Кіші Флойд Мэйуезер мен көрген боксшылардың ең мықтысы – Бақтияр Төлегенов

Кіші Флойд Мэйуезер. Кәсіпқой бокста 49 жекпе-жек өткізіп, бәрінде жеңіске жетті. Осыған дейін мұндай жетістікке ешкім жетпеген. Америкалық боксшымен 1996 жылы Атлантадағы Олимпиада ойындарында қазақстандық Бақтияр Төлегеновтің жұдырықтасқаны жайлы көбісі біле бермейді. Бақтияр Төлегенов sports.kz басылымына америкалықпен өткен айқасы туралы ой бөлісті.
Егемен Қазақстан
14.04.2017 8561
2

«1996 жылы Қазақстан тәуелсіз мемлекет ретінде жазғы Олимпиада ойындарына алғаш рет қатысты. Бәлкім қателесетін шығармын, бірақ сол жылғы ойындар ерекше болатын. Кейбіріміз үшін бірінші Олимпиада еді. Сол жылы құрама сапындағы ең жас спортшы мен болдым. Небәрі 20 жастамын. Тағдырдың жазуы болар, қазақстандық боксшылардың арасынан бірінші болып рингке мен шығатын болдым. Өздеріңіз білесіздер, бұл психологиялық тұрғыда өте қиын. Ал қарсыласым болып кіші Флойд Мэйуезер түсті. 

Мүмкін рингке екі-үш күннен кейін шыққанымда жеңіл болатын ба еді? Себебі, қандай спортшыға болсын бірінші адаптация керек. Ал небәрі 20 жасыңда Олимпиадаға аттанып, бірінші болып шаршы алаңға шығу оңай емес. Мұндай міндетті кез келген адам көтере алмайды», – деді Бақтияр Төлегенов.

Ол кіші Флойд Мэйуезердің мықты тұстарын атап өтті.

«Шынымды айтсам, жекпе-жегіме дейін Флойд туралы көп білмейтін едім. Бірақ біреу менен ең мықты қарсыласым кім болғаны жөнінде сұрайтын болса, ойланбастан Флойдты айтар едім. Онымен жұдырықтасқан адам ең бірінші жылдамдығына назар аударады. Мен соққы бағыттағанымда сытылып шығып, қарсы соққы қайтарып үлгереді. Соққысының күші жоқ, панчер емес, тек техникасының арқасында жеңіске жетеді деген мәліметтер тарағанын естідім. Бірақ ол пікірмен мүлдем келіспеймін. Оның соққылары күшті. Мен көптеген боксшылармен күш сынасып көрдім. Бірақ олардың арасында Флойдқа жеткенін көрмедім. Оның ерекше тұсының бірі – өте жылдам.

Атлантада рингке Мэйуезер шыққанда залдағы көрермендердің реакциясын көрсеңіз. Жекпе-жек кезінде дәл тисін, тимесін әрбір соққысына қуанып отырды. Ал менің дәл тиген соққыларыма үнсіз ғана қарап отырды. Психиологиялық тұрғыда бұл қиын еді. Сол кезде ғана жанкүйерлердің қолдауы спортшыға қалай әсер ететінін түсіндім.

Қателеспесем, жекпе-жегіміз екінші раундтың ортасына таман аяқталды. Мұрнымнан қан аққаннан кейін төреші мені дәрігерге көрсетті. Ол рұқсатын бергенннен кейін ары қарай жалғастырдық. Бірақ раундтың ортасына қарай қан тоқтамай ақты. Бұл жолы дәрігер кездесуді жалғастыруыма рұқсат етпей қойды. Ал өзім дайын едім.

Флойд боксшылар әулетінен шыққан. Отбасында осы спортта үлкен жетістіктерге жеткендер бар. Екеуіміздің айқасымызда төрешілер залдағы реакцияға қарап еріксіз ұпай қосты ма деп күмәнданамын», – деді Бақтияр Төлегенов.

Ол кездері Қазақстан ұлттық құрамасының бас бапкері Әбдісалан Нұрмаханов, ал көмекшісі Александр Апачинский болатын. Мэйуезермен кездесуінің алдында жаттықтырушылар Төлегеновке қандай ақыл-кеңесін айтыпты?

«1995 жылы Азия чемпионатын жеңіп, Олимпиада лицензиясын еншілеген едім. Азия біріншілігінде тай боксшысы Сомлук Камсингті жеңдім. Бірақ 1996 жылы ол Олимпиада чемпионы атанды. Атлантада жеребе кезінде оның жолы болып кетті. Егер Сомлук Мэйуезермен жолыққанда алысқа бара алмас еді.

Мэйуезердің орны америкалықтар үшін ерекше. Оның тіпті, рингке шыққандағы жұрттың шулай жөнелгенін көрсеңіздер. Елімізде кәсіпқой бокс Геннадий Головкиннің арқасында енді дамып келеді. Ал АҚШ-та сол кездің өзінде әуесқой бокста стилі, мәнері кәсіпқойларға келетін боксшылары көп болатын. Флойд жай ғана рингке көтерілгенде өзін шоумен секілді ұстайтын, яғни билеп, бір орында тұра алмай жанкүйерлерді ойнатып тұратын. Бұл қылығы Александр Апачинскийге ұнамаған болса керек, жекпе-жек алдында: «Оның басын жұлып алшы!» – дегені бар еді. Бірақ Флойдтың рингте де, оның сыртында да өзін нағыз жұлдыз ретінде ұстайтынын айта кеткен жөн. Ол мұндай мәртебеге лайық.

Біз бокстың аңызына айналған деп Мұхаммед Әли, Майк Тайсонды айтамыз. Бірақ олардың карьерасында да ауыр жеңілістер болды. Ал кіші Флойд Мэйуезер ешкімге есе жібермеген. Ол өте ақылды, талантты боксшы», – деді Төлегенов.

Бақтияр Төлегенов сондай-ақ, Мэйуезерді өзі жұдырықтасқан боксшылармен салыстырып өтті.

«Өз салмағымда еліміздегі ең үздік боксшы болдым. Халықаралық жарыстарда әйгілі былғары қолғап шеберлерімен жұдырықтастым. Бірақ Мэйуезерден басқасын өзімнен айтарлықтай мықты болды деп айта алмаймын. Мен күш сынасқандардың ішінде Флойд ең мықтысы болды», – деді ол.

Кіші Флойд Мэйуезер сол жылы болгариялық Серафим Тодоровқа есе жіберген болатын.

«Мэйуезер жекпе-жектен кейін төрешінің әділ шешім шығармағанын айтты. Мен де солай ойлаймын. Болгариялықтан ұтылмағанына сенімдімін. Бұл жерде бәрі саясатқа келіп тіреліп тұрған сияқты. Серафим Тодоров ол кезде екі дүркін әлем чемпионы болатын. Бұл жерде айта кетер бір жайт бар. Турнирдің бас төрешісі болгариялық болатын. Оның үстіне Болгария жалпыкомандалық есепте екінші орын үшін Қазақстанмен бәсекелесіп келді. Егер Тодоров жеңілгенде біз екінші болатын едік. Ал басқаша айтар болсақ, Тодоровты финалға төрешілер шығарды. Бірақ ақтық сында да үмітті ақтай алмай Сомлук Камсингтен ұтылды», – деді ол.

Рио Олимпиадасынан кейін Данияр Елеусіновті Мэйуезермен салыстырғандар да болды. Бірақ Бақтияр Төлегенов америкалықтың бәсі жоғары екенін тағы бір мәрте айтып өтті.

«Данияр – өте мықты боксшы, әуесқойда үлкен жетістіктерге жетті. Ал салыстыруға келер болсақ, екеуінің айырмашылығы – жылдамдығы мен соққысының күштілігінде. Осы жағынан Данияр америкалыққа ілесе алмайды. Ал кәсіпқой бокста дәл осы екі фактор маңызды болып есептеледі.

Бақтияр Төлегенов Геннадий Головкин мен Флойд Мэйуезер арасындағы өтуі мүмкін кездесу жайлы да ой бөлісті.

«Меніңше, бұл тек қана жарнама секілді. Себебі, мұндай кездесудің ұйымдастырылуы екіталай. Олар екі түрлі салмақта бокстасады. Біріншіден, Флойдпен шыққан кез келген боксшының рейтингі көтеріліп, беделі арта түседі. Екіншіден, келесі жекпе-жегінде сыйақы көлемін арттыра алады. Сондықтан қаржы жағынан бұл Головкин үшін өте тиімді болмақ. Ал Мэйуезерге айтарлықтай пайда әкелмейді. Екінші жағынан ол Головкинмен шығып, тәуекелге барады. Себебі, ұтылып қалуы мүмкін. Сондай-ақ, GGG-мен күш сынасып, үлкен ақша табуы да екіталай», – деді ол.  

Дайындаған Аян Әбдуәли «Егемен Қазақстан»

СОҢҒЫ ЖАҢАЛЫҚТАР

23.01.2019

Дэвис кубогында Португалияға қарсы ойнаймыз

23.01.2019

Иван Дычко 1 наурызда рингке шығады

23.01.2019

«Батыс» өңірлік қолбасшылығында роталық-тактикалық топтардың тактикалық оқу-жаттығулары өтуде

23.01.2019

«Астана» футбол клубы 67-орында

23.01.2019

Елбасы тапсырма бермесе, тариф төмендемейтін түрі жоқ

23.01.2019

«Оскар» номинанттары белгілі болды

23.01.2019

Көтеріліп жатқан мәселелер мен олардың шешімі адам капиталын арттыруға жол ашады — сарапшы

23.01.2019

2018 жылы қазақстандықтарды елде болған қандай оқиғалар қызықтырды

23.01.2019

Мамлют ауданына жаңа әкім тағайындалды

23.01.2019

Жетісулық студенттер волонтер болуға бейілді

23.01.2019

Аралас жекпе-жектен ел чемпионаты алғаш рет Алматыда өтеді

23.01.2019

Н.Назарбаев: Жусан операциясы жалғаса береді

23.01.2019

Спорттық гимнастика: Токио олимпиадасына іріктеу турнирі қалай өтеді?

23.01.2019

Дзюдодан Қазақстан құрамасы аралас командалық турнирден іріктеу сынына қатысады

23.01.2019

Шорт-трекші Абзал Әжіғалиев жаттығу кезінде тобығын шығарып алды

23.01.2019

Седнева мен Еркебаева Ресейдегі халықаралық турнирде топ жарды

23.01.2019

Шымкенттің экологиялық жағдайын жақсарту жөнінде меморандум түзілді

23.01.2019

Президент волонтер студенттердің шәкіртақысын өсіруді тапсырды

23.01.2019

Азат Перуашев Қазақ Республикасы атауын қайта енгізуді ұсынды

23.01.2019

Н.Назарбаев: Жас ғалымдарды қолдауға жыл сайын 3 млрд теңге қаржы бөлінсін

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу