Головкиннің ең ұзақ жекпе-жегі

Жақында Нью-Йорктегі атақты Madison Square Garden аренасында қазақстандық былғары қолғап шебері Геннадий Головкин АҚШ боксшысы Дэниель Джейкобспен кездесті. Тартысты жекпе-жек отандасымыздың жеңісімен аяқталды.
Егемен Қазақстан
23.03.2017 1346
2

Қазақ халқы қашаннан жауынгер халық қой. Сондықтан, жекпе-жек өнері біздің қанымызға әбден сіңіп кеткен. XX ғасырдың орта тұсында қазақ даласына Шоқыр Бөлтекұлы бокс деген ұлы өнердің шыбығын қадады. Сол шыбық бүгінде мәуелі бәйтерекке айналды. Кеңес Одағы кезінің өзінде талай дарындар шықты. Ал тәуелсіздік жылдары тіптен көбейді. Бірақ, сол бокстың өзі екіге бөлінеді. Біреуі – әуесқой, екіншісі – кәсіпқой бокс. Алғашқысынан әлемдегі державалардың біріміз. Олимпия ойындарынан алтынсыз қайтқан емеспіз. Ал екіншісі енді-енді қанат жайып келеді. Тоқсаныншы жылдардың соңында жерлесіміз Василий Жиров шығып, дүниені дүр сілкінткен еді. Одан кейінгі буынның арасында Геннадий Головкин, Бейбіт Шүменов, Қанат Ислам секілді жігіттердің жұлдызы жарқырады. Қазір кәсіпқой боксқа ауысып жатқан қазақ жігіттерінің саны көп. Дегенмен, әлемдік деңгейде атағы алысқа кеткен ешкім болмай тұр. Өйткені, кәсіпқой бокс деген таза бизнес. Бұл жерде спорттық принциптен гөрі мол ақша бірінші орында тұрады. Сондықтан, әрбір жекпе-жегі үшін гонорарды көп алатындар мен жарнамасы жақсылардың танымалдылығы жоғары. Сондай-ақ, әлемнің кілең үздіктерімен жұдырықтасып, оларды жеңсең ғана мерейің асқақтайды. Кейбір жігіттер өздерінен деңгейі өте төмен Африка, Колумбия елдерінің боксшыларын ұтып, жеңістерінің санын көбейтумен шектеліп жүр. Бұл жағдай боксшыға абырой әпермейді.  

Осы тұрғыдан келгенде, қазіргі кәсіп­қой бокста басты жұлдызымыз Генна­дий Головкиннің 160 фунт салмақ дәре­жесін­дегі Сауль Альварес (Канело), Билли Джо Сондерс секілді мықтыларды ұтып, абсолютті чемпион болғанын қалаймыз. Сонан соң, басқа салмаққа ауыс­са деген тілегіміз бар. Атақты кәсіп­қой боксшылардың көбісі бірнеше салмақ дәрежесінде чемпион болып, жанкүйерлер мен мамандарды еріксіз мойындатқан. Ондай дәрежеге жетуге Головкиннің толық қауқары бар. Бастысы, промоутері сауатты жұмыс істей білуі қажет.

Енді, Геннадийдің Дэниель Джейкобс­пен өт­кізген соңғы жекпе-жегіне тоқталып өтсек.

Жерлесіміз шаршы алаңда алғаш рет 12 раундтық жекпе-жекті толығымен өткізді. Соңғы жылдары барлық қарсыластарын нокаутпен ұтып, жанкүйерлерін соған әбден үйретіп алған еді. Бұл жолы қарсы­ласын ұрып құлатпағаны мамандар мен көрермендерді таңғалдырғаны рас.

Жекпе-жек алдында екі боксшы салмақ өлшеген болатын. Соңғы салмақ өлшеу рәсімінде Генадийдің салмағы 159,6 фунт (72,4 кило) болса, Дэниэлдің салмағы 159,8 фунт (72,5 кило) тартты.

Алғашқы раундтарда екі боксшы бір-бірінің осал тұсын іздеп, зерттеумен болды. Төртінші кезеңде Генаның бір жойқын соққысы қарсыласын есеңгі­реткен еді. Дегенмен, Джейкобс тегеурін танытып, тығырықтан жол тауып кетті. Соңғы раундтарда екі боксшы да шаршап қалды. Бірақ қарсыласына қарағанда Головкиннің көп соққы жасаға­ны рас. Нәтижесінде, жерлесіміз кезекті жеңі­сін тойлады. Бірақ, ұзаққа созыл­­ған нокаут­тар сериясы осы жерде тоқта­ды. Джей­кобстың 7-8-9 раундтар­дағы ерекше бел­сенділігін айта кеткен де ләзім.

Үш төреші тиісінше, өз есептерінде 115-112, 114-113, 115-112 деп бағалаған екен. Сөй­­тіп, Геннадий өзінің кәсіпқой бокс­тағы 37-ші жеңісіне қол жеткізді. Қараған­ды­лық өрен орта салмақ дәрежесінде WBA (Su­per), IBO және WBC нұс­қа­лары бойын­ша әлем чемпионы ата­ғын сақтап қалды. Ол WBA (Super) бел­беуін 17-ші, IBO бел­беуін 15-ші және WBC белбеуін 2-ші рет қорғады.

Головкин осы жеңісі үшін 2,5 мил­лион доллар көлемінде сыйақы алды. Бұл оның АҚШ жеріндегі қомақты та­бы­сы. Жалпы, Геннадий спорттық ман­­сабындағы ең ірі табысына өткен жылы Ұлыбританияда Келл Брукті жең­ген­де қол жеткізген болатын (4 миллион АҚШ доллары). Жерлесімізден жеңілген Дэниель Джейкобс та сыйақыдан құр алақан қалмады. Оған 1,75 миллион доллар көлемінде гонорар берілді.

Джейкобс өзінің жеңіске жеткеніне сенімді. Төрешілердің шешімі әділетсіз деп отыр.

– Мен бұл кездесуде жеңіске жеттім. Жанкүйерлер менің бұл пікіріммен келіседі деп ойлаймын. Тым құрығанда екі раундта қарсыласымнан үздік болдым. Бірақ, бұл бокс. Әлбетте, ол маған қарағанда танымал. Сон­дықтан әділетсіздіктің құрбаны бол­­дым. Головкин мен Канелоның жекпе-жегі­не үлкен көлемде қаржы тігіліп отыр. Сондық­тан, осы жолы ол жеңілгенде бұл кез­десу­дің өтпей қалу ықтималдылығы жоға­ры болушы еді. Бұл жағдай біздің жек­пе-жекке өз әсерін тигізді. Мен соңына де­йін барып, оны шегінуге мәжбүр еттім. Өзім­нің жеңілмегеніме сенімдімін. Қарым­та қайтарғым келеді. Бірақ, оған Ген­на­дий келісе ме, жоқ па білмеймін. Өзім­нің орта сал­мақтағы үздік боксшы екені­ме сенім­ді­мін. Мен Головкиннен шар­шы алаң­да бұ­дан да жоғары қауқар күтк­ен едім. Алайда, олай болмай шықты, – дейді Джейкобс.

Ал Геннадийдің пікірі мүлдем басқа. Қазақстандық өзінің күшін тексеріп көру мақсатында жекпе-жекті соңына дейін созғанын айтады.

– Бұл бокс. Маған төрешілердің шешімімен анықталатын 12 раундтық жекпе-жек қажет болды. Маған жақсы, сапа­лы жекпе-жектер керек. Егер Дэнни қарым­­та кездесуді қаласа, мен оған мүм­кіндік беремін, – дейді Головкин.

Зады, Джейкобс бір өлімнен аман қалған боксшы. 2011 жылы велосипед теуіп жүрген жерінде құлап, есінен танып қалады. Ауруханаға жеткізілгенде өзінің қатерлі ісікпен ауыратынын білген. Боксшы сол аты жаман ауруды жеңіп, кәсіпқой спортқа қайта оралды. Содан кейін шаршы алаңда ешкімнен ұтылмады. Ал оның алдында ресейлік Дмитрий Пирогтан нокаут алып қалған болатын. Бұл оның карьерасындағы екінші жеңілісі. Бір қызығы, екеуінде де ТМД боксшыларына жол берген екен.

Отандық бокс жанкүйерлері Геннадий Головкиннің енді ЭКСПО-2017 көрмесі аясында Астанада жекпе-жек өткізгенін қалайды. Жерлесіміз өзі де туған жері Қазақстанда жұдырықтасуға дайын екенін бірнеше рет айтқан болатын. Әзірге қарсыластарының арасынан Билли Джо Сондерстің кандидатурасы сәйкес келіп тұр. Британдық боксшы орта салмақта WBO тұжырымы бойынша әлем чемпионы, WBO International, EBU, Британия Достастығының, BBBofC чемпионы. Шаршы алаңда жеңілмей келе жатқан жампоздың бірі. Егер Сондерспен кездесіп, оны жеңсе, Головкин орта салмақтың абсолютті чемпионы атанады.

– Головкин жақын күндері 35 жасқа толады. Ол Джейкобспен кездесуінде өзінің қарапайым адам екенін көрсетті. Головкинмен жекпе-жек өткізу мен үшін арман. «Твиттерде» промоутері Том Леффлермен сөйлестім. Ол келісімшарт өткен аптада дайын болғанын айтқан еді. Қазақстанда кездесу өткізуге дайын­мын. Мен онымен 11 аптадан кейін ай­қасуға сақадай сай екенімді айта ала­мын. Егер олар 5-6 аптадан кейін жек­пе-жек ұйымдастырғысы келсе, келі­сім бермеймін. Көбі менің нокаутқа құла­ғаным­ды күтеді. Қазір мен дайында­лып жүрмін. Келісімшарт осы аптаның соңына дейін жасалса деймін. Бизнестің аты бизнес. Осы айтылған мерзімде менімен жолыққысы келсе, онда жекпе-жекті бірге ұйымдастырайық. Осыған дейін олар­дың ұсыныстары ақылға қонбайтын еді. Сол үшін келіспей жүрдім. Егер қазіргі ұсыныстары көңілден шығады. Ал тағы бір ай күткізіп қоятын болса, онда өз жолыммен кетемін, – дейді Сондерс.

Енді Головкин мен оның команда­сы­ның жауабын күту ғана қалды.


Бек ТӨЛЕУОВ,

журналист

АСТАНА


СОҢҒЫ ЖАҢАЛЫҚТАР

09.12.2018

Алпамыс Шәрімов: Қайырымдылық жасау үшін бай болу қажет емес

09.12.2018

Павлодар облысында 1 мыңнан астам кәсіпорын 1,6 трлн. теңгенің өнімін шығарған

09.12.2018

Қостанай облыстық қазақ драма театры Шәмші туралы спектакль қойды

09.12.2018

Павлодарда «ҚазАвтожол» АҚ-ның облыстық филиалына қатысты қылмыстық іс тергелуде

09.12.2018

Маңғыстау полициясының басшысы халық алдында есеп берді

09.12.2018

Ұлытау ауданында спорт нысандары салынады

09.12.2018

Үздік шаруашылыққа жаңа трактор тарту етілді

09.12.2018

Aktobe Invest-2018 форумында 300 млрд теңгеге меморандумдарға қол қойылды

08.12.2018

Семейдегі колледж ұжымы бойжеткенге пәтер алып берді

08.12.2018

Тарбағатай ауданының әкімі семейлік жастармен кездесті

08.12.2018

ШҚО Алтай ауданында Татуласу орталығы ашылды

08.12.2018

Күй жетті Алтай-Қобда – арғы беттен...

08.12.2018

Астанада Өспен ауылының азаматтары бас қосты

08.12.2018

Өспен ауылының ардагерлері «Егемен Қазақстан» газетіне қонаққа келді

08.12.2018

Ақтөбе облысының жастары сарапшылармен бірге Президенттің мақаласын талқылады

08.12.2018

Қазақстан-Перу саяси консультациялары өтті

08.12.2018

Астанада бірыңғай 112 байланыс орталығы құрылмақ

08.12.2018

Шорт-тректен әлем кубогінде жерлестеріміз жартылай финалға өтті

08.12.2018

Юлия Галышева фристайлдан әлем кубогінің күміс жүлдегері атанды

08.12.2018

8 желтоқсанға арналған ауа райы болжамы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

Сайраш ӘБІШҚЫЗЫ, Қазақстанның білім беру ісінің құрметті қызметкері

Halyq sózinde birtutastyq, birlik bar

«Halyq» sóziniń mán-maǵynasy óte tereń ekeni barshaǵa málim. Másele – osyndaı saıası astary aıryqsha sózdi qalaı qoldanyp júrgenimizde. Merzimdi baspasóz betterindegi habarlardan,  teleradıo arnalardan, ózara áńgimeden «aýyl halqy», «qala halqy» degendi oqyp ta, estip te júrmiz. Máselen, telearnalardyń birinen «Arshaly aýdanynda 27 myń halyq bar» degendi estidim de, «halyq sózin durys qoldanaıyq» dep, ózimniń oı dápte­rime jazyp qoıdym. Sebebi orys tilinde «narod sela» nemese «narod derevnı», «na­rod raıona», «narod goroda» demeıdi, tipti jazbaı­dy. Bul tilde «naselenıe», «jıtelı», «gorojane», «selchane» deıtinin bilemiz. Biz qazaqsha «aýyl turǵyndary», «qalalyqtar» nemese «qala turǵyndary» desek, ekpini báseń bolyp, birdeńe joǵaltyp alatyndaı, «aýyl halqy», «qala halqy» dep qysqa qaıyramyz. Sonda deımin-aý, qazaǵymyzdy bólip, jiktep, birtutas halyq sanatyna qospaı turǵanymyzdy nege ańǵarmaımyz?!

Дидар Амантай,

Túsiniktiń kúıreýi

Sońǵy jyldary, sandyq tehnologıalyq ónimderdiń (iPhone, Red One, digital camera, information technology) alǵashqy nusqalary (computer, printer, scaner, copier), shyqqanyna tabany kúrekteı jarty ǵasyrǵa jýyq ýaqyt, jeteqabyl mezgil ótkende, ozyq qoǵamdarda, qala berdi, damýshy elderde, tipti, jalpy adamzattyq mádenı-rýhanı keńistikterde iri-iri qomaqty ózgerister júrdi. 

Думан АНАШ, «Егемен Қазақстан»

Ejelden metal ılegen el

Memleket basshysy Nursultan Nazarbaevtyń jýyrda jaryq kórgen «Uly dalanyń jeti qyry» atty maqalasy búginde 30-dan astam ult pen ulystan turatyn, jalpy sany 200 mıllıonǵa jýyqtaıtyn, ońtústik-batysta Jerorta teńizi jaǵalaýynan bastap, soltústik-shyǵysta Soltústik Muzdy muhıtqa deıingi Eýrazıa qurlyǵynyń apaıtós alyp dalasynda 6 táýelsiz memleket, onyń ishinde Reseı Federasıasynda 20-dan astam túrki tildes halyqtardyń túrli sýbektilerimen, keı jerde avtonomıalyq, keı jerde esh sýbektisi bolmasa da iri oblys quramynda ómir súrip jatqan túrki halyqtarynyń ortaq kóne tarıhyn qamtıtynymen erekshe deýge bolady. Iаǵnı osynaý baıtaq keńistikte bul halyqtar bir kezderi bir memleket quramynda ómir súrip, álemdik órkenıetke ózderiniń laıyqty úlesin qosty.

ҰҚСАС ЖАҢАЛЫҚТАР

Тағы да оқу

Пікір қосу