Кеше ЭКСПО-2017 алаңында қандай шаралар өтті?

ЭКСПО-2017 халықаралық көрмесі аясында Қытай Халық Республикасының павильонында Хэнань провинциясының күндері салтанатты жағдайда ашылды. 
Егемен Қазақстан
09.08.2017 1314
2

Хэнань провинциясының күндері

Шара барысында Қытайдың Халықаралық сауданы дамыту­ға жәрдемдесу комитеті төра­ға­сы­­ның орынбасары Чэнь Чжоу, Хэнань провинциясының вице-губернаторы Шу Цин, Қытай Ха­лық Республикасының Қазақ­стан Республикасындағы елшілі­гінің уақытша сенімді уәкілі Лю Цзяньпин және Ақмола, Қостанай, Павлодар облыстарының кәсіп­керлері мен әкімдіктерінің өкіл­дері бас қосты. Олар сауда, ауыл шаруашылығы, энергетика салаларындағы түрлі жобаларды талқылады. Іскерлік жүз­де­суге 200-ден аса қытайлық жә­не 150 қазақстандық кәсіпкер қа­тысты.
Соңғы қырық жыл ішінде бірқатар реформаларды жүзеге асыруға байланысты Хэнань Қытайдағы өнеркәсіптің жаңа са­­лалары мен экономика орталы­ғы­на айналды.

Қоршаған ортаны қорғау тәсілдерімен бөліседі

ЭКСПО-2017 халықаралық көрмесінде Италия павильонының өкілдері Базиликата өңірімен таныстырды. Мемлекеттің оңтүстігінде орналасқан қалада жаңғырмалы энергия көздерін пайдалану үшін барлық жағдайлар жасалған. Италияның дәл осы аймағы Еуропаның барлық елдері арасында ең көп мұнай өндіретіндігімен танымал. Сонымен қатар, қоршаған ортаны қорғау мақсатында мұнай өндіру кезінде зиянды қалдықтарды барынша аз бөлуге ұмтылады. Осы бағыттағы ғылыми жаңалықтарға ден қойып, соны технологияны пайдаланады.

Италияның Экология саласын­дағы ғылыми кеңесі Әдіс­нама және талдау инс­титутының өкілі және зерт­теу­шісі Симона Луп­перте көр­ме­де энергетикалық салада қол­данылатын әдістер таныс­тырылатынын жеткізді. «Біз экология, экологиялық әсер ету және энергетикалық ресурстар саласындағы мәселелермен айна­лысамыз. Өз жұмысымды он жыл бұрын бастаған едім. Қазір электр энергиясын өндірудің қоршаған ортаға әсерімен байланысты экологиялық мәселелер саласын­да ғылыми жұмыс жүр­гі­зу үстін­демін. ЭКСПО-2017 көр­ме­сінде мен энергетикалық ресурс­тарды пайдалану ке­зін­де эколо­гия саласында қол­да­нылатын әдіс­термен та­ныс­тырмақпын», деді ол. 
Базиликатада табиғи қазба­лар­­мен қатар, жаңғырмалы энергия көздері де пайдаланылады. Әсі­ресе, күн энергиясы мен жел элек­тр стансаларына ерекше мән берілген. 
«Аджип Карачаганак» ком­паниясының басқарушы директоры Джерардо Травалио Ба­зиликата мұнаймен ғана емес, әдемі табиғатымен және сәу­ле­тімен белгілі екенін алға тарт­ты. «Бұл өңір басқа аймақтар­мен бірге бағдарламасын жасап, ЭКСПО-2017 көрмесіне қатысу туралы ұсынысты қабылдады. «Болашақтың энергиясы» тақы­ры­бы біздің өңіріміздің бағыт-бағдарына толық жауап береді. Базиликата жел энергиясы мен күн қуаты өндірісіне көп күш са­лады», деген Д.Травалио ЭКСПО-2017 көрмесі туралы пікі­рі мен алған әсерін де жасыр­мады. 
«Миландағы ЭКСПО-2015 көр­месінде де Қазақстанның па­вильоны ең жақсы п­а­ви­льондардың бірі болған еді. Мұнда келіп, оған тағы да көз жеткіздім. Базиликата өңірі жаңғырмалы энергия көздері саласындағы өз жобаларын таныс-
тыра алатынына өте қуанышты», деді ол. 
Италия павильонындағы Базиликата апталығы 12 тамызға дейін жалғасады. 

Күніне – 44 мың 80 адам

ЭКСПО-2017 халықаралық көрмесіне өткен аптада 308 мың 560 адам барған. Демек, күніне 44 мың 80 келуші бас қаладағы басты нысанды тамашалап, алуан түрлі жобаларға тәнті болған. 

Ресми статистикаға сүйен­сек, 10 маусым мен 6 тамыз аралығында тың жобалар ұсынылған шараны тама­шалағандар саны 2 миллион 102 мың 692 адамға жетіпті. Келушілердің дені бас сұғатын көрме кешендері арасында «Нұр әлем» сферасы көш бастап тұр. Диаметрі – 80, биіктігі 100 метрді құрайтын қазақстандық павильонда электр энергиясы тақырыбы жан-жақты қамтылған. Меймандарды коммерциялық және тақырыптық нысандар ерекше қызықтырады екен. 
Павильондарға келсек, Афри­ка плазасына ағылған елдің қа­ра­сы қалың. Өзіндік өнері мен төл мәдениетіне сай халықтық билері мен дәстүрі дүйім жұртты таңдай қақ­тырып отыр. Келушілер жағы­нан үздік деп танылған павильондар тізіміндегі ондықта Мысыр, Үндістан, Түркия, Ресей, Әзербайжан, Таиланд, Жа­пония және Өзбекстан мен Сауд Арабиясы бар.

Доминикан достық қарым-қатынасқа мүдделі

ЭКСПО-2017 халықаралық көрмесі қалашығында Доминикан Республикасының ұлттық күні өтті. Кариб аралдарында орна­лас­қан шағын ғана мемлекет экспортқа қант, кофе және басқа да тауарлар шығарумен айналысады. Қазақстанмен бұл елдің ара­сын­дағы ынтымақтастық енді ғана даму­да, әріптестікті ілгерілетуге екі жақ та мүд­де­лі. Доминиканның «жасыл» энергетика сала­сын­дағы әлеуетін айтсақ, онда жылына 800 МВт қуат өндіретін жаңғырмалы энергия көздері бар. Оның 600-і гидроэлектр стансаларына тиесілі, 135-і – жел турбиналары. Қалғаны – биомасса мен күннен қуат жинайтын стансалар. Олар алдағы уақытта тағы 400 МВт қуат өндіретін баламалы энергия көздерін құруды жоспарлап отыр. Ол үшін 800 млн АҚШ доллары қажет екен. 
Доминикан Республикасы біздің елімізді Орталық Азиядағы стратегиялық әріптес ретінде қарастырады. Мемлекеттің Үндістандағы елшісі Ханс Данненберг ЭКСПО-2017 көрмесі аясындағы мереке барысында екі елдің қазіргі қарым-қатынасы жөнінде әңгімеледі. «Біздің елімізге қыдырып, демалуға келетін қазақстандықтардың саны жыл сайын артуда. Екі ел азаматтарының қолайлылығы үшін біз «Эйр Астана» компаниясымен келісімшартқа қол қойдық. Доминикан халқы ЭКСПО-2017 көрмесіне қатысып жатқанына өте қуанышты және бірінші кезекте Латын Америкасының Кариб өңірінде Қазақстанның стратегиялық әріптесі болуға ниеттіміз», деді Ханс Данненберг.
Доминикан Республикасының энергетика және минералды ресурстар министрі Антонио Иса Елбасы Нұрсұлтан Назарбаевқа халықаралық шараға қатысуға мүмкіндік бергені үшін ризашылығын білдірді. «Жаңғырмалы энергия көздері теңсіздік проблемасын шешуге мүмкіндік береді деп ойлаймыз. Қазіргі уақытта біз шалғайдағы елді мекендерде микрогидравлика құрылысы стратегиясын әзірлеу үстіндеміз. Бұл көптеген адамдардың өміріне өзгерістер енгізеді», деді Антонио Иса Конде.
Қазақстан тарапынан сөз сөйлеген Сыртқы істер министрінің орынбасары Ержан Ашықбаев мұндай ауқымдағы көрме бір мемлекеттің күшімен ғана емес, барлық халықаралық қоғамдастықтың ортақ жұмысының арқасында өтіп жатқанын айтты. «Жаңғырмалы энергия көздері мен қоршаған ортаны қорғау саласындағы Қазақстан-Доминикан қарым-қатынастарының одан әрі нығаюы аса маңызды. Доминикан Республикасы энергетика және минералды ресурстар министрінің Қазақстанға сапары екі елдің ынтымақтастығында маңызды рөл атқарады», деді ол.
 

Топтаманы әзірлеген Асхат РАЙҚҰЛ,

суреттерді түсірген Орынбай Балмұрат,

«Егемен Қазақстан»

СОҢҒЫ ЖАҢАЛЫҚТАР

19.02.2019

Салық төлеушілердің 20 миллион теңге өсімпұлы кешірілді

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол-көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу