Генералдар эскорты

Мәскеудегі «Тағзым таудағы» Ұлы Отан соғысының Орталық музейіне қазақ батырының бюсті апарылады. Астанада Қазақстанның тұңғыш Қорғаныс министрі, армия генералы, Кеңестер Одағының Батыры, Қазақстанның тұңғыш Халық қаһарманы Сағадат Нұрмағанбетовті еске алудан бокстан өткен халықаралық жарыс мәресіне жеткен тұста, Алматыда қазақ батырының көркем мүсіні қоладан құйылып бітті. Қазір бюст Т.Жүргенов атындағы Қазақ ұлттық өнер академиясының ғимаратында тұр, таяу күндері қазақстандық генералдардың эскортымен Мәскеуге жол тартады.
Егемен Қазақстан
31.05.2017 1432
2

Күні кеше өткен Ұлы Же­ңіс­тің 70 жылдығы ме­ре­кесі үстінде екі мәрте Ке­ңес Ода­ғының Ба­тыры Тал­ғат Бигелдиновтің қола мүсіні Мәскеудің «Тағзым тау­ын­дағы» Ұлы Отан соғы­сының Орталық музейіне қой­ыл­ғаны баршамызға мәлім. Өті­ніш мәскеуліктер тарапынан түс­кен еді. Салтанат үстінде музей басшылығы атақты музей­ден қазақ батырларына лимит шектеулігіне қарамастан, үлкен музейден 5 орын бе­рілетіні туралы уәде еткен. Қазақстан Республикасының «Генералдар кеңесі» респуб­ли­ка­лық қоғамдық бірлестігінің тө­рағасы, әділет генерал-майоры Рүстем Қайдаров ол туралы былай еске алады:

– Содан Орталық музей­дің талабын орындаймыз де­генімізбен де, аздап ұят­ты болып қалған жайымыз бар, өйткені, кезекті батыр­ларымыздың қола мүсінін жасауға демеуші табылмады. Бірқатар министрлік бұл оқи­ғаның маңызына мән бер­меген секілді. Кеңеске мүше зейнет жасындағы генералдарымыздың шараға қосқан үлесі теңізге тамған тамшыдай ғана. Осылай қы­сылып жүргенімізде Ге­нералдар кеңесінің төралқа мүшесі, генерал-лейтенант Әділ Шаяхметов қолұшын берді. Атап айтқанда, сол кі­сінің тікелей бастамасымен «Медетбек батыр» қо­ғам­­дық қорының атынан қа­жетті қаржы аударылып, мой­нымыздан үлкен жүк түсті. Әріптесімізге алғысымыз шек­сіз. Қазақстанның тұңғыш Қор­­ғаныс министрі Сағадат Нұрмағамбетовтің мүсіні ой­да­ғы­дай дайын болды.

Екінші дүниежүзілік со­ғыстың аяқталуы мерейтойына орай өтіп жатқан тарихы ма­ңызды бұл жаңалыққа шын мә­нінде жаның сүйсі­неді. Өйт­ке­ні, Ұлы Отан соғы­сы­ның та­рихынан майдангер қазақ­тар­дың ойып тұрып алар өз орны бар. Ол тарих жылнамаларында тайға таңба басқандай жазылып қалды. Мәскеу төріндегі маңызды му­зейден қазақ батырларына лайықты тұғыр беру – сол ал­дыңғы буын ағаларымыздың ерлік істеріне лайықты құрмет!

Осы орайда батырдан ба­тыр­ға тиген шапағатқа орай алдымен тарихта есімі әйгілі Саурық батырдың серіктесі, жауынан беті қайтпаған Ме­детбек батыр туралы бір ауыз мәлімет таратқанды жөн сана­дық. Медетбек Есебайұлы – Алматы облысының қазіргі Таутүрген (Еңбекшіқазақ ауданы) елді мекенінде дүниеге келген, ат жалын тартып мін­­ген бозбала шағынан қо­лына найза алған ержүрек ел қамын жеген азамат. Қабі­летті қолбасшы Медетбек Сы­патай Саурықұлымен бір­ле­сіп, Сұраншы батырдың әске­ріне қысылтаяң сәтте әр­дайым тың күш берген дейді. Қазақ жоңғарды жоқ етіп жойып, еңсесі көтерілген тұс­та Же­тісуға анталаған қоқан­дық­тар­дың езгісіне бірден-бір қарсы тұрып, қол бастаған арыс­­тандай айбарлы Медетбек батыр­дың теңдессіз ерлігі ел аузында. Ақылы асқан данагөй әрі тамаша мәмілегердің аумақ­та әскери-саяси ахуалды орнықтырудағы алар орны да нық. Даңқты батырдың тікелей ұрпағы, мемлекет және қоғам қайраткері, генерал-лейтенант Әділ Шаяхметовтің сөзіне құлақ түріп көрейік.

– Қазақстан Республика­сының Президенті – Қарулы Күш­тердің Жоғарғы Бас қол­басшысы Нұрсұлтан Назарбаев еліміздің Қарулы Күш­терінің 25 жылдығы мен Ұлы Отан соғысындағы Жеңіс­тің 72 жылдығына ар­нал­ған әскери парадта «Соғыс ар­да­­герлері біздің бақытты өмі­рі­міз­ге, тәуелсіздігімізге және аспанымыздың ашық болуына жол ашты», деді. Бү­гінгі бейбіт өмірімізге Ел­басы айтқандай жол аш­қан халқымыздың біртуар батыр­ларының бірі – армия генералы Сағадат Нұрмағам­бетов. Батыр ағамыздың өр тұлғасы – ел болашағы – жас­тарымызға мәңгі-бақи патриоттық өнеге. Сағадат аға – қа­зақтың намысы. Көзінің тірісінде қызметтес, дәм­дес, сыйлас болған аяулы ағамызға бұл құрмет күллі қа­зақ­тың бауырмалдық сезімі, ха­лық батырына деген шексіз құр­меті дер едім. Қазақ әр­дайым осын­дай еді ғой. Батыр­дың Мәс­кеу­дегі әлемдік музейде Талғат Бигелдинов ағамыз­бен бірге қас­қай­ып тұруын қазақ халқының өш­пес рухы деп санаймын.

«Халық батырының пор­треттік мүсінінің бейнелік ұқсас­тығы, тұлғалық бітімі қи­сынды жасалған. Ішкі дүниесін ашып көрсетуде үйлесімділік бар. Ай­рықша тұлғасы айшықты сом­далған». Қазақтың тұңғыш Ха­лық Қаһарманы Сағадат Нұрмағамбетовтің мүсінін нақ­ты құжатпен қабылдап алушы құзіретті комиссия қабылдау актісіне осындай мазмұнда сөз жазды. Қола мүсіннің авторы – Қазақстан Республикасы Мем­лекеттік сыйлығының лауре­аты, Қазақстанның еңбек сі­ңір­ген қайраткері, еліміздің бейнелеу өнерінің хас шебері Ескен Сергебаев.

– Ұсыныс түскенде қуаныш­тан қазақ батырының бейнесін тіпті тегін жасап беруге дай­ын екенімді айттым. Өйткені, біз­дің батырларымыздың тұл­ға­с­ы – болашақ ұрпақтың тәр­бие-тәлімі, – деді Ескен аға. – Ге­­не­ралдардың да, демеушінің де, айналадағы барлық ақ­көңіл аза­­маттардың да осы шара­да­ғы бір­ауыздылығы мен ұйым­шыл­ды­ғына өте ризамын.

Сұрапыл шайқастағы қа­зақ даңқының мәңгілік өш­пес куәсіндей болған тағы бір батыр Мәскеу музейіне мәң­гі­лікке аттанып барады. Ақ жол!

Талғат СҮЙІНБАЙ,
«Егемен Қазақстан»

АЛМАТЫ

 

СОҢҒЫ ЖАҢАЛЫҚТАР

16.11.2018

Атадан туған аруақты ер

16.11.2018

Жастар жылынан не күтесіз?

16.11.2018

Тариф көтерілді, сервис деңгейі ше?

15.11.2018

Асхат Маемиров Қазақ ұлттық өнер академиясының ректоры болып тағайындалды

15.11.2018

Бекзат жаттыққан спортзал

15.11.2018

А. Майтиев тариф қалыптастырудың ашықтығын арттыру шаралары туралы айтып берді

15.11.2018

Тегеранда Қазақстан-Иран консулдық консультациялары өтті

15.11.2018

Бас прокуратурада бизнес саласындағы проблемалық сұрақтар талқыланды

15.11.2018

Қазақстан мен Швеция ынтымақтастықтың перспективалық бағыттарын анықтады

15.11.2018

Маңғыстау облысы Қазақстан халқы Ассамблеясының кезекті сессиясы өтті

15.11.2018

Алматыда композитор Әсет Бейсеуовты еске алу кеші өтті

15.11.2018

Президент Абай атындағы ҚазҰПУ ректоры Такир Балықбаевты қабылдады

15.11.2018

Жезқазған мен Сәтбаевтың арасында ірі супермаркет салынады

15.11.2018

Елбасы Словакия Республикасының Премьер-Министрі П. Пеллегринимен кездесті

15.11.2018

Қазақстан Жазушылар одағының мүшесі Нұтфолла Шәкеновты еске алу кеші өтті

15.11.2018

Алматыда Құрманғазының 200 жылдығына арналған дәстүрлі музыка фестивалі аяқталды

15.11.2018

Асқар Шәкіров ұлттық құқық қорғау мекемесімен өзара іс-қимылын оң сипаттады

15.11.2018

Алматыда «Серікбол Қондыбай. Рух жауынгері»  атты деректі фильмнің көрсетілімі болды

15.11.2018

Алматы полициясы: ірі сатып алушының үйінен ұрланған заттар иелеріне қайтарылды

15.11.2018

ШҚО-да атқа мінген ауыл әкімі қасқырдан құтқарып қалды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу