"Хат қоржын" (10.04.2017)

Оқырман...
Егемен Қазақстан
10.04.2017 4154

...батасын береді

Азаматқа алғысымыз шексіз

Ғибадат Арынов Май аудандық мәслихатының депутаты ретінде «Ең маңыздысы – халық сенімі» атты қағидатты ұстанатын абыройлы азамат. Саламатты өмір салтын насихаттау жұмыстарын ұдайы жүргізу, ауыл шаруашылығын дамытуға мемлекет тарапынан берілетін барлық жеңілдіктер мен қаржылай қолдауға шаруа қожалықтарының түгелдей толыққанды қолжетімділігін қамтамасыз ету, шағын және орта кәсіпкерлікті дамытуға және жаңа жұмыс орындарының ашылуына атсалысу оның басты мақсат-міндеттеріне айналған.

Халық қалаулысы өмірдегі жинақтаған тәжірибесі мен күш-жігерін аянбай жұмсай отырып, үнемі жастарды төзімділікке, инабаттылыққа, ар-ұят, мейірімділікке, бауырмалдыққа шақырып, жақсы істерге жұмылдырудан жалықпайды.

Қазақта «Жақсыны мақтасаң сақтанады, жаманды мақтасаң шаттанады» деген мақал бар. Біз мақтаған емес, біреудің істеген ісіне, еңбегіне жоғары баға беруді көздеп отырған ауыл тұрғындарымыз. Ауылымыз Қаратеректен осындай абыройлы, білімді, тәжірибелі азамат шыққандығына ризашылығымызды білдіре отырып, өсіп келе жатқан жас ұрпақ осындай азаматтардан тәлім-тәрбие алып, еліне қалаулы, ардақты азаматтарға айналса екен дейміз.

Ғизат ШАЙМАРДАНОВ,

Бақытжан ШАЙМАРДАНОВА,

зейнеткерлер

Павлодар облысы,

Май ауданы,

Қаратерек ауылы


...өкініш білдіреді

«Комсомолмен» қоштасқысы келмейді

Оңтүстiк Қазақстан облысындағы әр тасы аңызға толы Қазығұрт тауының атымен аталған ауданда аты өшпейтiн «Комсомол» бар. Ол – осындағы Қызылқия ауылдық округiндегi балаларға жалпы бiлiм беретiн мектеп. Осы уақытқа дейiн «Комсомол» деп аталатын мектептiң атын жергiлiктi билiк неге қазақшаламағанын түсiнбеймiн. Бүкiл қазақ жұрты осы сияқты кеңестен қалған атауларға қырғидай тиіп жатқанда қызылқиялықтар қып-қызыл коммунистiк атаудан бас тартар емес. Соған қарағанда, жергiлiктi ономастикалық комиссияның бiр жасырғаны бар-ау... Бiр қызығы, «Комсомол» деген атаудың жанына «Айнатас» деп бiреуден қорыққандай, жақшаның iшiне жазып қойыпты. Сол атауды жақшадан шығарып, «Комсомолдың» орнына жазса не болады екен?

Өзiңiз ойлаңызшы, мектептен тарайтын қаншама құжатқа «Комсомол» деген мөр басылып, жан-жаққа кетiп жатыр. Басқасы былай тұрсын, «Комсомолға» қош келдiңiздер!» дегенi тiптен ұят қой.

Өскен ПIСТЕБЕК

Оңтүстiк Қазақстан облысы,

Мақтаарал ауданы


...әсерімен бөліседі

«Тар кезең» тағылымы

Оқырмандардың көркем әдебиетке қызығушылығын қалыптастыру мақсатында облыс бойынша «Жұлдызды шығармалар» атты оқу акция­сын ұйымдастыру қолға алынды. Биылғы оқу акциясына жазушы, Мемлекеттік сыйлықтың иегері Қажығали Мұханбетқалиұлының шығармалары арқау болып отыр.

Ғ.Сланов атындағы Атырау облыстық ғылыми әмбебап кітапханасында ұйымдастырылған «Қара сөздің хас шебері» тақыры­бындағы жазушының «Тар кезең» шығармасы бойынша оқырмандар конференциясы аталмыш акция аясында ұйымдастырылған алғашқы шара болды. Оқырмандар конференциясына шығармасы арқау болып отырған Қажығали Мұханбетқалиұлының көркем дүниелерін оқырман жылы қабылдады. Өйткені, ол көркем тілді прозасымен, ақиқаттың ауылынан алыстамай тарихи шындықты бүркемелемей бере білген шығармаларымен оқырманды бірден баурап әкетті.

Гүлжан ЕСКЕНДІР,

Ғ.Сланов атындағы Атырау облыстық

ғылыми әмбебап кітапхананың әдіскері

Атырау


...қауіп етеді

Өзіне өзі қол жұмсау – үлкен күнә

Соңғы уақытта еліміздің әр қиырында өзіне-өзі қол жұмсау көріністері кездесіп қалып жүр. Шариғат бойынша бұл – үлкен күнә. Себебі жан мен тән бізге Алланың берген аманаты. Мұның екеуін де Құдай тағала жаратқан. Демек біз өзімізді қол жұмсап өлтірсек, Аллаға қарсы шыққанымыз. Алла өзі берген жанды өзі ғана алады. Бұл туралы қасиетті Құранда: «Өздеріңді өздерің өлтірмеңдер» деген жолдар бар. Менің ойымша, суицидтің ең басты себебі – иманның әлсіздігінен. Әр қазақ өзін мұсылман санайды. Дегенмен, өкінішке қарай, Ислам дінінің құндылықтарын жете біле бермейді.

Егер адам баласы оны жақсы түсінетін болса, қандай қиын жағдайға кездессе де өзін өлтірмес еді. Түкке тұрмайтын нәрсе үшін өзін құрбан ету деген не масқара? Олар бір сәттік эмоцияның жетегімен өзіне қол жұмсау арқылы «өмірім тынышталады, жаным жай табады» деп ойлайтын шығар. Бұл мүлдем қате түсінік. Осы арқылы жастар өздерін өздері тозаққа итермелегенін білмейді.

Көптеген ата-ана балаларын бақылаусыз қалдырады. Күнделікті күйбең тірлікпен зыр жүгіріп жүріп ұл-қыздарынан алыстап кеткендерін біле бермейді. Кешкілік үйіне келгенде де оған көңіл бөліп, әңгімелесіп жарытпайды. Шаршағанын сылтау етеді. Немесе керекті заттарын алып берумен ғана шектеледі. Сондықтан, ұрпағымызға рухани тәрбие мен рухани азық беру жағына көбірек көңіл бөлсек екен дегім келеді.

Нұрлыбек КҮЗЕНБАЕВ,

«Нұрғасыр» облыстық мешітінің найб имамы,

дінтанушы

АҚТӨБЕ


...ой қосады

Қаржы пирамидасы қалтаңды қағады

Адам ағзасының қалыпты жұмыс жасауы үшін дұрыс тамақтану мен спортпен айналысудың маңызы зор. Алайда қазіргі таңда жастардың басым көпшілігі салмақ тастаймыз деп протеин мен түрлі қоспалары бар ұнтақты қабылдайтыны белгілі. Осындай препараттардың адам денсаулығына тигізер әсері қандай? Пайдасынан зияны көп заттарға тәуелді болып қалып жатқан жоқпыз ба?

Астанада осындай препараттарды сататын орталықтар жетерлік. Солардың санатындағы бір компания өз өнімдерін Қазақстанға әкелгеніне аса көп уақыт бола қойған жоқ. Дегенмен жастардың басым көпшілігі осы өнімді жарнамалап, өздері табыс тауып жүр. Біздің зерделеуімізше, бұл қаржылық пирамиданың бірі десек қателеспейміз. Артық салмақтан арылтып, арық адамдарды толтыратын да қоспаға халықтың сұранысы жоғары екенін байқадық. Интернет арқылы тапсырыс беретіндер де жетерлік. Иә, бағасы да, сапасы да жоғары тауарға деген сұраныс бар. Дегенмен, осындай ұнтақтарға тәуелді болып қалмасақ екен. Артық қылам деп тыртық қылдым дегеннің кебін киіп жүрмейік. Қазақстанға бірнеше жыл бұрын келген Гербалайф өніміне халықтың 10 пайызының тәуелді болып қалғаны да белгілі.

Осындай препараттарды тұтынғанша, табиғи таза өнімдерді пайдаланып, дұрыс тамақтанып, саламатты өмір салтын сақтағанға не жетсін!

Айман МҰҚЫШЕВА

АСТАНА


СОҢҒЫ ЖАҢАЛЫҚТАР

20.05.2018

Солтүстік Қазақстан облысы мен «CLAAS» компаниясы меморандумға қол қойды

20.05.2018

Торғайдағы Ахмет Байтұрсынов туған үй жөнделетін болды

20.05.2018

Қостанай облысында 18-ші өрт сөндіру бекеті ашылды

20.05.2018

Қостанай қаласы «мерейлі отбасын» таңдады

20.05.2018

Батыс Қазақстан мен Астана әріптестік туралы меморандумға қол қойды

20.05.2018

Каспий жағалауында суға шомылу маусымына байланысты үгіт-насихат жұмыстары жүргізілді

20.05.2018

Ақтөбе және Орынбор облыстары ресми делегацияларының кездесуі өтті

20.05.2018

Павлодарда партиялық жоба аясында IT-орталық ашылады

20.05.2018

Екібастұздағы «Шығыс» кенішіне «Liebherr R-976 Litronic» экскаваторы әкелінді

20.05.2018

Павлодарда Медиаторлардың республикалық форумы өтті

20.05.2018

Павлодарда ауыл шаруашылық жерлері электронды картаға түсіріледі

20.05.2018

Павлодарда жүргізушілердің төленбеген көлік салығы 670 миллион теңгеге жеткен

20.05.2018

Хорватия Астанада дипломатиялық өкілдік ашпақ

20.05.2018

Самал Еслямова Канн кинофестивалінде үздік актриса атанды

20.05.2018

20 мамырға арналған ауа райы

20.05.2018

ҚарМУ-да «Рухани жаңғыру» бағдарламасын жүзеге асыру барысын талқылады

19.05.2018

АЭФ-2018 аясында жаһандық трансформация жағдайындағы азаматтық қоғам институттарының рөлі талқыланды

19.05.2018

Қазақстандық сарапшылар ғаламдық дамудың басты бес мегатренді туралы пікір білдірді

19.05.2018

Н. Назарбаев атап өткен бес мегатренд АЭФ-2018 алаңдарында кеңінен талқылануда

19.05.2018

QazaqGeography «Қазақстандық ұлттық географиялық қоғамының» кезектен тыс съезі өз жұмысын бастады

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Серік НЕГИМОВ, Қазақстанның еңбек сіңірген қайраткері

Қазақ қызы осындай

Ұлттық дүниетаным ілімінде халық­тың гүлі қазақ қызының болмысына, әдеп-ілтипатына, сұлулық, ізеттілік қасиеттеріне қатысты «Қызда оттай ыстық мейір бар», «Қызда 40 періште бар», «Қызда 40 көліктік бақыт бар», «Қыздың қабағында құт бар», «Қыз назы 40 кісіні мас қылады», «Қыз 40 істің қисынын біледі», «Бұрынғының қыздары бармағының шұңқырындағы асқа тояды» дейтін сұлулықтың тұңғиық сырларын мәлімдейтін інжу-маржан ойлар, толғамдар, лала лебіздер бар.

Тағы да оқу

Пікірлер(0)

Пікір қосу