Хас талантқа қамқорлық қажет

Жұмыс бабында бүгінгі спорты­мыз­дың жай-күйі туралы осы сала­ның отымен кіріп, күлімен шы­ғып жүрген азаматтармен жиі әң­гі­мелесуге тура келеді. Сала­ның сан-са­­лалы мәселесін бес саусағындай бі­­ліп қана қоймай, олардың шешу жол­­дарын да талмай іздестіріп жүр­ген осы жандардың спортқа де­ген жанашырлық пейілін көріп кө­ңілдің марқаятыны бар. Сондай аза­маттың бірі – Ұлттық штаттық ко­мандалар және спорт резерві ди­рек­­циясы директорының бірінші орын­басары Самат Ерғалиев.
Егемен Қазақстан
18.05.2017 555

Таяуда Самат мырзамен арадағы әңгіме жасөспірімдер мен жастар арасында жарқырай көрінген кейбір дарынды спортшылардың ересектер спортына жетпей «жоғалып» кететіні жайлы өрбіді. 
«Бұл, – дейді Самат Ерғалиев, – спорты­мыздағы шетін мәселенің бірі. Бізде жастар мен ересектер спортының арасында «алтын көпір» рөлін атқаратын тетік болмайынша, іс алға жылжымайды. Неге десеңіз, сабақтас дәнекерліктің жоқтығынан жыл сайын ел спортының болашағына баланған небір дарынды спортшыларымыздан айырылып қалып жүрміз. Мәселен, жасөспірім немесе жастар арасында жарқыраған өреннің бәрі құрама командаға мүше болып қабылдана бермейді. Екі үздіктің біреуіне ғана мұндай бақтың бұйыруы мүмкін. Сон­да, таланты алдыңғысынан бір мысқал да кем емес екіншісі қайтпек? Рас, қа­зіргі таңда әр спорт түрі бойынша фе­дерацияларда екі ортада қалып қойған дарынды жастарға арналған тәжірибелік орталықтар ашыла бастады. Міне, таланттың ашылуына зор мүмкіндіктер беретін осы орталықтар мем­лекет тарапынан жан-жақты қам­қор­лыққа алынса, нұр үстіне нұр болар еді».
Иә, мемлекет бұл мәселеге мойын бұрмайынша, жас ерекшеліктері бойынша дүниежүзілік додаларда жүлдегер атанып жүрген өрендеріміз өгей баланың күйін кешері анық. Мысалы, жарыстарда үнемі екінші, үшінші болып жүрген жас дарынның ба­ғы өсе келе жануы әбден мүмкін ғой. Жоғарыда Самат мырза айтқан тә­жірибелік орталықтарда тұрып, ше­берлік ұштаған оғландар, біле-білсек спорты­мыздың сарқылмас қоры ғана емес, бәсекелестіктің қайнар көзі де емес пе? 
Осындайда еске түседі. Қараған­ды­­дағы Әлия Молдағұлова атын­да­ғы спортқа бейімді, дарынды ба­ла­ларға арналған облыстық маман­дан­­дырылған мектеп-интернат 1998 жыл­ға дейін «Олимпиялық резервтер учи­л­ищесі» деп аталып келді. Яғни, бо­лашақ чемпиондардың құтханасы сол кезде спортта ерекше көзге түс­кен тәрбиеленушілерін орта мектеп аттес­татын алған соң ұядан бірден ұшы­рып жібермей, екі жылдық учили­ще­ге алып қалатын. Солардың көбі кейін­нен ересектер арасында жоғары нәтижелерге қол жеткізді. Қайсыбірі қолына училищенің дипломын алып, бапкерлік қызметтен бақытын тапты.
Міне, бүгінгі күнде мамандар осы тәжірибенің өміршеңдігін жиі айтып жүр. Расында да, бес жыл интернатта жатып, бес мезгіл тегін тамақ ішкені өз алдына, таңдаған спортының қыр-сы­рын меңгерген талай дарынды бала­ның интернаттан түлеп ұшқаннан кей­ін ұшты-күйлі «жоғалғанын» естігенде желге ұшқан есіл ақша-ай, далаға кеткен есіл еңбек-ай деп қынжыласың...
Өткен ғасырдың тоқсаныншы жыл­­дары 17-18 жасында «КСРО спорт ше­­бері» атағын алып, спортты тас­тап кеткен талай дарындыны көрдік. Әлбет­те, солардың көбі әлемдік, олим­пия­лық додаларда елдің атын шығарар си­рек талант иелері-тұғын. Рас, ол кезде заман басқа болды. Ал қазір ше? Ел есін жиып, еңсе тіктеген бүгінгі күнде бала­ғында биті бар балалардан көз жазып қалу – мамандар мен бапкерлер өз ал­дына, жалпы спортымыз үшін орны толмас өкініш емес пе? 
«Талантқа демеу керек, дарынсыз өзі-ақ жарып шығады» деген кім айтса да тауып айтқан нақыл бар. Жалғанда осы сөзде қате жоқтығына талай көз жет­кізіп жүрміз. Иә, таланттың мінезі қанша тарпаң болғанымен, қу тірліктің қитұрқысы алдында ол шіркіннің абдырап қалатыны бар. Өйткені, оларға Жаратқан ием дарынды үйіп-төгіп берген де, қарақан бастың қамын ғана күйттейтін жағымсыз мінез-құлыққа орын қалдырмаған ғой. 
Иә, ел спортының ертеңі жарқын бо­лу үшін жастар спортынан ере­сек­тер­ге өткен ерлерімізге жан-жақ­ты кө­мек мәселесі мемлекеттік деңгейде ке­шенді шешімін тапса дейсің. Да­рын­ға қанша баймыз десек те, хас та­лант­тың сұңқар құстың баласындай сыңар һәм сирек туатынын естен шығармағанымыз абзал.

Қайрат ӘБІЛДИНОВ,

«Егемен Қазақстан» 

СОҢҒЫ ЖАҢАЛЫҚТАР

20.05.2018

Солтүстік Қазақстан облысы мен «CLAAS» компаниясы меморандумға қол қойды

20.05.2018

Торғайдағы Ахмет Байтұрсынов туған үй жөнделетін болды

20.05.2018

Қостанай облысында 18-ші өрт сөндіру бекеті ашылды

20.05.2018

Қостанай қаласы «мерейлі отбасын» таңдады

20.05.2018

Батыс Қазақстан мен Астана әріптестік туралы меморандумға қол қойды

20.05.2018

Каспий жағалауында суға шомылу маусымына байланысты үгіт-насихат жұмыстары жүргізілді

20.05.2018

Ақтөбе және Орынбор облыстары ресми делегацияларының кездесуі өтті

20.05.2018

Павлодарда партиялық жоба аясында IT-орталық ашылады

20.05.2018

Екібастұздағы «Шығыс» кенішіне «Liebherr R-976 Litronic» экскаваторы әкелінді

20.05.2018

Павлодарда Медиаторлардың республикалық форумы өтті

20.05.2018

Павлодарда ауыл шаруашылық жерлері электронды картаға түсіріледі

20.05.2018

Павлодарда жүргізушілердің төленбеген көлік салығы 670 миллион теңгеге жеткен

20.05.2018

Хорватия Астанада дипломатиялық өкілдік ашпақ

20.05.2018

Самал Еслямова Канн кинофестивалінде үздік актриса атанды

20.05.2018

20 мамырға арналған ауа райы

20.05.2018

ҚарМУ-да «Рухани жаңғыру» бағдарламасын жүзеге асыру барысын талқылады

19.05.2018

АЭФ-2018 аясында жаһандық трансформация жағдайындағы азаматтық қоғам институттарының рөлі талқыланды

19.05.2018

Қазақстандық сарапшылар ғаламдық дамудың басты бес мегатренді туралы пікір білдірді

19.05.2018

Н. Назарбаев атап өткен бес мегатренд АЭФ-2018 алаңдарында кеңінен талқылануда

19.05.2018

QazaqGeography «Қазақстандық ұлттық географиялық қоғамының» кезектен тыс съезі өз жұмысын бастады

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Серік НЕГИМОВ, Қазақстанның еңбек сіңірген қайраткері

Қазақ қызы осындай

Ұлттық дүниетаным ілімінде халық­тың гүлі қазақ қызының болмысына, әдеп-ілтипатына, сұлулық, ізеттілік қасиеттеріне қатысты «Қызда оттай ыстық мейір бар», «Қызда 40 періште бар», «Қызда 40 көліктік бақыт бар», «Қыздың қабағында құт бар», «Қыз назы 40 кісіні мас қылады», «Қыз 40 істің қисынын біледі», «Бұрынғының қыздары бармағының шұңқырындағы асқа тояды» дейтін сұлулықтың тұңғиық сырларын мәлімдейтін інжу-маржан ойлар, толғамдар, лала лебіздер бар.

Тағы да оқу

Пікірлер(0)

Пікір қосу