«Күш машинасын» құралсыз бағындырды

ЭКСПО-2017 халықаралық көр­ме­сін­дегі ең ерекше аймақтардың бірі – Аустрия павильоны. Онда «Күш машина­сы» деп аталатын аттракциондар­дан жә­не механизмдерден құралған тұтас бір құ­рылым орнатылған. Ол келушілерге ойын арқылы электр қуатын өндіруге мүм­кіндік береді. Биіктігі үш қабатты үй­мен бірдей болатын құрылым ау­мағы 870 шаршы метр павильонның бар­лығын алып жатыр. Осы биіктікті қа­зақстандық белгілі альпинист Мақсұт Жұмаев ешқандай құрал-жабдықсыз ба­ғындырады. 
Егемен Қазақстан
19.07.2017 463

Ол құрылым бөренелеріне өрмелеп шы­ғып, Қазақстан мен Аустрия Туын орнатты. Па­ви­льон басшылығының айтуынша, бұл – екі ел ара­сындағы ынтымақтастық пен өзара тү­сі­ніс­тік­ті білдіреді.  Әлемдегі барлық сегіз мың метрлік шыңдарға оттегі құралынсыз шыққан Мақсұт Жұмаев – Аустрия еліне бұрыннан бері достық ниеттегі жан. Бұл достықтың бастамасы сонау 2003 жылы Гималай экспедициясы кезінде сегіз мың метрлік Нангапарбатқа шығу алдында қаланған. Ол әлемдегі барлық сегіз мың метрлік шыңдарды оттегі құралынсыз бағындырған  тарихтағы алғашқы әйел – аустриялық альпинист Герлинда Кальтенбруннермен таныс. 2011 жылы биіктігі жағынан Эвересттен кейінгі әлемдегі ең биік шың – К2-ге «тау патшайымы» Герлинда Кальтенбруннер және қазақстандық альпинис­тер Мақсұт Жұмаев пен Василий Пивцовтың бірге көтерілуі – үшеуі үшін де әлемнің сегіз мың метрлік шыңдарын бағындырудағы өздерінің жеке бағдарламаларының аяқталуы болды. 


Төрт жыл бұрын Мақсұт Жұмаев Президент Нұрсұлтан Назарбаевтың Венаға ресми сапары қарсаңында Аустрияның ең биік нүктесі – Гросглокнер шыңын бағындырып, екі елдің достығы мен өзара түсіністігінің кепілі ретінде Аустрия мен Қазақстан Туын қадаған. 
Аустрияда тауды еңкейген кәріден, еңбек­те­ген балаға дейін жақсы көреді. Онда 150 жыл­дан астам уақыттан бері тау демалысы мен та­би­ғатын ұнататын адамдардың «Alpenverein» альпі­лік қауымдастығы жұмыс істейді. Ұйым мен Мақсұт Жұмаев ынтымақтастық туралы ме­морандумға қол қойып, Қазақстанда осыған ұқ­сас клуб құрған. «Мен Аустрияны оның адам мен табиғатқа қатысты «жасыл» технологиялары үшін қатты сыйлаймын. Қазақстандық альпини­стер клубының негізгі мақсаты – адамдарды табиғатпен дұрыс тіл табысуға үйрету», дейді М.Жұмаев. 
ЭКСПО-дағы Аустрия павильонына келу­ші­лер қазақстандық альпинистің «Күш машина­сын» бағындырудағы әсерлі шоуына куәгер болып, қазақстандық клубпен, оның аустриялық әріп­тесі – «Alpenverein» клубымен танысты. Со­нымен қатар, альпинистің әлемнің ең биік шың­дарын бағындырғаны туралы, Герлинда Каль­тенбруннермен бірге тауға шығуы жайында естеліктерін тыңдады. Мақсұт Жұмаев альпинизм мен «жасыл» технологиялар арасында да байланыс бар екендігін айтты. «Альпинизм табиғатпен байланысты. Осы арқылы біз «жасыл» технология-
лар түсінігі бар екендігін жеткізгіміз келді. Бұл – тек адамдар арасындағы ғана байланыс емес, табиғат пен адамзат арасындағы байланыс. Адам табиғатты қалай аяласа, осыдан оның әлемге деген көзқарасын анықтауға болады», дейді ол.


Альпинист «Күш машинасына» шыққан кезде бойында қорқыныш болғанын да жасырмады. «Конструкцияға өрмелегенімде шынымен қорықтым. Себебі, бұл қондырғыны мен тұрғызған жоқпын. Сондықтан ыңғайсыздау болды. Қорқыныш жаңа әрекет жасатады, егер оған берілсеңіз, алға жылжымайсыз. Өзіңізге деген сенім болу керек. Армандарыңызға сеніңіз. Жаныңыз өзгерістерді қаласа, арманыңызға қол созыңыз. Мысалы, менің арманым – әлемдегі ең биік Эверест шыңын арнайы жабдықсыз бағындыру», деген М.Жұмаев келесі жылы оның да реті келетінін әңгімеледі. Оның айтуынша, Эверест шыңына екінші экспедициясын ұйымдастырмақ. «Сол кезде осы ойымды жүзеге асыру үшін бар күшімді саламын», – деп ағынан жарылды альпинист. 

Асхат РАЙҚҰЛ

"Егемен Қазақстан"

СОҢҒЫ ЖАҢАЛЫҚТАР

21.05.2018

Лионель Месси «Алтын бутса» сыйлығын бесінші рет жеңіп алды

21.05.2018

Қазақстан мен Халықаралық ҚҚДБ арасындағы Қарыз туралы келісім туралы заң жобасы қаралды

21.05.2018

Қ. Тоқаев Толеранттық және бейбітшілік жөніндегі жаһандық кеңестің басшысымен кездесті

21.05.2018

Шымкент-2 жаңа теміржол вокзалы салынады

21.05.2018

Елбасы Өзбекстан Республикасының Президентімен телефон арқылы сөйлесті

21.05.2018

ОҚО-да Нобель сыйлығы лауретының қатысуымен ғылыми-практикалық дөңгелек үстел өтті

21.05.2018

Қазақстанның аграрлық ғылымының дамуына арналған баспасөз конференциясы өтті

21.05.2018

Филиппо Оноранти: Алқалы жиынның алар орны да ерекше

21.05.2018

Ханс-Пол Бюркнер: Мұнай мен газ ғана емес, басқа салалардың да дамуы керек

21.05.2018

Мырзакелді Кемел: Болашаққа бағдарланған форум

21.05.2018

«Нұр Отан» Атырау мен Павлодарда ІТ-мамандарын дайындатын ІТ-орталықтар ашты

21.05.2018

Бурабай ұлттық паркіне арналған «A day in Burabay» бірегей фотоальбомы жарық көрді

21.05.2018

Алматыда 5 жасар бала менингиттен көз жұмды

21.05.2018

Мекен-жай анықтамасын Telegram-бот арқылы алуға болады

21.05.2018

Нұрлан Ноғаев: Бизнес субъектілеріне мемлекеттің қолдауы аймақтың экспорттық әлеуетін арттыруға септігін тигізеді

21.05.2018

Алматылық педагогтар СДУ-да бас қосты

21.05.2018

Қазақстанда тұңғыш рет көз іші қатерлі ісігіне шалдыққан балаларға СИАХТ отасы жасалады

21.05.2018

Самал Еслямова: Біз бұл кинокартинаны түсіру үшін 7 жылымызды сарп еттік

21.05.2018

Жезқазған қаласының әкімі өз еркімен қызметінен кетті

21.05.2018

Айдос Қыдырма ҚР Премьер-Министрінің баспасөз хатшысы қызметінен кетті

ТАҒЫ ЖҮКТЕУ
КОЛУМНИСТЕР

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Тағы да оқу

Пікірлер(0)

Пікір қосу