Ғаламдық мәселелер ғалымдар талқысында

Елордада тағы бір ауқымды халықаралық шара – WSEC-2017 инженерлер мен ғалым­дар­дың дүниежүзілік конгресi кеше өз жұмысын бастады. Әрине, бұл да «Астана ЭКСПО-2017» көрмесінің шеңберінде ұйым­дастырылған. «Болашақтың энергиясы: инновациялық сценарий­лер және оларды жүзеге асыру әдiстерi» атты конгресс көр­менiң iскерлiк бағдарламасы аясында өтуде.
Егемен Қазақстан
20.06.2017 521

Алқалы жиынның ашылу салтанатында Мемлекет басшысы Нұрсұлтан Назарбаевтың құттықтау хатын жиынға мо­дера­торлық еткен Қазақстан Ұлттық жаратылыстану ғы­лымдары академиясының президентi, академик, сенатор Нұртай Әбiқаев оқып берді.

«Инженерлер мен ғалым­дар­дың дүниежүзiлiк конгресiне қаты­сушылар мен жиын қонақ­тарының Қазақстан елордасы – Астанада бас қосқанына қуаныш­тымын. «Болашақтың энергиясы: инновациялық сценарийлер және оларды жүзеге асыру әдiстерi» атты форумның тақырыбы осы күндерi Қазақстанда өтiп жат­қан ЭКСПО халықаралық ма­мандандырылған көрмесiнiң идея­сымен үндес. Бiздiң ел қазiргi заманғы экологиялық үрдiстердiң маңызын түсiне отырып, «жасыл экономика» қағидаларына сәйкес ауқымды технологиялық жаңғыруды бiртiндеп жүзеге асыруда. Бүгiнде қоршаған ортаны қорғау, энергия үнемдейтiн экономикаға көшу және табиғи ресурстарды үнемдi пайдалану бо­лашақтың ақылға қонымды бiр­ден-бiр парадигмасы болып саналады», делiнген Елбасы құттықтауында.

Мемлекет басшысы орнықты дамудың берiк институционалдық негiздерiн «жасыл техно­ло­гиялар» саласындағы кең көлемдi халық­аралық диалог пен ын­ты­мақ­тастық арқылы ғана құруға болады дейдi. Осы бағыттағы ғы­лыми идеялар мен тәжiрибелер жөнiнде жан-жақты ой бөлiсу бүкiл жер шарында экологиялық тұрғыдан таза энергетиканың қалыптасуына септiгiн тигiзетінін айтқан. Сондай-ақ, онда инженерлер мен ғалымдардың дүниежүзiлiк конгресiн Астанада өткiзу адамзат алдындағы энергетикалық проб­лемалардың тиiмдi шешiмдерiн iздеуге тың серпiн берiп, эко­но­микалық өсiмнiң жаһандық моделiн жетiлдiруге елеулi үлес қосатынына сенім білдірген.

Қазақстанда ғана емес, жалпы Ор­талық Азия елдері арасын­да ал­ғаш рет өтіп жатқан шара екі күнге жос­парланған. Оған әлем­нің 50 елінен 1000-нан астам делегат, оның ішінде 300 шетел­дік ғалымдар мен инженерлер қа­тысуда. Маңызды шараның басты ұйымдастырушылары  – еліміздің Ұлттық инженерлер академиясы мен Қазақстан Ұлттық жаратылыс­тану ғылымдарының академиясы. Сондай-ақ, конгресті еліміздің Сыртқы істер министрлігі, Энер­гетика министрлігі, Білім және ғылым министрлігі, құрамында 48 мемлекет бар Халықаралық жаратылыстану ғылымдарының академиясы, FEIIC Ислам елдері инженерлік институттарының федерациясы (оның құрамында 21 мемлекет), тіпті құрамына 181 мемлекет кіретін IRENA Жа­ңар­тылған энергия көзі бойын­ша халықаралық агенттігі, Ха­лық­аралық сутегі энергети­ка­сы қауымдастығы, Бүкілә­лем­дік энергетикалық кеңес, Бүкіл­әлемдік болашақ қауым­дас­тығы, Күн сәулесі бойынша халық­аралық қауым­дас­тық және бір­қатар ұлттық инженерлік академиялар, әлемнің жетекші жоғары оқу орындары мен халықаралық ұйым­дар қолдаған.

Конгресс спикерлерінің қа­та­рында Нобель сыйлығының 4 лауреаты, «Жа­һандық энергия» Халықаралық сый­лығының 8 лау­реаты, танымал қазақ­стандық және шетелдік ғалымдар, эколог­тар, сарапшылар, БАӘ қорша­ған ор­­таны қорғау министрі, Сан-Пау­­лу штатының энергети­ка жә­не тау-кен өн­діру өнеркәсіп минис­трі, Бра­зилияның же­тек­ші ға­лым­дары мен сарапшылары бар.

Басқосуда энергетика сала­сын­дағы ең үздік жетістіктер мен заманауи бағыттар талқылануда. Ғалымдар электр қуатын өндіруде қоршаған ортаға кері әсерін тигізбейтін тың технологияларға басымдық берді. Жасыл экономиканы жетілдірудің жайын кеңінен әңгімелеп, инновациялық идеяларды икемге келтіретін техниканы қолданысқа көптеп енгізудің жолдарын іздеді.

Конгресс жұмысы төрт блокқа бөлінді. Атап айтар болсақ, «2050 жылға дейінгі әлемдік энер­ге­тика саласының даму сце­нарий­лері перс­пективалары»; «Энерге­ти­калық трилемманың балансы: қау­іпсіздік, қолжетімділік және эко­логиялық тұрақтылық»; «Әлем­дік энергетиканы және энер­ге­ти­­­калық нарықты дамыту үде­­рісі, ғылыми кадрлармен қам­­та­­сыз ету» тақырыптарына бө­лі­­ніп, ғалымдар өз саласының ба­­ғыт­­­тары бойынша баяндама жасады.

Халықаралық көрмеде көрсе­тілетін инновациялық туын­дылар мен заманауи ғылым өкілдерінің бір жерде тоғысуы синергетикалық нəтиже береді дейді ғалымдар. «Форум көптеген мүдделі сарапшыларды айналасына жинап отыр. Бізді 20-дан астам халықаралық ұйымдар мен академиялар қолдады. Бұл өз кезегінде тақырыптың тек Қазақстанда ғана емес, бүкіл әлемде өзектілігін білдірсе керек», деді WSEC-2017 Инженерлер мен ғалымдардың дүниежүзілік конгресі Ха­лық­ара­лық бағдарламалық коми­тетінің тең­ төр­ағасы, Инженерлер акаде­мия­сының президенті Бақытжан Жұмағұлов.

«Қазақстан-2050» Стра­те­гиясында Елбасы Н.Назарбаев ХХІ ғасырдың жаһандық мәселелері, оның ішінде табиғи ресурстардың таусылуы, жаһандық энерге­ти­калық қауіпсіздік пен үшінші энергетикалық индустриялық революция мәселелерін көтерген болатын. Конгресс жұмысы барысында, міне, осы мәселелер жан-жақты талқыланды.

Динара БІТІКОВА,
«Егемен Қазақстан»

Суреттерді түсірген

Ерлан ОМАРОВ,
«Егемен Қазақстан»

СОҢҒЫ ЖАҢАЛЫҚТАР

15.08.2018

Қазақстан 2019 жылы 5G интернетке қол жеткізеді

15.08.2018

Мемлекет басшысы Италия Республикасының Президентіне көңіл айту жеделхатын жолдады

15.08.2018

Бақытжан Сағынтаев денсаулық сақтау саласын дамыту мәселелері жөнінде кеңес өткізді

15.08.2018

БҚО: Шалқар көлінде 4 адамды құтқарылды

15.08.2018

«Хат қоржын»

15.08.2018

Елбасы Парламент Сенатының төрағасы Қасым-Жомарт Тоқаевты қабылдады

15.08.2018

Сақтандыру шарттарын 2019 жылдан бастап онлайн режимде жасауға болады

15.08.2018

Түріктер «Қазақфильмнің» туындыларын көрсетпек

15.08.2018

Алдағы тәулікте күн суытады

15.08.2018

Астананың апорты

15.08.2018

«Егеменнің» қолдауымен «Ұлы Дала рухы» фотокөрмесі өтті

15.08.2018

Адам Пжегодскийдің Жетісудағы көпқырлы қызметі

15.08.2018

Қыркүйек айынан бастап «Астана-Теміртау» күре жолы ақылы болады

15.08.2018

Дәметкен Сүлейменованың «Жаһанша Досмұхамедов һәм қазақ автономиясы» кітабы жарық көрді

15.08.2018

Жазықсыз атылған жампоз

15.08.2018

Астананың білім беру мекемелерінің 45 басшысы тәртіптік жазаға тартылды

15.08.2018

Қарулы күштерінің сержанты ер-азаматқа лайық батылдық жасады

15.08.2018

Атыраудағы «КасХим» жылына 27 млн полипропилен мен полиэтилен шығарады

15.08.2018

Керекулік өрендер жазды ойдағыдай өткізуде

15.08.2018

Алексей Цой жеке қабылдауына жазылған азаматтармен кездесу өткізді

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу