Головкин-Альварес жекпе-жегі жайлы мамандар не дейді?

Boxingnews24.com басылымының сарапшылары Крис Уильямс пен Аллан Фокс қыркүйекте өтетін Головкин-Альварес жекпе-жегі жайлы ойларын бөлісті.
Егемен Қазақстан
11.05.2017 7024

Крис Уильямс сөзінің басын Абель Санчестің (Головкиннің бапкері) Dontae’s Boxing Nation басылымына берген сұхбатына пікір білдірумен бастады. Мексикалық маман бұл айқасты трилогияға теңеп, мұндай кездесуді жұрт екі рет көруге де қарсы болмайтынын айтқан болатын.

«Меніңше, Санчес трилогия туралы немесе реванш жайлы айтып тым алға шығып кеткен сияқты. Егер «Канело» Головкинді нокаутпен жеңер болса, мексикалық ары қарай кетеді. Головкинге екінші мүмкіндік бермейді. Себебі, бокс жанкүйерлері мұндай жағдайда екінші рет жекпе-жек үшін ақша төлегісі келмейді. Реванш GGG жеңіске жеткенде немесе жеңімпаз даулы шешіммен аяқталғанда ғана ұйымдастырылуы мүмкін.

Дэниел Джейкобсқа қарсы кездесуінен кейін Генаның жеңіске жетуі екіталай. 16 қыркүйек күні ол жеңіледі. Ал Golden Boy оны назарына да ілмейтін болады. Бокс кешін 2018 жылы өткізейік деуі мүмкін. Бірақ ол жай сөз болып қалады. Мексикалық боксшының командасы Головкинге тағы бір мүмкіндік береді деп ойламаймын», деді Крис Уильямс.

Ал сарапшы Аллан Фокстың пікірі мүлдем басқа. Ол сауль Альварестің осал тұстарын айтып, Геннадий Головкиннің жеңісіне сенім білдірді. Сондай-ақ, ол қазақстандық боксшының бапкерін Дэниел Джейкобсқа қарсы жекпе-жекке тыңғылықты дайындамағанын сынға алды.

«Альварес Геннадийді нокаутпен жеңеді деп ойламаймын. Қайта қазақстандық боксшы мексикалықты нокаутқа түсіруі мүмкін. Бұған басты себеп – Головкиннің иегі мықты, соққыларды көтере алады. Гена осыған дейін де «Канелодан» мықты панчерлермен қолғап түйістірген, бірақ жарақат алған емес.

«Канелоның» соққылары Дэвид Лемье, Кертис Стивенс секілді боксшылардан күшті еместігі белгілі. Головкин олардың жойқын соққыларын көтере алды. Егер мексикалық жылдам қозғалып, GGG секілді ауыр соққыларға шімірікпесе, Головкинді нокаутқа түсірер ме еді! Бірақ ол шыдамды боксшы емес.

Альварестің дәл осы кемшілігін тиімді пайдаланатын боксшылар шығуы мүмкін. Бапкер Абель Санчес мексикалықтың кемшін тұстарын жақсылап зерттеп шығып, қандай амал қолдану керектігін ойлауы тиіс. Бірақ Санчес олай істемейтін сияқты. Дэниел Джейкобсқа қарсы кездесуге ол шәкіртін тыңғылықты дайындамағаны байқалып қалды. Егер де Абель 2010 жылы шәкірті Дмитрий Пирогқа (WBO нұсқасының бос белбеуі үшін Джейкобспен кездесіп, бесінші раундта техникалық нокаутпен жеңген) берген нұсқауларын айтқанда кездесу Головкин үшін оңай өтер ме еді! Бұл тұста бапкердің жоспары дұрыс болмады», деп жазды Аллан Фокс.

Айта кетейік, ESPN.com бұл айқастың жеңімпазы чемпиондық белбеулерін қорғау үшін кіммен жұдырықтасатынын хабарлады. IBF желісі бойынша Багам аралдарының өкілі Туреано Джонсон (20-1, 14 KO) мен украиналық Сергей Деревянченко (10-0, 8 KO) қолғап түйістіреді. Бұл боксшылар 7 маусымға дейін кездесу жөнінде ортақ шешімге келуі тиіс. Міне, Головкин-Альварес айқасының жеңімпазы Джонсон-Деревянченко арасындағы үздікпен күш сынасады.

Дайындаған: Аян ӘБДУӘЛИ, "Егемен Қазақстан"

СОҢҒЫ ЖАҢАЛЫҚТАР

21.08.2018

Азиада-2018: Су добынан Қазақстан қыздар командасы күміс алды

21.08.2018

Атырау облысының шалғайдағы елді мекендеріне газ тартылады

21.08.2018

Азиада-2018: Таэквондошы Жансель Дениз ел қоржынына күміс жүлде салды

21.08.2018

Қазақстандық таэквондошы Руслан Жапаров қола медаль жеңіп алды

21.08.2018

Азиада-2018: Қазақстандық Кирилл Казанцев қола медаль жеңіп алды

21.08.2018

Қазақстанның үш облысында ауа райына байланысты ескерту жарияланды

21.08.2018

Өзбекстанның Премьер-министрі жол апатына ұшырады

21.08.2018

Нұрсұлтан Назарбаев Астанадағы «Әзірет Сұлтан» мешітіне барды

21.08.2018

Астанада дәрігерлерге арналған жатақханалар салынады

21.08.2018

АҚШ-тың Мемхатшысы Құрбан Айт мерекесімен құттықтады

21.08.2018

Астанаға Түркия Жандармериясының басшылығымен арнайы делегация ресми сапармен келді

21.08.2018

Кооператив күш біріктіреді

21.08.2018

Шыңғыстаудағы Шәкәрім тойы

21.08.2018

Егемен ашқан есімдер: Егіз өрім

21.08.2018

72 сағатта 35 метр бөкебай тоқыған

21.08.2018

«Тақиялы періштені» төрткүл дүние көреді

21.08.2018

Жаңа жобаларды меңгеріп жатыр

21.08.2018

Шындық жұтқан тағдыр

21.08.2018

Шариғат жайлы шығарма

21.08.2018

Бұқар жырындағы бүгінгі тұрпат

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Өмір – әділ

Біреулер өмірді қарғап-сілеп жатады. Оның әділетсіз екендігін айтады. Рас-ау дейсің кейде. Егер өмір әділ болса, неге адам баласы әртүрлі? Біреу – бай, біреу – кедей. Біреу – сұлу, біреу – көріксіз. Біреу – ауру, біреу – сау. Расында да өмір дегенің күн мен түн, ыстық пен суық секілді қа­рама-қайшылықтардың ортасы екен ғой.

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу