Франция сайлау учаскелері орта­лығының мәліметінше, центрист Эммануэль Макрон – 23,7%, әсіре­оңшыл Марин Ле Пен 21,7% дауыс жинаған.

Бірінші кезең қорытындысы бойынша көш бастаған Эммануэль Макрон экономика министрі боларының алдында экономика­лық блоктағы түрлі ведомстволарда лауазымды қызметтер атқарып, Rotschild инвестициялық банкінде жұмыс істеген.

Макрондікі орта жол

Сарапшылардың пікірінше, президент­тікке сайлануға Макронның мүмкіндігі мол. Оның саяси аренадағы беделі француз жұрты­ның саяси тұрақ­тылығына кепілдік бер­мек. Сондық­тан да, қазір елдегі саяси эли­та Мак­ронды қолдап отыр. Оның бір дәле­лі, 11 үміткер арасынан 19% дауыс жинап, екінші кезеңге өтпей қалған «Рес­пуб­ли­к­а­­шылар» партиясы атынан үміткер Фран­­суа Фийон жеңілгенін мәлімдеп, қолдау­­шы­ларын Мак­ронға дауыс беруге шақырған еді.

Кеше Франс-пресс агенттігіне берген сұхбатында Макрон жеңіске жетер болса, елдегі саяси өмірді өзгертетінін мәлімдеді. Сайлауалды науқан кезіндегі бір сөзінде «біздің қазіргі саяси жүй­е­міздің бостығын мен іштен көрдім және оны түзетуге күш саламын», деген Макрон халықты демократиялық революцияға ша­қырды. 

Өз бағдарламасында Макрон солшылдар мен оңшылдардың ұстанымын ұтымды пайдаланады дегенді айтады сарапшылар. Зейнетақы мен жалақы жүйесін қазіргі заман талабына бейім­деу, кәсіпкерлікті қолдау мен поли­ция­ның кадрлық құрамын күшейту – оның басты жоспары. Алайда  кей сарапшылар оны француз жұртының күн тәртібіндегі проблемаларына нақты шешімі жоқ деп сынайды.

Жалпы, центрист Макронды саясаттанушылар халықтың талабына қарай икемделе алатын саясаткер ретінде сипаттайды. Мысал ретінде оның оңшылдар мен солшылдардың екеуінің де халық көңілінен шыққан бастамаларын өз бағдарламасына енгізе алғанын айтады.

«Мадам Frexit» 

Макроннан 2% аз дауыс жинаған «Ұлттық майдан» пар­­­­­тиясының жетекшісі әсіре­оң­­­шыл Марин Ле Пенге келер болсақ, оның халықаралық аре­­­на­дағы тәжірибесі, соның ішін­де бірнеше жыл Франция атынан Еуропарламентте депутат болуы халықаралық аре­на­дағы беделін көтере түс­кен­дей. Екіншіден, Еуропа бұқа­р­а­­лық ақпарат құралдарының мә­­лі­ме­тін­ше, француз бизнесі Ле Пеннің жағында көрінеді. Мәс­кеу са­парында Ле Пеннің өзі Ресей пре­зиденті Владимир Пу­тинге фра­нцуз кәсіпкерлерінің Еу­ро­па мен Ресей арасындағы сан­к­ция­ның жойылып, арада іскерлік бай­­ланыстың қайта жандануына мүдделі екенін жеткізуі саясаттан гөрі экономиканы жоғары қоятынын көрсеткен еді. 

Францияның Еуроодақпен бір­ге дамитынына сенетін Макрон­мен салыстырғанда,  Ле Пеннің ин­тег­рациялық саясаты қазіргі жүй­еге қарсы келеді. Мадам Frexit (Фран­цияның ЕО-дан шығуы) аты­мен танылған Ле Пен елді НАТО мен ЕО-дан біржола бөліп алғысы бар. Жалпы, саяси бағыты бойынша қазіргі билікпен мүлде келіспейтін Ле Пен Франсуа Олландтың президенттігі кезінде ел үкіметі оңбай қателесті деп мәлімдегені белгілі.

Экономикада Ле Пен француз өндірушілеріне қолайлы жағдай жасау үшін ел үкіметінің протекционистік (отандық биз­нес­ті қорғау) саясатын енгі­зу­­ді көксейді. Айта кетейік, Трам­п­т­ың Ақ үй басшылығына келген алғашқы күннен бастап жа­сағаны АҚШ экономикасын про­тек­ционистік бағытқа бұрғаны қазіргі таңда инвесторлардың сы­нына ұшырап жатқаны белгілі.

Трамп секілді Ле Пен де им­по­рт­­тың баж салығын көбей­т­пек. Ал салықтан түскен қаражатты ең төменгі жалақы шегін көтеруге жә­не айына 1500 еуродан аз табыс табатын француздарға айына қосымша 200 еуро бөлуге жұ­м­самақ. Сонымен қатар, табыс са­лығын 10 пайызға азайтып, зей­нетақы жасын 62-ден 60-қа тү­сір­мекші.

Былтыр жыл соңында Трамп­­тың жеңетінін болжаған сарап­шылар тобы қазіргі таңда Фран­ция­дағы науқанда Ле Пеннің озып шығатынына бәс тігіп отыр.

ЕО-Ресей қатынасын осы сайлау айқындамақ

Сайлауалды науқан барысында Макрон штабының өкілдері ре­сей­лік бұқаралық ақпарат құрал­да­­рының ішкі саясатқа араласып, Марин Ле Пен мүддесі үшін жұмыс істегенін мәлімдеумен болды. Ле Пен өз кезегінде Ре­сей­мен арадағы қатынасты рет­ке кел­тіру керектігін айтып, сан­к­цияны мүлде алып тастауды ұсы­нған. Ал Макронның бұл тұр­ғы­да ұстанымы бөлек. Ол 2016 жы­лы экономика министрі болып тұр­ған кезінде-ақ Минск келісімі орын­далмайынша, Ресейге қарсы сан­кцияны алып тастау туралы әң­гіме қозғаудың орынсыз екенін мәлімдеген еді. Дейтұрған­мен, Франция үкіметінің де, бизнес өкілдерінің де санкцияның алы­ну­ына мүдделі екенін айтқан бола­тын. Дегенмен, уақыт өте келе Мәс­кеу мен Макрон арасы су­ып, пре­зиденттік сайлау науқаны ке­зін­де өзара айыптауға дейін барды.

7 мамырға дейін қос үміткердің бұл тұрғыдағы ұстанымдары әлі де айқындала түспек. Еуроодақ ел­де­рі ішінде сыртқы саясатта Фра­н-

­цияның өзіндік орны бар де­сек, осы сайлаудан кейін кім­нің пре­зи­дент болғанына қарап, Еур­о­одақ пен Ресей қатынасының ал­да­ғы бірнеше жылда қандай ба­ғыт­та өрбитінін жорамалдай беруге болатындай.

Бауыржан Мұқанов, 

«Егемен Қазақстан»



СОҢҒЫ ЖАҢАЛЫҚТАР

18.02.2018

Иранда 60 жолаушысы бар ұшақ апатқа ұшырады

18.02.2018

Эфиопияда төтенше жағдай жарияланды

18.02.2018

18 ақпанға арналған ауа райы болжамы

18.02.2018

Өскеменнің әкімі грейдермен қар тазалады

17.02.2018

Асқар Жұмағалиев Шымкентте цифрландыру жобаларымен танысты

17.02.2018

Білім министрлігі балалардың әлеуметтік желілердегі белсендігін бақылауға шақырды

17.02.2018

Головкин - "Канело" екінші жекпе-жегіне арналған трейлер шықты

17.02.2018

Жанат Жақиянов кәсіби бокстағы карьерасын аяқтады

17.02.2018

Болгарияда Қазақстан туралы деректі фильмдер көрсетіледі

17.02.2018

Астанада тұңғыш рет инклюзивті спорт фестивалі өтеді

17.02.2018

Нұрсұлтан Назарбаевтың Қытайдың CCTV арнасына берген сұхбаты жарияланды (видео)

17.02.2018

Павлодарда Достық фестивалі өтті

17.02.2018

Мексиканың оңтүстігінде 7.2 балдық жер сілкінісі болды

17.02.2018

Белгілі жазушы-драматург Рахымжан Отарбаев дүниеден өтті

17.02.2018

Н.Назарбаев: Мемлекеттер арасындағы сенім мәселесі өте маңызды

17.02.2018

17 ақпанға арналған ауа райы болжамы

16.02.2018

Елбасы Қытайдың «Бір белдеу-бір жол» бастамасына қосылудың пайдасын түсіндірді

16.02.2018

Қазақстан халқы 1 қаңтарда 18 млн 157 мыңға жетті

16.02.2018

Астанада Тұңғыш Президент Қоры сыйақысының лауреаттары марапатталды

16.02.2018

Сенатта жол-көлік оқиғаларының алдын алу бойынша уәкілетті органдармен кездесу өтті

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Пассионар

Гумилев анықтамасына жүгін­сек,­ пассионарлық – жұлдыздардың әсе­рімен, табиғат пен тарихаттың қи­лы­ дүмпулерімен қайталанып тұра­тын­ заңды құбылыс. Пассио­нарлар бой­­­ларында тасыған күш-қуат­ты, жү­рек­теріндегі жалын жі­гер­ді айнала тө­ңірегін, келе-келе күллі қауым-жұр­тын өзгерту ора­йын­дағы мақсатты жұ­мысқа жұм­сайды. Олай болса, пассио­нарларды қоғамдық қозғалыстың не­ғұрлым белсенді тегершіктері, жа­ңа­шылдар, жасампаздар десек те жа­раса­ды.

Сейфолла ШАЙЫНҒАЗЫ, «Егемен Қазақстан»

Айтушың қандай, ағайын?

«Айтушы ақылды болса, тыңдау­шы дана болады» дейді халық ма­қа­лы. Осы бір тәмсілдің өн бойында үл­кен ұлағат жатқанына шек кел­ті­ру­дің өзі күнә. 

Думан АНАШ, «Егемен Қазақстан»

Блокчейн: сый мен сын

Таяуда Үкіметтің кеңейтілген отырысында Мемлекет басшысы Қаржы министріне қарата айтқан сөзінде блокчейн технологиясын са­лық жинау жүйесінде қолдануды құп­таған болатын. Бұл – бүкіл әлем­ге сыйы мен сынын қоса әкеле жат­қан төртінші өнеркәсіптік рево­лю­цияның бір жаңалығы.

Әлисұлтан ҚҰЛАНБАЙ, «Егемен Қазақстан»

Ұзаққа созылған келіссөз

Германия канцлері Ангела Меркель жетекшілік ететін Христиан демо­кра­­тиялық одағы және Христиан со­циа­лис­тік одағы Германия социал-демо­­кра­тиялық партиясымен ұзақ­қа созылған келіссөздерден соң, коали­ция­лық үкімет құру бойынша мәмілеге келді. Келіссөздер барысында, сондай-ақ ортақ бағдарлама да бекітілді. Ал Бундестаг (парламент) сайлауы 2017 жылдың 24 қыркүйегінде өткен болатын.

Дархан ӨМІРБЕК, «Егемен Қазақстан»

Қалтафондағы қауіпті қосымша

Бұған дейін хабарлағанымыздай, өткен аптаның соңында Ақпа­рат және коммуникациялар ми­нистр­лігі «Дербес деректер және олар­ды қорғау туралы» Заңға қай­шы келгені үшін GetContact мобильді қосымшасының еліміздегі қолданысына шектеу қой­ған еді. Бірер күн бұрын Әзер­бай­жан да қосымшаға тыйым салған бола­тын. Қазақстандық қалтафон қол­дану­шылары бар болғаны бір ғана күн пайдаланған бұл қосымша несімен қауіпті еді? Жеке ақпаратты саудалайтын мұндай қосымшаларға төтеп беруге бола ма?

Тағы да оқу

Пікірлер(0)

Пікір қосу