Головкин карьерасын аяқтау туралы ойланғаны жөн – Ермахан Ыбрайымов

Бокстан Олимпиада чемпионы, Қазақстан құрамасының бұрынғы бапкері Ермахан Ыбрайымов Геннадий Головкиннің америкалық Дэниел Джейкобсқа қарсы кездесуі жайлы пікір білдірді. Бұл туралы vesti.kz хабарлады.
Егемен Қазақстан
07.04.2017 1553

«Америкада жұрт Головкинді бейне бір «құбыжық» секілді көреді. Олардың пікірінше, GGG жекпе-жекте бәрін сұлата беруі тиіс. Тек АҚШ-та ғана емес бүкіл әлемде сондай түсінік қалыптасқан. Гена бұл түсініктен құтылудың жолын қарастырды. Осыған байланысты Джейкобспен 12 раунд жұдырықтасты. Бойындағы бар күшін бұл жекпе-жекте көрсеткісі келмеді. Себебі, Сондерс, Альварес секілді қарсыластарын шошытып алуы мүмкін. Дэниел арқылы өзінің «құбыжық» емес қарапайым боксшы екенін көрсеткісі келгендей.

Оны Геннадийдің қолданған тәсілі деп ойлауға болады. Қарсыластарының өзіне деген пікірін өзгертіп, яғни алдарқатып, жекпе-жектер ұйымдастырмақ. Бұл біріншіден. Ал екіншіден, ол қанша жаста? 1982 жылы дүниеге келді, қазір 34 жаста. Бірер күннен кейін 35-ке толады. Біз жасара түспейміз ғой. Уақыт өте келе жылдамдығымыз да, соққыларымыздың күші де бәсеңдейді. Әр нәрсенің өз уақыты бар. GGG боксшы ретіндегі карьерасын аяқтау туралы ойлана беруі керек. Кіші Флойд Мэйуезер жеңілмеген боксшы ретінде рингтен кеткен сияқты. Бұл кез келген адамның беделін арттыра түседі», – деді Ермахан Ыбрайымов.

Олимпиада чемпионы сондай-ақ, америкалық Дэниел Джейкобс жайлы да ой бөлісті.

«Бойы ұзын, жылдам. Қас қағым сәтте оңға да солға да қашып, соққылардан сытылып шығып кетеді. Болашағы зор. Одан үлкен үміт күтуге болады», – деді Олимпиада чемпионы.

Айта кетейік, Геннадий Головкин 18 сәуір күні Нью-Йорктегі Madison Square Garden аренасында америкалық Дэниел Джейкобспен күш сынасып, төрешілердің шешімі бойынша жеңіске жеткен болатын. Қазақстандық боксшы карьерасында алғаш рет 12 раундты толық өткізді. Кездесуден соң Джейкобс реванш жекпе-жек ұйымдастырғысы келетінін мәлімдеді. Ал Генадий оған қарсы еместігін айтты.

WBC, WBA (Super), IBF және IBO нұсқалары бойынша әлем чемпионы Геннадий Головкин шаршы алаңға 10 маусым күні шығады деп күтілуде. Оның қарсыласы орта салмақтағы британ боксшысы WBO белбеуінің иегері Билли Джо Сондерс болуы мүмкін. Қос тарап әзірге жекпе-жек жөнінде келісімшартқа қол қоймады. GGG орта салмақтағы барлық белбеудің басын қосып, абсолютті чемпион болуды армандайтынын бірнеше рет мәлімдеді. Ал жалғыз қалған белбеу дәл осы британ боксшысының иелігінде. Қос тарап ортақ келісімге келер болса, бокс кеші Астанада EXPO-2017 көрмесі кезінде өтуі мүмкін.

Мәліметтер бойынша Головкин осы күзде мексикалық Сауль «Канело» Альвареспен де қолғап түйістіреді.

Айта кетейік, «Канело» 2015 жылдың қараша айында пуэрторикалық Мигель Коттоны төрешілердің шешімімен жеңгеннен кейін WBC нұсқасы бойынша әлем чемпионы атанған. 7 мамырда Амир Ханды жеңіп, титулын қорғағаннан кейін залда отырған Геннадий Головкинді ашық түрде күш сынасуға шақырды. Сондай-ақ, ұйым оны WBC-дің тұрақты чемпионы Головкинмен жұдырықтасуды міндеттеді. Екі жақ өткен жылдың 24 мамырына дейін бокс кеші жөнінде ортақ ымыраға келуі тиіс болатын. Бірақ 19 мамыр күні мексикалық спортшы WBC белбеуін қалдырып, салмағын ауыстыратынын мәлімдеді.

«Карьерамда мұнан да үлкен кездесулер өткіздім. Ондай қадамға екінің бірі бара бермейді. Осыған дейін ешкімнен қорыққан емеспін. Бірақ мені арнайы уақыт белгілеп шаршы алаңға ешкім де шығара алмайды», – деді Альварес.

Бұл айқас 2016 жылдың қыркүйегінде өтуі тиіс болатын. Бірақ мексикалықпен келісімге келе алмағаннан кейін Головкин 11 қыркүйекте Келл Брукпен қолғап түйістірді.

Дайындаған: Аян ӘБДУӘЛИ, «Егемен Қазақстан»

СОҢҒЫ ЖАҢАЛЫҚТАР

21.08.2018

Бұқар жырындағы бүгінгі тұрпат

21.08.2018

Торғын Тасыбекова: Тұлғалар тәлімін көп көрдім

21.08.2018

Біржан сал еліндегі салтанат

21.08.2018

«Тараз» қонақүйі жатақханаға айналады

21.08.2018

Отандық онкогематология орталығы қалыптасты

21.08.2018

Балалар нейрохирургиясына басымдық берілуде

21.08.2018

Мүгедектердің мұңын кім тыңдар?!.

21.08.2018

Алматы: қала мен сана өзгерісі

21.08.2018

Жаңа заң – зайырлы елдің мүддесіне

21.08.2018

Өмір – әділ

21.08.2018

90 үй салып, туған ауылын түлеткен

21.08.2018

Қаратөбенің қайырымды тұрғындары

21.08.2018

Жанар-жағармай жыры: шаруалар неге наразы?

21.08.2018

ҚХА Кеңесі Құрбан айт мерекесімен құттықтайды

21.08.2018

Astana LRT салонына су кіріп кеткен автобусқа қатысты түсініктеме берді

21.08.2018

Елбасы Құрбан айт мерекесімен құттықтады

20.08.2018

«Ғарыш-Экология» ғылыми-зерттеу орталығы» РМК нысандарында баспасөз турын өткізді

20.08.2018

Б. Сағынтаев Шымкентті республикалық маңыздағы қала ретінде дамыту жөнінде кездесу өткізді

20.08.2018

Ригада «Шахмат патшалығы» атты анимациялық фильмі таныстырылды

20.08.2018

Ақмола облысының әкімі Дмитрий Алексанинге құттықтау жеделхатын жолдады

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Өмір – әділ

Біреулер өмірді қарғап-сілеп жатады. Оның әділетсіз екендігін айтады. Рас-ау дейсің кейде. Егер өмір әділ болса, неге адам баласы әртүрлі? Біреу – бай, біреу – кедей. Біреу – сұлу, біреу – көріксіз. Біреу – ауру, біреу – сау. Расында да өмір дегенің күн мен түн, ыстық пен суық секілді қа­рама-қайшылықтардың ортасы екен ғой.

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу