Головкин Сондерспен кездесуден неге бас тартты?

​Орта салмақтағы WBA (Super), IBO, WBC және IBF тұжырымдары бойынша әлем чемпионы, қазақстандық боксшы Геннадий Головкин 19 наурызда америкалық боксшы Дэниел Джейкобсқа қарсы өткізген жекпе-жектен кейін өзінің келесі кездесуін жазда Астанада өткізетінін мәлімдеген еді.
Егемен Қазақстан
16.04.2017 8410
2

«Келесі жекпе-жегім 17-маусымда өтіп қалуы мүмкін. Сол күні Сауль Алвареспен жекпе-жек өткізгім келеді. Мүмкін, менің келесі қарсыласым Сондерс болып қалар. Кез келген ұсынысты қабылдауға дайынмын». Өз кезегінде Билли Джо Сондерс те Головкинмен қай жерде болмасын жұдырықтасқысы келетінін, тіпті Қазақстанға да келуге дайын екенін мәлімдеді. 

- Кез келген жерге баруға дайынмын. Жекпе-жектің Қазақстанда өтетініне байланысты уайымым жоқ. Ашық алаңда да жұдырықтаса беремін. Егер Головкинге WBO белбеуі қажет болса, мен оны бәске қоюға дайынмын. Расында Головкин мықты, алайда ол мен сияқты боксшымен әлі кездесіп көрген емес. Тіпті, мен бабымда болған кезде менің деңгейіме жетпейтін Джейкобстың өзі оған қарсы төтеп бере алды, - деді Сондерс. Екеуінің осы пікірлерінен кейін бокс жанкүйерлері 17-маусым күні Астанада Головкин-Сондерс жекпе-жегі өтетініне сене бастаған еді. 

Алайда, жуырда шетелдік және еліміздің БАҚ өкілдері Геннадий Головкин британ боксшысы Билли Джо Сондерспен ЕХРО аясында Астанада өтеді деп жоспарланған жекпе-жектен бас тартқанын хабарлады.

Головкин-Сондерс жекпе-жегі өтпеуінің 2 себебі

Бокс сарапшыларының айтуынша, Головкин-Сондерс жекпе-жегі өтпеуінің 2 себебі бар. Бірінші себеп, Геннадийдің Джейкобспен кездесуде жарақат алып қалуы. GGG бапкері Абель Санчес шәкіртінің жарақаты бар екенін айтқанымен, Головкиннің командасы әлі нақты бір мәлімдеме жасамады. Геннадийдің жарақаты туралы сөзіміз жалаң болып қалмас үшін, осы жерде Абель Санчестің пікірін келтіре кетейік: 

«Головкин Джейкобспен өткізген кездесуден кейін шамалы мазасы болмай тұрды. Әдетте жарақат жекпе-жектен екі не үш күн өткеннен кейін байқала бастайды. Біз Головкинмен бірге ұзақ уақыттан бері жұмыс істеп келеміз. Сондықтан, жарақаты ауыр болса, ол маған айтар еді. Алайда, Головкин шағым айтатын боксшылардың қатарынан емес. Бұл жекпе-жектен кейін болатын кішігірім жарақаттар. Себебі, жекпе-жек қиын болды» дейді Санчес. 

Осы пікірде бір шикілік бар екенін аңғаруға болады. Өйткені, Абель жекпе-жектен кейін Головкиннің мазасы болмады десе, екінші сөзінде жарақаттар 2-3 күннен кейін шығатын еді дейді. Жекпе-жектен соң Геннадийдің мазасы болмай тұрса, белгілі бір деңгейде жарақаты бар деген сөз. Ауыр жекпе-жектен кейін жарақат болатыны да рас. Демек, Сондерспен кездесу жарақат себебімен бас тартып отыр және ол жекпе-жекке Головкин дайын емес. Сөзіміз жалған болмас үшін, мынадай мысал келтіре кетейік. 

Головкиннің жарақаты жеңіл дегеннің өзінде, оны толық емдеуге шамамен 1 айға жуық уақыт кетеді деп есептейік. Әрине, біз Геннадийдің жарақаты бар екенін, оның қаншалық ауыр екенін анық айта алмаймыз. Бұл тек жорамал. Сонымен қатар, мұндай ауыр кездесуден кейін боксшы қалпына келу үшін кем дегенде 2-3 апта қажет. Ал, келесі жекпе-жекке дейін бабына ену үшін спортшыға 8-10 апталық жаттығу жұмысы қажет болады. 

Енді есептеңіз, Головкин-Сондерс жекпе-жегі 17-маусымға жоспарланған. Ал, Геннадийге емделу мен қалпына келу үшін бір жарым ай қажет болса, бабына ену үшін 2 - 2,5 ай жаттығу керек. Сөйтіп, жекпе-жекке толық дайын болу үшін 4 айдан көп уақыт керек болады. Ал, Головкин-Сондерс жекпе-жегіне 3 айдан сәл асатын уақыт бар еді. Осының бәрін назарда ұстаған Геннадийдің командасы Сондерске қарсы өтетін жекпе-жектен мәдениетті түрде бас тартқан болуы мүмкін. 

Екінші себеп

Геннадий Головкиннің британдық боксшыға қарсы кездесу өткізуден бас тартуының екінші себебі  күзге жоспарланған Головкин-Альварес жекпе-жегі. Әлем жанкүйерлері екі боксшы арасындағы жұдырықтасуды 2 жылдан бері тағатсыздана күтіп жүр. Және бұл кездесудің өтуі биыл шырқау шегіне жетті және екі тарап та үлкен сомадағы қаржыға кенелмек.

Егер бұл жекпе-жек биыл ұйымдастырылмаса, Головкин Сондерспен шығып, орта салмақтағы барлық белбеуді иеленсе, Головкин-Альварес жекпе-жегінің маңызды болмай қалуы мүмкін. Әрине, WBO белбеуі үшін Джо Сондерс сияқты ұстатпайтын боксшымен жұдырықтасу Головкин үшін тиімдірек. Бірақ, мексикалық боксшының промоутері Головкинмен жекпе-жектің құны қазір ең жоғарғы деңгейге жеткенін біліп, Оскар Де Ла Хоя бұл кездесуді биылдан қалмай ұйымдастырғысы келеді. 

Кәсіпқой бокс бизнес болған соң екі тарап та қомақты қаржыдан қағылып қалғысы келмейді. Том Лефллер де Головкиннің Сондерске қарсы өткізетін жекпе-жекте жарақат алып қалуынан емес, қыркүйектегі жекпе-жектің өтпей қалуы қаупінен британдық боксшымен кездесу өткізуден бас тартқан болуы мүмкін. 

Түйін

Жалпы, Головкин командасының Сондерске қарсы жекпе-жек өткізуден  бас тартуы Головкин-Альварес кездесуін ұйымдастыруға мүдделі екенін аңғартады. Сондай-ақ, Сауль «Канело» Альварес 6 мамыр күні отандасы Хулио Сезар Чавеспен жекпе-жектен кейін орта салмаққа, яғни Геннадий Головкиннің салмағына ауысатынын хабарлады. Демек, Головкин-Альварес кездесуінің ұйымдастырылуы 80 пайызға белгілі болған сияқты.  Дегенмен, біздікі тек болжам, ал нақты ресми хабарламаны алдағы уақытта екі боксшының ресми өкілдері жариялауы тиіс.

Әли Битөре, 

«Егемен Қазақстан»

СОҢҒЫ ЖАҢАЛЫҚТАР

15.10.2018

Қазақстан Президенті «Ақтөбе» индустриялық аймағына барды

15.10.2018

Елбасы «ACE Tennis Center» теннис орталығына барды

15.10.2018

Нұрсұлтан Назарбаев Мұз сарайын аралап көрді

15.10.2018

Мемлекет басшысы Ақтөбедегі «Аяла» балаларды сауықтыру орталығына барды

15.10.2018

Елбасы «DaruZharygy» жауапкершілігі шектеулі серіктестігінің офтальмология орталығына барды

15.10.2018

«Қазақ радиолары» ЖШС-ның Бас директоры тағайындалды

15.10.2018

Брексит: келісімге қол жетпеді

15.10.2018

Геннадий Шиповских: Мұғалім мәртебесін асқақтату еліміз үшін аса маңызды (ВИДЕО)

15.10.2018

Сенаторлар Атырау қалалық Бизнес және құқық колледжінде кездесу өткізді

15.10.2018

Станимир Стоилов: Әлеуетін толық көрсете алмай жүрген футболшылар бар

15.10.2018

Павлодарда құрылысы ұзаққа созылған 25 нысан анықталды

15.10.2018

Елбасы жұмыс сапарымен Ақтөбе облысына барды

15.10.2018

Қыздар университеті «Туған жерге тағзым» жобасын жүзеге асыруға кірісті

15.10.2018

«Ұстаз мәртебесі туралы» заңды әзірлеуге салалық кәсіподақ белсенді түрде атсалысады

15.10.2018

Өзбекстанда импорт өсіп, экспорт көрсеткіші төмендеді

15.10.2018

Нұрсұлтан Назарбаев Арыстанбек Мұхамедиұлын қабылдады

15.10.2018

Мұратхан Шүкеев Жамбыл облысы әкімінің орынбасары болып тағайындалды

15.10.2018

Теннисшілердің әлемдік рейтингі жаңартылды

15.10.2018

Ұшқындағы үшем

15.10.2018

Армения әскері Таулы Қарабаққа қатысты атысты тоқтату режимін бұзды

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

Қарашаш ТОҚСАНБАЙ, «Егемен Қазақстан»

О́mir kúzetindegi meıirim

Otbasylyq jáne jeke basynyń jaǵdaıyna baılanysty Germanıadaǵy oqýynan eriksiz qol úzip, týǵan jerge oralǵan Ǵabıt Nurhanuly esimdi azamattyń feısbýktegi jazbasy kóńilge túrli oı saldy. Elimizdegi densaýlyq saqtaý salasyndaǵy kóptegen túıtkildi synaǵan avtor nemis halqynan kóp nárseni úırenýimiz kerek deıdi.

Арнұр АСҚАР, «Егемен Қазақстан»

Týrızmdi damytý qonaqjaılyqtan bastalady

Tetigin tapqan elder týrızm salasyn sarqylmaıtyn tabys kózine aınaldyryp alǵan. Qyzyǵa qarap otyrsaq, bul saladan qyrýar qarajat túsetinin aıtpaǵanda, kóptegen jumys orny ashylyp,  eldiń tórtkúl álemge jaqsy aty shyǵyp jatady eken.  Al kez kelgen qonaqtyń kóńilin tabýǵa eń birinshi ashyq-jarqyn qabaǵyń, odan keıin dámdi tamaǵyń kerek ekeni álmısaqtan belgili aksıoma emes pe.  

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу